ប្រទេសថៃ ៖ ការចំណាយមូលធនសកលបានធ្លាក់ចុះ១០% ដោយសារតែទំនិញប្រើប្រាស់មានតម្លៃទាប ហើយត្រូវបានគេរំពឹងថា នឹងធ្លាក់ចុះត្រឹមអត្រា៤%ក្នុងឆ្នាំ២០១៦ និង២%នៅឆ្នាំក្រោយ។ នេះបើតាមការព្យាកររបស់
ប្រទេសថៃ ៖ ការចំណាយមូលធនសកលបានធ្លាក់ចុះ១០% ដោយសារតែទំនិញប្រើប្រាស់មានតម្លៃទាប ហើយត្រូវបានគេរំពឹងថា នឹងធ្លាក់ចុះត្រឹមអត្រា៤%ក្នុងឆ្នាំ២០១៦ និង២%នៅឆ្នាំក្រោយ។ នេះបើតាមការព្យាកររបស់Standard & Poor’s Ratings Services ។
សញ្ញាវិជ្ជមានដែលបានសរសេរនៅក្នុងរបាយការណ៍ឲ្យដឹងថា កំណើនមូលធនចំណាយដែលមិនរាប់បញ្ចូលថាមពល និងវត្ថុធាតុដើមនោះ ហាក់ដូចជានៅតែបង្ហាញកំណើនវិជ្ជមានដដែល ពោលគឺក្នុងអត្រា២% នៅឆ្នាំនេះ ។
ការពង្រីកទៅលើចំណាយមូលធនក្នុងវិស័យត្រូវបានគេរំពឹងទៅលើវិស័យបច្ចេកវិទ្យាព័ត៌មាន, រថយន្ត និងប្រព័ន្ធផ្សព្វផ្សាយ និងវិស័យថែទាំសុខភាព ។ ប៉ុន្តែបើគិតជារួមវិញ វាបានផ្តល់ការលើកទឹកចិត្តតិចតួចប៉ុណ្ណោះ ដោយសារតែមានការព្រួយបារម្ភជាថ្មីពីការផុយស្រួយនៃសេដ្ឋកិច្ចសកល និងការចោទសួរពីប្រសិទ្ធភាពនៃការខិតខំប្រឹងប្រែងរបស់ធនាគារជាតិ ដើម្បីទាក់ទាញការវិនិយោគ ។
អគ្គនាយកជាន់ខ្ពស់់នៃក្រុមហ៊ុន Standard & Poor’sRatings Services លោក Gareth Williams បានមានប្រសាសន៍ថា ៖ « យើងព្យាករថា ក្រុមហ៊ុនប្រេង និងឧស្ម័ន នឹងកាត់បន្ថយមូលធនសកលរបស់ពួកគេត្រឹម២៤% នៅក្នុងឆ្នាំ២០១៥ និងបន្តកាត់បន្ថយ១៥%សម្រាប់ឆ្នាំ២០១៦ ។ ជាងនេះទៀត វិស័យរ៉ែ និងដែក ក៏មានការធ្លាក់ចុះស្រដៀងគ្នាដែរ ខណៈមូលធនចំណាយបានធ្លាក់ចុះ២២%នៅឆ្នាំ២០១៥ ហើយគេរំពឹងថា នឹងបន្តធ្លាក់ចុះ២០%នៅឆ្នាំនេះ ។ ជាក់ស្តែង ការធ្លាក់ចុះនេះ គឺមានសភាពធ្ងន់ធ្ងរជាងការស្ទាបស្ទង់មតិក្នុងខែសីហា ឆ្នាំ២០១៥ ទៅទៀត » ។
៣២ក្រុមហ៊ុននៅក្នុង Global Capex 2000 សាកលលោក ត្រូវបានគេរំពឹងថា នឹងមានការវិនិយោគបន្ថែមក្រោមទឹកប្រាក់១០ប៊ីលានដុល្លារនៅឆ្នាំ២០១៦ ហើយ២៥ក្រុមហ៊ុនទៀតត្រូវរំពឹងថា ការចំណាយបានធ្លាក់ចុះក្នុងរយៈពេល៦ខែកន្លងមក ពោលគឺការចំណាយមូលធនលើកដំបូងត្រូវគេព្យាករថា ធ្លាក់ចុះ៥៨ប៊ីលានដុល្លារ ពីទឹកប្រាក់ចំនួន៥៤៩ប៊ីលានដុល្លារ ទៅ៤៩១ប៊ីលានដុល្លារ ។
លោក Gareth Williams បន្ថែមថា ៖ « ការធ្លាក់ចុះនៃមូលចំណាយទំនិញប្រើប្រាស់ និងការផ្គត់ផ្គង់លើសកម្រិត នៅតែជាបញ្ហាសម្រាប់ឧស្សាហកម្មនាំចេញ និងដែក។ ប្រាក់ចំណូលទាប និងនិន្នាការបានពន្យល់ពីកំណើនដ៏ស្តួចស្តើងនៃមូលធនចំណាយនេះ » ។
ការធ្លាក់ចុះខ្សោយនៃមូលធនចំណាយ គឺជាអភូតហេតុសកល ដែលតំបន់ទាំងអស់បានចុះកិច្ចសន្យាមូលធនចំណាយក្នុងឆ្នាំ២០១៥ ។ ដោយឡែក មានតែប្រទេសជប៉ុនមួយប៉ុណ្ណោះ ត្រូវគេរំពឹងថា នឹងមានកំណើននៅឆ្នាំ២០១៦នេះ។
ដូច្នេះ និន្នាការព្យាករដែលបានឯកភាពព្រមគ្នា នឹងបន្តធ្លាក់ចុះនៅគ្រប់តំបន់ទាំងអស់ លើកលែងតែប្រទេសជប៉ុន ។ និន្នាការនេះនៅតែមានអត្រាទាបនៅអាមេរិកឡាទីន ដោយបានឆ្លុះបញ្ចាំងពីការចុះខ្សោយតម្លៃទំនិញប្រើប្រាស់ និងអត្រាកំណើនសេដ្ឋកិច្ច ខណៈកំណើនសេដ្ឋកិច្ចចិនបានកើនឡើងតិចតួច ៕
ចែករំលែកព័តមាននេះ