FIFA ៖ កីឡាករ-កីឡាការិនីអាហ្វហ្គានីស្ថាន១០០នាក់ ត្រូវបានជម្លៀសដល់កាតា
កាតា ៖ សហព័ន្ធបាល់ទាត់ពិភពលោក FIFA បានបញ្ជាក់ថា កីឡាករ-កីឡាការិនី និងគ្រូបង្វឹកបាល់ទាត់ប្រមាណ១០០នាក់ ត្រូវ
កាតា ៖ សហព័ន្ធបាល់ទាត់ពិភពលោក FIFA បានបញ្ជាក់ថា កីឡាករ-កីឡាការិនី និងគ្រូបង្វឹកបាល់ទាត់ប្រមាណ១០០នាក់ ត្រូវ
កាតា ៖ សហព័ន្ធបាល់ទាត់ពិភពលោក FIFA បានបញ្ជាក់ថា កីឡាករ-កីឡាការិនី និងគ្រូបង្វឹកបាល់ទាត់ប្រមាណ១០០នាក់ ត្រូវបានជម្លៀសចេញពីប្រទេសអាហ្វហ្គានីស្ថានទៅកាន់រដ្ឋធានីដូហា ប្រទេសកាតា។
FIFA បានសាទរចំពោះតួនាទីដ៏សំខាន់របស់កាតា ក្នុងការសម្របសម្រួលដំណើរការជម្លៀស ហើយព្រមទាំងបានសន្យាថា នឹងបន្តជម្លៀសខ្លួនអត្តពលិកអាហ្វហ្គានីស្ថានផ្សេងទៀតផងដែរ។
FIFA បានបញ្ជាក់ក្នុងសេចក្តីថ្លែងការណ៍មួយថា ដោយមានការគាំទ្រពីកាតា បានសម្រេចជម្លៀសសមាជិកបាល់ទាត់ប្រមាណ១០០នាក់ ចេញពីអាហ្វហ្គានីស្ថាន ក្នុងនោះរួមទាំងកីឡាការិនីផងដែរ។ ហើយជាមួយគ្នានោះ លោក Lolwah Alkhater ដែលជាអនុរដ្ឋមន្ត្រីក្រសួងការបរទេសកាតាបាននិយាយថា គ្រួសាររបស់កីឡាករ-កីឡាការិនីទាំងនោះ ក៏ស្ថិតនៅលើយន្តហោះជាមួយពួកគេផងដែរ។
ស្ថាប័នក្បាលម៉ាស៊ីនបាល់ទាត់មួយនេះ បានបន្ថែមថា ខ្លួនបានសហការយ៉ាងជិតស្និទ្ធជាមួយរដ្ឋាភិបាលកាតាចាប់តាំងពីខែសីហា ក្នុងដំណើរការជម្លៀស។ ហើយនឹងបន្តធ្វើការយ៉ាងជិតស្និទ្ធលើការជម្លៀសប្រកបដោយសុវត្ថិភាពដល់អត្តពលិកកីឡាផ្សេងទៀតនាពេលអនាគត។
គួរបញ្ជាក់ជូនថា ចលនាក្រុមតាលីបង់បានគ្រប់គ្រងទីក្រុងកាប៊ុលឡើងវិញ កាលពីថ្ងៃទី១៥ ខែសីហា បន្ទាប់ពីរដ្ឋាភិបាលដែលគាំទ្រដោយប្រទេសលោកខាងលិចពីមុនបានដួលរលំ។ ខណៈមន្ត្រី បុគ្គលិកសំខាន់ៗ និងអត្តពលិក ជាពិសេសអត្តពលិកជាស្ត្រី បានព្យាយាមភៀសខ្លួនចេញពីប្រទេសកំណើត ដែលកំពុងហែកហួរដោយភ្លើងសង្គ្រាម៕ (ដកស្រង់ចេញពី Daily Sabah)
ចែករំលែកព័តមាននេះ