រាជធានីភ្នំពេញ ៖ ​ប្រភពពីមន្រ្តីគណបក្សកម្ពុជាសេរីភាពបានបង្ហើបឲ្យដឹងថា​ ប្រធានគណបក្សកម្ពុជាសេរីភាពដែលទើបបង្កើតកាលពេលថ្មីៗនេះ​ លោកបណ្ឌិតសាស្រ្តាចារ្យ ​ជា ចំរើន បានសុំលា​លែងតំណែងពីប្រធាន​គណបក្សកម្ពុជាសេរីភាព ​និង ប្រកាសបញ្ចប់ជីវិតនយោបាយ ។

ប្រភពបន្តថា​ ការប្រកាសលាលែងតំណែងនិងបញ្ចប់ជីវិតនយោបាយនាពេលនេះ ​ដោយសារលោកបណ្ឌិត ​ចង់រស់នៅក្នុងជីវភាពជាប្រជាពលរដ្ឋសាមញ្ញ ​ព្រោះលោកបាន​លះបង់កាយសព្វបែប​យ៉ាងជាមួយ​ជីវិតនយោបាយ ។

គួរបញ្ចាក់ថា ​អតីតតំណាងរាស្រ្តគណបក្សប្រជាជនកម្ពុជានិង​សមាជិកគណៈកម្មាធិការជាតិរៀបចំការបោះឆ្នោត ​(គ.ជ.ប) លោក ជា ចំរើន ​បានដាក់លិខិតសុំលាលែងពីសមាជិក​គណៈកម្មាធិការ​​​កណ្តាល​​គណបក្ស​ប្រជាជន​កាលពីថ្ងៃទី១៨ វិច្ឆិកា​ ២០១៥ បន្ទាប់ពីរួមរស់ក្នុង​គណបក្សនេះរយៈពេល២២ឆា្នំ ​និងមួយថ្ងៃក្រោយមក​គណបក្សប្រជាជនកម្ពុជា​បានយល់ព្រម​ឲ្យចាក​ចេញតាមសំណើ ។ ​នៅថ្ងៃទី២៥ វិច្ឆិកា ២០១៥ ពោលប្រមាណមួយសប្តាហ៍ប៉ុណ្ណោះ ​លោកបណ្ឌិតសាស្រ្តាចារ្យ ជា ចំរើន ​បានប្រកាសបង្កើតគណបក្សថ្មីមួយដោយដាក់ឈ្មោះថា “គណបក្ស​កម្ពុជាសេរីភាព”​ និងក្រោយមកត្រូវបាន​ក្រសួអមហាផ្ទៃចុះបញ្ជីទទួលស្គាល់ផ្លូវការ​ ប៉ុន្តែនៅពេលនេះ​ ​លោកបានប្រកាសបញ្ចប់ជីវិតនយោបាយ​របស់លោកហើយ ដើម្បីរស់នៅ​ជាប្រជាពលរដ្ឋ​សាមញ្ញធម្មតា ​ដោយមិនខ្វល់ពីនយោបាយ​ទៀតហើយ ៕