ប្រទេសសិង្ហបុរី ៖ ទស្សនវិស័យកំណើនសេដ្ឋកិច្ចសិង្ហបុរីនៅឆ្នាំនេះមានសភាពអួអាប់។ នេះបើតាមការស្ទង់មតិថ្មីរបស់ក្រុមសេដ្ឋវិទូឯកជន ដែលបានចុះផ្សាយកាលពីថ្ងៃទី១៦ មីនា កន្លងមក ។
ប្រទេសសិង្ហបុរី ៖ ទស្សនវិស័យកំណើនសេដ្ឋកិច្ចសិង្ហបុរីនៅឆ្នាំនេះមានសភាពអួអាប់។ នេះបើតាមការស្ទង់មតិថ្មីរបស់ក្រុមសេដ្ឋវិទូឯកជន ដែលបានចុះផ្សាយកាលពីថ្ងៃទី១៦ មីនា កន្លងមក ។
សេដ្ឋកិច្ចជាតិនឹងកើនឡើងបន្តិចក្នុងអត្រា១,៩%នៅឆ្នាំនេះ ពោលគឺបានធ្លាក់ចុះ បើធៀបនឹងការព្យាករក្នុងខែធ្នូ ស្មើនឹងអត្រា២,២% ។ នេះបើតាមការស្ទង់មតិធ្វើឡើងដោយអាជ្ញាធររូបិយប័ណ្ណសិង្ហបុរី Monetary Authority of Singapore (MAS) ។
ចំណែករដ្ឋាភិបាលសិង្ហបុរីបានព្យាករថា នៅឆ្នាំនេះ កំណើនសេដ្ឋកិច្ចនឹងមានអត្រាចន្លោះពី២% ទៅ៤% ។ ក្នុងនោះដែរ នៅត្រីមាសទី១ឆ្នាំនេះ ក្រុមអ្នកសេដ្ឋវិទូរំពឹងថា កំណើនសេដ្ឋកិច្ចនឹងមានអត្រា១,៦% ។ រីឯអ្នកឆ្លើយតបលើការស្ទង់មតិនេះរំពឹងថា អតិផរណានៅឆ្នាំនេះអាចមានអត្រា០,២% ពោលគឺបានធ្លាក់ចុះ បើធៀបនឹងការព្យាករ០,៥% នៃការស្ទង់មតិមុន ។
ការស្ទង់មតិនេះបង្ហាញថា អតិផរណារបស់អាជ្ញាធររូបិយប័ណ្ណសិង្ហបុរីមានអត្រា០,៨% គឺជាអត្រាធ្លាក់ចុះ បើធៀបនឹងគម្រោងស្ទង់មតិមុនមានអត្រារហូតដល់១% ដោយសារតែតម្លៃថាមពលសកលបានបន្តធ្លាក់ចុះនៅដើមឆ្នាំនេះ ស្របនឹងទស្សនវិស័យសេដ្ឋកិច្ចសកលហាក់មានភាពមិនប្រាកដប្រជា ។
ទោះជាយ៉ាងណា ក្រុមអ្នកសេដ្ឋវិទូរំពឹងថា សេដ្ឋកិច្ចសិង្ហបុរីនឹងកើនឡើង២,៥% នៅឆ្នាំក្រោយ ៕
ចែករំលែកព័តមាននេះ