រាជធានីភ្នំពេញ ៖ ករណីគ្រោះអគ្គិភ័យមួយឆេះបំផ្លាញសម្ភារមួយចំនួន ដែលបានកើតឡើងនៅវេលាម៉ោង៩និង៤៥នាទីព្រឹក ថ្ងៃទី១៥ ខែតុលា ឆ្នាំ២០២១នេះ ដែលស្ថិតនៅចំណុចផ្ទះជួល តាមបណ្តោយផ្លូវព្រះនរោត្តម ក្រុម៦៨…
រាជធានីភ្នំពេញ ៖ ករណីគ្រោះអគ្គិភ័យមួយឆេះបំផ្លាញសម្ភារមួយចំនួន ដែលបានកើតឡើងនៅវេលាម៉ោង៩និង៤៥នាទីព្រឹក ថ្ងៃទី១៥ ខែតុលា ឆ្នាំ២០២១នេះ ដែលស្ថិតនៅចំណុចផ្ទះជួល តាមបណ្តោយផ្លូវព្រះនរោត្តម ក្រុម៦៨ ភូមិ៥ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ។
យោងតាមរបាយការណ៍របស់លោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានឲ្យដឹងថា ចំពោះមូលហេតុ នៃការឆាបឆេះបណ្តាលមកពីការឆ្លងចរន្តអគ្គិសនី ។
ក្នុងហេតុការណ៍មួយនេះ បណ្តាលឲ្យឆាបឆេះផ្ទះថ្មបេតុង ដែលមានទំហំ ៤ម៉ែត្រ គុណ ៤ម៉ែត្រ ខូចខាតសម្ភារៈ ប្រើប្រាស់អស់មួយចំនួន នឹងពុំបណ្តលឲ្យឆេះរាលដាលដល់ផ្ទះអ្នកជិតខាងឡើយ ។
សម្រាប់ប្រតិបត្តិការសង្គ្រោះវិញ សមត្ថកិច្ចប្រើប្រាស់រថយន្ដការិយាល័យបង្ការ និងពន្លត់អគ្គិភ័យ ចំនួន៥គ្រឿង ប្រើប្រាស់ទឹកអស់៣ឡានស្មើរនឹង ១២ម៉ែត្រគូប, រថយន្តជំនួយមកក្រសួងមហាផ្ទៃ ចំនួន ២គ្រឿង ពុំប្រើប្រាស់ទឹក ទើបរលត់ទាំងស្រុង នៅវេលាម៉ោង ១០និង០០នាទីព្រឹកថ្ងៃដដែរ ៕
ចែករំលែកព័តមាននេះ