Pedri បន្តកុងត្រាថ្មីជាមួយ Barcelona ដោយមានតម្លៃផ្តាច់កុងត្រាជាង១ពាន់លានដុល្លារ
អេស្ប៉ាញ ៖ ខ្សែបម្រើវ័យក្មេង Pedri បានបន្តកុងត្រាថ្មីជាមួយក្លិបអ្នកមានបុណ្យ Barcelona ជាផ្លូវការ រហូតដល់ឆ្នាំ ២០២៦ ដោយ
អេស្ប៉ាញ ៖ ខ្សែបម្រើវ័យក្មេង Pedri បានបន្តកុងត្រាថ្មីជាមួយក្លិបអ្នកមានបុណ្យ Barcelona ជាផ្លូវការ រហូតដល់ឆ្នាំ ២០២៦ ដោយមានតម្លៃផ្តាច់កុងត្រារហូតដល់១ពាន់លានអឺរ៉ូ (១,១ពាន់លានដុល្លារអាមេរិក)។
ខ្សែបម្រើវ័យ១៨ឆ្នាំរូបនេះ បានផ្លាស់ពីក្លិប Las Palmas និងត្រូវបានប្រកាសជាកីឡាករពេញសិទ្ធិរបស់ Barcelona កាលពីដើមខែសីហា ឆ្នាំ២០២០ នៅក្នុងតម្លៃ៥លានអឺរ៉ូ។
កីឡាកររូបនេះ បង្ហាញខ្លួន៥៦ប្រកួត និងស៊ុតបញ្ចូលទី៤គ្រាប់ឱ្យ Barcelona ។ ខណៈកិច្ចសន្យារបស់គេនឹងត្រូវផុតកំណត់នៅបញ្ចប់រហូតកាល ២០២១/២២។ មុនពេលក្លិបប្រកាសដំណឹងដ៏រីករាយនៃការសម្រេចបន្តកុងត្រាថ្មីជាមួយ Pedri ជាផ្លូវការកាលពីថ្ងៃទី១៤ ខែតុលា កន្លងទៅ។
Pedri បានក្លាយជាកីឡាករវ័យក្មេងដ៏លេចធ្លោបំផុតម្នាក់កាលពីពេលថ្មីៗនេះ បន្ទាប់ពីបានបង្ហាញទម្រង់លេងយ៉ាងអស្ចារ្យជាមួយក្រុមជម្រើសជាតិអេស្ប៉ាញ នៅក្នុងព្រឹត្តិការណ៍ Euro 2020 និងព្រឹត្តិការណ៍កីឡាអូឡាំពិកទីក្រុងតូក្យូឆ្នាំ ២០២០៕ (ដកស្រង់ពី FC Barcelona និង Eurosport)
ចែករំលែកព័តមាននេះ