រាជធានីភ្នំពេញ ៖ នៅក្នុងយុគសម័យឌីជីថល ភាពជាសហគ្រិនអាចចូលដំណើរការបានច្រើនជាងពេលណាៗទាំងអស់ នេះមិនមានន័យថា វាជាផ្លូវដែលទំនេរច្រើននោះទេ តែវាជាឱកាសច្រើនាសម្រាប់មនុស្សដែលចង់ចាប់ផ្តើមអាជីវកម្ម ជាពិសេសយុវវ័យ ។ ខាងក្រោមនេះជាគន្លឹះ…
រាជធានីភ្នំពេញ ៖ នៅក្នុងយុគសម័យឌីជីថល ភាពជាសហគ្រិនអាចចូលដំណើរការបានច្រើនជាងពេលណាៗទាំងអស់ នេះមិនមានន័យថា វាជាផ្លូវដែលទំនេរច្រើននោះទេ តែវាជាឱកាសច្រើនាសម្រាប់មនុស្សដែលចង់ចាប់ផ្តើមអាជីវកម្ម ជាពិសេសយុវវ័យ ។ ខាងក្រោមនេះជាគន្លឹះ ៥ យ៉ាង ដើម្បីក្លាយខ្លួនជាសហគ្រិនជោគជ័យទាំងវ័យក្មេង ៖
ទី ១ ការរៀបចំផែនការ រៀបហើយរៀបទៀត ៖ មិនមានអ្វីអាចជំនួសផែនការអាជីវកម្មដ៏រឹងរបស់អ្នកបានទេ ប្រសិនបើអ្នកបានរៀបចំផែនការអាជីវកម្ម និងយុទ្ធសាស្ត្រទីផ្សាឱ្យបានគ្រប់គ្រាន់ និងត្រឹមត្រូវនោះ មានន័យថា វានឹងមិនសូវខុស ។ អ្វីដែលសំខាន់ អ្នកត្រូវមានការវិភាគលើប្រជាសាស្ត្រ គោលដៅ និងដៃគូប្រកួតប្រជែងរបស់អ្នក ។
ទី ២ ស្វែងរកអ្នកប្រឹក្សាដែលអាចណែនាំអ្នកបាន ៖ មិនថា អ្នកជាមនុស្សពូកែប៉ុនណា ក៏អ្នកត្រូវស្វែងរកអ្នកធ្លាប់មានបទពិសោធន័បរាជ័យ និងជោគជ័យដើម្បីរៀនពីពួកគេ ជាពិសេសយុទ្ធសាស្ត្រក្នុងទីផ្សា ។
ទី ៣ រក្សាទីផ្សារបស់អ្នកឱ្យបានល្អបំផុត ៖ ការធ្វើទីផ្សាអាជីវកម្មរបស់អ្នកមានសារៈសំខាន់ខ្លាំងណាស់ ប៉ុន្តែប្រសិនអ្នកឆ្លាត អ្នកអាចទាញយកប្រយោជន៍ពីបណ្តាញសង្គមនានាបាន ដូចជាការបង្កើតទំព័រអាជីវកម្មរបស់អ្នកនៅលើហ្វេសប៊ុក និងនៅលើ Twitter និង Instagram ព្រោះវាមិនមានការគិតថ្លៃអ្វីឡើយ ហើយជួយអាជីវកម្មរបស់អ្នកបានច្រើនទៀតផង ។
ទី ៤ បង្កើតក្រុមដែលរឹងមាំមួយ ៖ ត្រង់នេះមិនមែនមានន័យថាទាល់តែជួលអ្នកមានបទពិសោធន៍ខ្ពស់ ហើយផ្តល់ប្រាក់ខែច្រើននោះទេ តែវាជាការចាប់ផ្តើមជាមួយមនុស្សដែលនៅជុំវិញអ្នក ដែលអ្នកបានជឿទុកចិត្តទៅលើពួកគេ ។ មានមតិខ្លះនិយាយថា ការចាប់ផ្តើមអាជីវកម្មជាមួយមិត្តភ័ក្តគឺសូវល្អទេ ប៉ុន្តែវាមិនអាស្រ័យទៅលើមតិទាំងអស់នឹងដែរ ព្រោះសំខាន់អ្នក និងមិត្តភ័ក្តរបស់អ្នកមានចក្ខុវិស័យដូចគ្នា គឺបានហើយ ។
ទី ៥ ត្រៀមខ្លួនសម្រាប់បញ្ហាហិរញ្ញវត្ថុ ៖ គ្មាននរណាម្នាក់ចៀសផុតទេពីរឿងនេះ ស្ទើរតែគ្រប់អាជីវកម្មដែលបើកដំបូង មានបញ្ហាហិរញ្ញវត្ថុ ដូចនេះអ្នកត្រូវត្រៀមខ្លួន សម្រាប់គ្រប់កាលៈទេសៈ ។ ដោះស្រាយលំហូរសាច់ប្រាក់ ដោយសន្សំសំចៃ ការចំណាយមួយខែៗ មុនពេលកំណត់ ។ នៅពេលអ្នកកាត់លើការចំណាយអស់ប្រាក់ចំណេញត្រូវតែទុកដាក់សម្រាប់សន្សំ ៕ ប្រភព ៖ europeanbusinessreview
ចែករំលែកព័តមាននេះ