ប្រទេសថៃ ៖ ប្រព័ន្ធដឹកជញ្ជូននឹងក្លាយជាគន្លឹះដ៏សំខាន់សម្រាប់ជំរុញដល់ការអភិវឌ្ឍនៅក្នុងតំបន់សេដ្ឋកិច្ចពិសេស ។ យោងតាមរដ្ឋមន្ត្រីក្រសួងដឹកជញ្ជូន ឲ្យដឹងថា ថវិកាចំនួន១៣,៤២ ប៊ីលានបាត ត្រូវបានចាត់ចែងសម្រាប់ការអភិវឌ្ឍហេដ្ឋារចនាសម្ព័ន្ធវិស័យដឹកជញ្ជូននៅតំបន់ សេដ្ឋកិច្ចពិសេស ក្នុងMae Sot ខេត្តTak ។
លោក Arkhom Termpitta yapaisith បានបញ្ជាក់ថា ការអភិវឌ្ឍបណ្តាញដឹកជញ្ជូនគឺចាំបាច់ត្រូវតែធ្វើឡើងនៅក្នុងខេត្តTak ដើម្បីជំរុញនិងជួយសម្រូលដល់ការវិនិយោគនិងការធ្វើពាណិជ្ជកម្ម ។
តំបន់សេដ្ឋកិច្ចពិសេស ស្រុកMae Sot បាននិងកំពុងមានការអភិវឌ្ឍយ៉ាងខ្លាំងជាមួយប្រទេសមីយ៉ាន់ម៉ាពីមួយឆ្នាំទៅមួយឆ្នាំ ។ លើសពីនេះទៀត ការធ្វើសភាវូនីយកម្មនៃគម្រោង តម្រូវឲ្យមានសម្រាប់ការអភិវឌ្ឍប្រព័ន្ធដឹកជញ្ជូន និង បញ្ហាពលករ ។
ថវិការចំនួន១៣,៤២ប៊ីលានដុល្លារ នឹងត្រូវយកមកប្រើប្រាស់សម្រាប់ការសាងសង់និងអភិវឌ្ឍន៍ហេដ្ឋារចនាសម្ព័ន្ធនៅក្នុងតំបន់សេដ្ឋកិច្ចពិសេសនេះដើម្បីជំរុញដល់ការពង្រីកវិសាលភាពនៃការធ្វើពាណិជ្ជកម្មសម្រាប់នាំចេញទៅកាន់ប្រទេសមីយ៉ាន់ម៉ា ។
ក្នុងនោះដែរ គម្រោងទាំងនេះរួមមានគម្រោងសាងសង់ស្ពានទីពីរឆ្លងកាត់ទន្លេ Moei ដោយការអភិវឌ្ឍនេះទៀតសោតនឹងត្រូវអភិវឌ្ឍន៍នៅតំបន់ជុំវិញស្ពានថ្មី ។ ជាងនេះទៀត ក៏មានគម្រោងមួយទៀត នៃការអភិវឌ្ឍន៍អាកាសយានដ្ឋាន Mae Sot ផងដែរ ។
គួរបញ្ជាក់ដែរ ការធ្វើពាណិជ្ជកម្មនៅតំបន់ ត្រូវបានគេរំពឹងថា នឹងកើនឡើង បើធៀបនឹងឆ្នាំ២០១៥ ដែលមានទឹកប្រាក់៧០ប៊ីលានដុល្លារប៉ុណ្ណោះ ។
លោក Arkhom បានបន្ថែមទៀតថា ស្រុកទាំងបីនេះត្រូវការអភិវឌ្ឍន៍ប្រព័ន្ធដឹកជញ្ជូនជាចាំបាច់ ។ មិនតែប៉ុណ្ណោះ ស្រុក Mae Sot កំពុងតែខ្វះខាតសាលប្រជុំអន្តរជាតិ និងទីតាំង តាំងពិព័រណ៍ពាណិជ្ជកម្ម ។
លោកបានលើកឡើងទៀតថា ខេត្តTak ត្រូវការអភិវឌ្ឍន៍ប្រព័ន្ធដឹកជញ្ជូនជាបន្ទាន់ ដើម្បីជួយសម្រួលដល់ការធ្វើពាណិជ្ជកម្មនិងការធ្វើពាណិជ្ជកម្ម ដែលផ្សារភ្ជាប់ប្រទេសថៃជាមួយនឹងប្រទេសជិតខាត ដូចជាការនាំចេញទំនិញទៅកាន់មីយ៉ាន់ម៉ា ឥណ្ឌា និងចិនខាងត្បូងជាដើម ៕
ចែករំលែកព័តមាននេះ