ស្រីស្រស់ស្អាត២នាក់បើករថយន្តស៊េរីទំនើបលឿនដូចហោះផ្អើលមហាវិថីកម្ពុជា
- ភ្នំពេញ
នារីរូបស្រស់២រូបដែលជាជាជនបរទេស សង្ស័យស្រវឹង បានបើករថយន្តស៊េរីទំនើបមួយគ្រឿង ក្នុងល្បឿនលឿនដូចហោះ ដោយមិន
នារីរូបស្រស់២រូបដែលជាជាជនបរទេស សង្ស័យស្រវឹង បានបើករថយន្តស៊េរីទំនើបមួយគ្រឿង ក្នុងល្បឿនលឿនដូចហោះ ដោយមិន
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា នារីរូបស្រស់២រូបដែលជាជាជនបរទេស សង្ស័យស្រវឹង បានបើករថយន្តស៊េរីទំនើបមួយគ្រឿង ក្នុងល្បឿនលឿនដូចហោះ ដោយមិនប្រយ័ត្នក៏ជ្រុលរ៉េចង្កូតរេទៅបុករបាំងថ្មពុះចែកទ្រូងផ្លូវ បណ្ដាលឲ្យរងការខូចខាត បង្កឱ្យមានការភ្ញាក់ផ្អើលកាលពីវេលាម៉ោង១និង៣០នាទីអធ្រាត្រឈានចូលថ្ងៃទី១២ ខែតុលា ឆ្នាំ២០២១ នៅតាមបណ្តោយមហាវិថីកម្ពុជា កែងផ្លូវ២៥៣ ស្ថិតក្នុងសង្កាត់បឹង១ ខណ្ឌទួលគោក។
បើតាមប្រភពពីសន្តិសុខយាមនៅហាងក្បែរកន្លែងកើតហេតុបានប្រាប់អោយដឹងថា មុនកើតហេតុ គាត់ឃើញរថយន្តបង្កម៉ាក MERCEDES-BENZ CLA 45 AMG ពណ៌ខ្មៅ ពាក់ស្លាកលេខភ្នំពេញ BL-2682 ធ្វើដំណើរតាមបណ្ដោយមហាវិថីកម្ពុជាក្រោម ទិសដៅពីកើតទៅលិច ក្នុងយ៉ាងល្បឿនលឿន លុះមកដល់ចំណុចកើតហេតុ ពេលឆ្លងស្តុប មិនប្រយ័ត្នក៏ជ្រុលទៅបុកផ្ទប់នឹងរបាំងថ្មពុះចែកទ្រូងផ្លូវពេញទំហឹងលាន់ស្នូរដូចរន្ទះ បង្កអោយរបាំងថ្មពុះចែកទ្រូងផ្លូវរងការខូចខាតចំនួន១កង់។
សន្តិសុខដដែលបន្តថា ចំណែកឯរថយន្តវិញក៏រងការខូខាតរួញស្រុញមួយកំណាត់មុខ និងផ្ទុះពោងសុវត្ថិភាពដែរ តែសំណាងល្អមិនរងរបួសដល់មនុស្សនោះ ។ បន្ទាប់ពីបង្កហេតុ គេក៏ឃើញមាននារីចំនួន២រូប បានដើរចេញពីក្នុងរថយន្តបម្រុងរត់គេចខ្លួន តែត្រូវសមត្ថកិច្ចមូលដ្ឋានហាមឃាត់ទាន់។
ក្រោយពេលកើតហេតុ រថយន្តបង្កត្រូវបានសមត្ថកិច្ចជំនាញវាស់យកទៅរក្សាទុកបណ្តោះអាសន្ននៅការិយាល័យនគរបាលចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ដើម្បីរង់ចាំដោះស្រាយបន្តនៅពេលក្រោយ ។
ចែករំលែកព័តមាននេះ