ប្រទេសចិន ៖ តម្លៃផ្ទះនៅទីក្រុងហុងកុង បានធ្លាក់ចុះ៧០%នៅខែកុម្ភៈ បើធៀបនឹងរយៈពេលដូចគ្នាកាលពីឆ្នាំមុន ។ ក្នុងគ្រាដែលតម្លៃផ្ទះបានធ្លាក់ចុះ និងភាពមិនប្រាកដប្រជានៃស្ថានភាពសេដ្ឋកិច្ចនេះ
ប្រទេសចិន ៖ តម្លៃផ្ទះនៅទីក្រុងហុងកុង បានធ្លាក់ចុះ៧០%នៅខែកុម្ភៈ បើធៀបនឹងរយៈពេលដូចគ្នាកាលពីឆ្នាំមុន ។ ក្នុងគ្រាដែលតម្លៃផ្ទះបានធ្លាក់ចុះ និងភាពមិនប្រាកដប្រជានៃស្ថានភាពសេដ្ឋកិច្ចនេះ បានធ្វើឲ្យអ្នកទិញប្រឈមមុខនឹងការលំបាកជាខ្លាំង ។
យោងតាមស្ថិតិរបស់រដ្ឋាភិបាល នៅក្នុងខែកុម្ភៈ ផ្ទះចំនួន១.៨០៧ខ្នងត្រូវបានលក់នៅទីក្រុងហុងកុង បើធៀបនឹងរយៈពេលដូចគ្នាកាល ពីឆ្នាំមុន មានចំនួន៦.០២៧ខ្នងផ្ទះ។
លោកThomas Fok ភ្នាក់ងារនៃក្រុមហ៊ុនអចលនទ្រព្យបានមានប្រសាសន៍ថា ៖ « សារព័ត៌មានជាច្រើននៅតែចុះផ្សាយថា ទីផ្សារអចលនទ្រព្យនៅតែធ្លាក់ចុះ និងអ្នកបញ្ជាទិញនៅតែគិតថា ផ្ទះអាចនឹងមានតម្លៃថោកនៅឆ្នាំក្រោយ » ។
តម្លៃអចលនទ្រព្យនៅតែបន្តធ្លាក់ចុះ១០% ពីខែកញ្ញា ចំគ្រាដែលសេដ្ឋកិច្ចមានភាពមិនប្រាកដប្រជានៅក្នុងប្រទេសចិន និងអត្រាការប្រាក់អាចនឹងកើនឡើង ។
មន្ត្រីជាន់ខ្ពស់ហុងកុងបានបន្ធូរបន្ថយលើអចលនទ្រព្យ រួមទាំងលើពន្ធកាតព្វកិច្ចនិងកំណត់កម្រិតវត្ថុបញ្ចាំ ។
ក្រុមហ៊ុនអចលទ្រព្យ Sun Hung Kai បានកាត់បន្ថយគោលដៅលក់របស់ខ្លួន ក្នុងរយៈពេលមួយឆ្នាំពេញ នៅក្នុងទីក្រុងហុងកុង ត្រឹម១៨% ដែលមានទឹកប្រាក់២៧ប៊ីលានដុល្លារ ។
ក្រុមហ៊ុនអភិវឌ្ឍថ្មីបានរាយការណ៍ថា ការលក់បានធ្លាក់ចុះ៧៩%នៅក្នុងឆមាសដំបូងក្រោមទឹកប្រាក់២,៨ប៊ីលានដុល្លារហុងកុង ដោយមានគោលដៅ២៨%នៃគោលដៅលក់ប្រចាំឆ្នាំ ។
តម្លៃផ្ទះនៅក្នុងទីក្រុងបានកើនឡើង៣៧០% ពីឆ្នាំ២០០៣មក ចាប់តាំងពីការកើនឡើងខ្លាំងនៅក្នុងខែកញ្ញា ដែលលើកទឹកចិត្តដល់អត្រាការប្រាក់ដាក់វត្ថុបញ្ចាំទាប និងរឹតបន្តឹងនៃការទិញផ្ទះក្នុងប្រទេសចិន ។
នៅឆ្នាំនេះ អ្នកវិភាគមកពីក្រុមហ៊ុនអចលនទ្រព្យ Bocom International Holdings លោក Alfred បានឲ្យដឹងថា តម្លៃផ្ទះបានធ្លាក់ចុះ៣០% ចំគ្រាដែលសេដ្ឋកិច្ចធ្លាក់ចុះខ្សោយ ៕
ចែករំលែកព័តមាននេះ