ទូច ដេវីត ឈ្នះជុំទី១ ត្រៀមឡើងទៅវគ្គបន្តនៃព្រឹត្តិការណ៍ដណ្ដើមប្រាក់លានប្រដាល់សាកល
- ភ្នំពេញ
រាជធានីភ្នំពេញ ៖ ការប្រកួតកីឡាប្រដាល់សកលនៅលើសង្វៀនក្លិបនាយកដ្ឋានអង្គរក្ស កាលពីយប់ថ្ងៃអាទិត្យ ទី១០ តុលា ឆ្នាំ
រាជធានីភ្នំពេញ ៖ ការប្រកួតកីឡាប្រដាល់សកលនៅលើសង្វៀនក្លិបនាយកដ្ឋានអង្គរក្ស កាលពីយប់ថ្ងៃអាទិត្យ ទី១០ តុលា ឆ្នាំ
រាជធានីភ្នំពេញ ៖ ការប្រកួតកីឡាប្រដាល់សកលនៅលើសង្វៀនក្លិបនាយកដ្ឋានអង្គរក្ស កាលពីយប់ថ្ងៃអាទិត្យ ទី១០ តុលា ឆ្នាំ២០២១ កីឡាករទូច ដេវីត ឈ្នះជុំទី១ត្រៀមឡើងទៅប្រកួតនៅវគ្គបន្តនៃព្រឹត្តិការណ៍ដណ្ដើមប្រាក់លានប្រដាល់សាកល ការប្រកួតប្រដាល់សាកលឆ្ពោះទៅដណ្ដើមប្រាក់លាន កីឡាករទូច ដេវីត មានឱកាសកក់កៅអីឡើងទៅប្រកួតនៅវគ្គបន្តបានសម្រេចហើយបន្ទាប់ពីបានយកឈ្នះកីឡាករសែត សារិទ្ធ ដោយពិន្ទរួចមក។
ការប៉ះគ្នារវាងគូជម្រើសជាតិទាំងពីររូបខាងលើនេះ បានប្រព្រឹត្តិអស់រយៈពេល៣ ទឹកពេញនិងមានសភាពស្វិតស្វាញបំផុត ដោយទាំងសងខាងសុទ្ធតែបានបញ្ចេញយកអស់ពីសមត្ថភាពរៀងៗខ្លួន ដើម្បីក្លាយជាម្ចាស់ប្រាក់លាន។ ប៉ុន្តែទូច ដេវីត វាយចំគោលដៅបានល្អជាង ដូច្នេះក្រោយបញ្ចប់ការប្រកួតចៅក្រមទាំងអស់បានប្រកាសឲ្យទូច ដេវិតជាអ្នកឈ្នះដោយពិន្តុតែម្ដង។
គួររំលឹកផងដែរថា ការប្រកួតននេះគឺជាការរៀបចំឡើងដោយសហព័ន្ធកីឡាប្រដាល់សាកលកម្ពុជា ដើម្បីវាស់ស្ទង់កម្រិតបច្ចេកទេសក៏ដូចជាពង្រឹងសមត្ថភាពកីឡាករជម្រើសជាតិកម្ពុជាឆ្ពោះទៅដណ្ដើមមេដាយពីការប្រកួតកីឡាស៊ីឆ្នាំ២០២៣ខាងមុខនេះ ។
ដោយឡែក ក្រៅពីការប៉ះគ្នារវាងគូប្រកួតដណ្ដើមប្រាក់លាន ក៏នៅមានគូពិសេសប្រចាំសប្តាហ៍ទី៣ លើប្រភេទទម្ងន់ ៦៤គីឡូក្រាម គឺកីឡាករជម្រើសជាតិ វី សុភ័ស បានយកឈ្នះកីឡាករ ផល សុភ័ណ្ឌ ដោយពិន្ទុ ខណៈលទ្ធផលគូពិសេសប្រចាំសប្តាហ៍នេះដែរ គឺកីឡាករ ឈុន ប្រាក់កាក់ បានប្រកួតចាញ់កីឡាករ ថា រីវ៉ា ដោយពិន្ទុ (ទម្ងន់៤៩គីឡូក្រាម)។ រីឯគូពិសេស ៦៣.៥គីឡូក្រាម កីឡាករ ស៊ឹម ពិសិដ្ឋ បានយកឈ្នះកីឡាករ រឿម វណ្ណៈ ដោយពិន្ទុ។ ចំពោះ២ប្រកួតបើកឆាកលើប្រភេទទម្ងន់ ៤៩គីឡូក្រាម និង៥៤គីឡូក្រាម ក៏ត្រូវបានគណៈកម្មបច្ចេកទេសរកឃើញលទ្ធផលដូចគ្នាផងដែរ។
លោក ប៊ុយ សុភ័ណ្ឌ អគ្គលេខាធិការ សហព័ន្ធកីឡាប្រដាល់សកលកម្ពុជាគូសបញ្ជាក់ក្រោយបញ្ចប់ការប្រកួតនេះថា សម្រាប់ការរៀបចំការប្រកួតហេតុនេះ គឺយើងសង្កេតឃើញថាមានភាពទាក់ទាញក៏ដូចជាមានការគាំទ្រកាន់តែច្រើនពី១សប្ដាហ៍ទៅ១សប្តាហ៍។
ជាក់ស្តែងនៅសប្តាហ៍នេះ យើងបានរៀបចំកីឡាករប្រកួតដណ្តើមប្រាក់លាន គូឯក គូពិសេស សរុប៦គូ ដែលកីឡាករជើងចាស់ប៉ះនឹងកីឡាករយុវជនថ្មីៗ។ «យើងសង្កេតឃើញថាមានអ្នកគាំទ្រច្រើន តាមរយៈការផ្សាយផ្ទាល់លើផេកផ្លូវការសហព័ន្ធកីឡាប្រដាល់សកលកម្ពុជា និងផេកដៃគូមួយចំនួនទៀត។ តាមពិតនៅសប្តាហ៍នេះយើងត្រៀមរៀបចំ២គូសម្រាប់គូដណ្តើមប្រាក់លាន ប៉ុន្តែដោយសារកីឡាករ ម៉ាង ព្រហ្មម៉ាញ មានបញ្ហាសុខភាព ទើបពន្យារពេលទៅសប្តាហ៍ទី៤វិញ។ ដូច្នេះ វី សុភ័ស នឹងឡើងមកប្រកួតជាមួយ ម៉ាង ព្រហ្មម៉ាញ នៃគូដណ្តើមប្រាក់លាន»៕
ចែករំលែកព័តមាននេះ