រថយន្តហ្វតបុករថយន្តដឹកត្រីវិលមួយជុំរបួស៤នាក់
រាជធានីភ្នំពេញ ៖ បុរសម្នាក់ស្រវឹងបើករថយន្តលឿនដូចហោះបុករថយន្តដឹកត្រីពេញទំហឹងបណ្តាលឲ្យរងរបួសធ្ងន់៣នាក់ និងស្រាលម្នាក់ កាលពីវេលាម៉ោង៥និង១០នាទីព្រឹកថ្ងៃទី១១
រាជធានីភ្នំពេញ ៖ បុរសម្នាក់ស្រវឹងបើករថយន្តលឿនដូចហោះបុករថយន្តដឹកត្រីពេញទំហឹងបណ្តាលឲ្យរងរបួសធ្ងន់៣នាក់ និងស្រាលម្នាក់ កាលពីវេលាម៉ោង៥និង១០នាទីព្រឹកថ្ងៃទី១១ មីនា នៅចំណុចកែងមហាវិថីព្រះមុនីវង្សនិងមហាវិថីសហព័ន្ធរុស្សី ស្ថិតក្នុងសង្កាត់ស្រះចក ខណ្ឌដូនពេញ ។
រថយន្តបង្កម៉ាកហ្វត ពណ៌ខ្មៅ គ្មានស្លាកលេខ បើកបរដោយបុរសម្នាក់មិនស្គាល់អត្តសញ្ញាណក្នុងស្ថានភាពស្រវឹង ទិសដៅពីកើតទៅលិចប្រើប្រាស់ល្បឿនលឿនតាមមហាវិថីសហព័ន្ធរុស្ស៊ី ។ ចំណែករថយន្តរងគ្រោះម៉ាកស៊ុយស៊ូគី ពណ៌កាប់ស្តាំងលាយស ជិះគ្នា៤នាក់ ជារថយន្តដឹកត្រី ពីជើងទៅត្បូង តាមមហាវិថីព្រះមុនីវង្ស ។
ជនរងគ្រោះឈ្មោះ ភ័ក្រ្ត អាយុ២៥ឆ្នាំ ជាអ្នកលក់ត្រី ស្នាក់នៅគីឡូម៉ែត្រលេខ៧ របួសស្រាល បាននិយាយថា មុនពេលកើតហេតុ រថយន្តគាត់ជិះគ្នា៤នាក់ដឹកត្រីពីផ្សារច្បារអំពៅយកទៅលក់នៅផ្សារអូឫស្សី លុះមកដល់ចំណុចកើតហេតុ ស្រាប់តែរថយន្តបង្កបុកចំក្បាលរថយន្តពេញមួយទំហឹងវិលមួយជុំ បណ្តាលឲ្យមានមនុស្សរងរបួសធ្ងន់៣នាក់តែម្តង ត្រូវបានគេបញ្ជូនទៅមន្ទីរពេទ្យកាល់ម៉ែត ចំណែកគាត់រងរបួសស្រាល ភ្លាមៗនោះរថយន្តបង្កបានបើករត់រហូតដល់ចំណុចមុខស្ថានីយប្រេងឥន្ធនៈតូតាល់ ក៏ត្រូវកម្លាំងសមត្ថកិច្ចប្រចាំការនៅទីនោះឃាត់រថយន្តនោះបាន ។
ក្រោយពេលកើតហេតុ រថយន្តទាំង២គ្រឿង ត្រូវបានបញ្ជូនទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ ដើម្បីរង់ចាំដោះស្រាយពេលក្រោយ ៕
ចែករំលែកព័តមាននេះ