អបអរសាទរ! ក្រុមជម្រើសជាតិកម្ពុជាឈ្នះក្រុមហ្គាំ
- ភ្នំពេញ
រាជធានីភ្នំពេញ ៖ លទ្ធផលក្រោយចប់ការប្រកួតដើម្បីស្វែងរកជើងខ្លាំងចូលប្រកួតដណ្ដើមពានរង្វាន់ AFC Asian Cup China
រាជធានីភ្នំពេញ ៖ លទ្ធផលក្រោយចប់ការប្រកួតដើម្បីស្វែងរកជើងខ្លាំងចូលប្រកួតដណ្ដើមពានរង្វាន់ AFC Asian Cup China 2023 ក្រុមជម្រើសជាតិកម្ពុជា បានទទួលជោគជ័យហើយ បន្ទាប់ពីបានយកឈ្នះលើក្រុមគូប្រកួតគឺ ក្រុមហ្គាំ Qualifiers Playoff ក្នុងលទ្ធផល ១-០ ដែលអាចអោយក្រុមកម្ពុជាមានទឹកមាត់លេប។ ការប្រកួតដែលបានធ្វើឡើងនៅ កីឡដ្ឋាន Khalifa Sport City ក្នុង ប្រទេសបារ៉ែន នេះ បានធ្វើអោយក្រុមកម្ពុជាទទួលមោទនភាពយ៉ាងខ្លាំង នៅក្នុងក្រសែភ្នែកប្រជាពលរដ្ឋកម្ពុជា និងបរទេស។
តាមរយៈនេះ ក្រុមគោព្រៃកម្ពុជា ត្រូវបន្ដមើលជោគជ័យ សម្រាប់ការប្រកួតនៅជើងទី២បន្តទៀត ដែលការប្រកួតនៅជើងទី២នោះ គឺនឹងធ្វើឡើងនៅរាត្រីថ្ងៃទី១២ ខែតុលាខាង ហើយបើក្រុមកម្ពុជាជោគជ័យ គឺនឹងបានឡើង ទៅវគ្គ បន្ដ ដោយបន្តទៅប្រកួតជម្រុះ ជាមួយប្រទេសអ្នកឈ្នះទៀត រហូតស្វែងរកអ្នកខ្លាំងក្នុងចំនួនមួយកំណត់ ដើម្បីចូលសង្វៀនប្រកួតនៅក្នុងព្រឹត្តិការណ៍ធំបាន។
បើទោះជាការប្រកួតនេះ ក្រុមកម្ពុជាអាចពិបាកថា ចូលក្នុងZone នៃការប្រកួតផ្លូវការ តែឱកាសឈ្នះបណ្ដាប្រទេសនីមួយៗ នៅក្នុងវគ្គជម្រុះ ក៏ចាត់ទុកថាជាមោទនភាពផងដែរ ព្រោះប្រទេសជម្រុះនៃពានរង្វាន់បាល់ទាត់ជើងឯកទ្វីបអាស៊ីនេះ គឺសុទ្ធតែខ្លាំង។ លទ្ធផល ហ្គាំ ០-១ កម្ពុជា នេះ គឺជាលទ្ធផលដែលបានពីការរួមកម្លាំងគ្នា តែត្រូវបានគេមើលឃើញថា កើតឡើងដោយសារតែមានវត្តមាន អ្នកទាត់បញ្ចូលទី គឺកីឡាករលេខ១១កម្ពុជា ចាន់ វឌ្ឍានាការ ដែលបានពីការបញ្ចូនយ៉ាងល្អរបស់កីឡាករវ័យក្មេងលេខ៧ លឹម ពិសុទ្ធ ។
យ៉ាងណាក៏ដោយ កម្ពុជាត្រូវបន្តបេសកកម្មនៅក្នុងការប្រកួតសម្រាប់ជើងទី២ទៀត ទើបអាចដឹងថា បានទៅមុខ ឬនៅត្រឹង។ អ្នកស្នេហាវិស័យបាល់ទាត់ជាច្រើន បានបង្ហោះពាក្យនៅលើហ្វេសប៊ុកផេក ឡើងពេញនិយមថា ចូលរួមគាំទ្រ និងលើកស្ទួយបាល់ទាត់កម្ពុជាទាំងអស់គ្នា ដើម្បីដំណើរឆ្ពោះទៅកាន់ស៊ីហ្គេមឆ្នាំ២០២៣កម្ពុជានឹងទទួលធ្វើជាម្ចាស់ផ្ទះ៕
ចែករំលែកព័តមាននេះ