ប្រភពពីមន្ត្រីគណបក្សសង្គ្រោះជាតិបានបង្ហើបឲ្យដឹងថា ប្រធានស្តីទីគណបក្សសង្គ្រោះជាតិ លោក កឹម សុខា នឹងចាកចេញពីកម្ពុជាដើម្បីទៅជួបពិភាក្សាការងារជាមួយលោក សម រង្ស៊ី នៅសប្តាហ៍ក្រោយ
រាជធានីភ្នំពេញ ៖ ប្រភពពីមន្ត្រីគណបក្សសង្គ្រោះជាតិបានបង្ហើបឲ្យដឹងថា ប្រធានស្តីទីគណបក្សសង្គ្រោះជាតិ លោក កឹម សុខា នឹងចាកចេញពីកម្ពុជាដើម្បីទៅជួបពិភាក្សាការងារជាមួយលោក សម រង្ស៊ី នៅសប្តាហ៍ក្រោយ ប៉ុន្តែមិនទាន់បានកំណត់កាលបរិច្ឆេទនិងទីតាំងជួបពិតប្រាកដនៅឡើយទេ ។
ជាការកត់សម្គាល់ការចាកចេញរបស់លោក កឹម សុខា ទៅក្រៅប្រទេសនៅសប្តាហ៍ក្រោយ ធ្វើឡើងនៅបន្ទាប់ពីប៉ុន្មានថ្ងៃជាប់ៗគ្នានេះមានការទម្លាយបញ្ចេញខ្សែអាត់សំឡេងបង្ហោះតាមបណ្តាញទំនាក់ទំនងសង្គម (Facebook) ដែលគេលើកឡើងថាជាសំឡេងឆ្លើយឆ្លងគ្នារវាងលោក កឹម សុខា និង ស្រីស្នេហ៍ ។
យ៉ាងណាក៍ដោយ ប្រភពមិនបានបញ្ជាក់អំពីរបៀបវារៈដែលមេដឹកនាំបក្សប្រឆាំងទាំងពីរត្រូវពិភាក្សាគ្នានោះឡើយ ប៉ុន្តែគេជឿថា បញ្ហាយុទ្ឋសាស្ត្របក្សនិងស្ថានការណ៍នយោបាយថ្មីៗនៅកម្ពុជា អាចជារបៀបវារៈសំខាន់នៅក្នុងជំនួបនោះ ៕
ចែករំលែកព័តមាននេះ