លោក កឹម សុខា នៅតែមិនឆ្លើយទៅនឹងញ្ញត្តិទាមទាររបស់ក្រុមយុវជន
រាជធានីភ្នំពេញ ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងថា ប្រធានស្តីទីគណបក្សសង្រ្គោះជាតិ លោក កឹម សុខា នៅតែប្រកាន់ជំហរមិនឆ្លើយទៅនឹងការទាមទាររបស់ក្រុមយុវជន
រាជធានីភ្នំពេញ ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងថា ប្រធានស្តីទីគណបក្សសង្រ្គោះជាតិ លោក កឹម សុខា នៅតែប្រកាន់ជំហរមិនឆ្លើយទៅនឹងការទាមទាររបស់ក្រុមយុវជននិងយុវនារីមួយក្រុមមកពីសាកលវិទ្យាល័យមួយចំនួនក្នុងរាជធានីភ្នំពេញ ពាក់ព័ន្ឋនឹងខ្សែអាត់សំឡេងដែលគេអះអាងថាជាការឆ្លើយឆ្លងរវាងមេបក្សប្រឆាំងរូបនេះជាមួយនឹងស្រីស្នេហ៍ម្នាក់ ហើយខ្សែអាត់សំឡេងនេះ ត្រូវបានគេផ្សព្វផ្សាយបន្តតាមបណ្តាញទំនាក់ទំនងសង្គម (Facebook) កាលពីពេលថ្មីៗនេះ ។
យ៉ាងណាក៍ដោយ ការដាក់ញ្ញត្តិសុំឲ្យលោក កឹម សុខា ឆ្លើយ ខណៈប្រធានស្តីទីគណបក្សសង្រ្គោះជាតិអញ្ជើញទៅចូលរួមអបអរសាទរទិវាអន្តរជាតិនារី០៨ មីនា នៅទីស្នាក់ការបក្ស ស្ថិតក្នុងភូមិព្រៃ.សលិច សង្កាត់ព្រៃ.ស ខណ្ឌដង្កោ ដែលទើបនឹងបិទបញ្ចប់នៅប៉ុន្មាននាទីមុននេះ ពុំមានអំពើហិង្សាណាមួយផ្ទុះឡើងរវាងក្រុមយុវជននិងយុវជនគណបក្សនោះទេ ដោយសារមានការចូលរួមរៀបចំសន្តិសុខសណ្តាប់ធ្នាប់ពីអាជ្ញាធរដែនដី ដឹកនំាដោយលោក បា្រជ្ញ សីហា , លោក ចេង មុន្នីរ៉ា អភិបាលរងខណ្ឌដង្កោ និងការបញ្ជាផ្ទាល់ដល់ទីកន្លែងពីសំណាក់លោក ជឹម ស៊ីថា អធិការនគរបាលខណ្ឌដង្កោ ។
សេចក្តីរាយការណ៍បានបន្តថា មកដល់ម៉ោង៤និង៣០នាទីរសៀលថ្ងៃអង្គារដដែល ទំាងខាងគណបក្សសង្រ្គោះជាតិដែលរៀបចំពិធីទិវានារីអន្តរជាតិ០៨ មីនា និងក្រុមយុវជនដែលទាមទារឲ្យលោក កឹម សុខា ឆ្លើយបានរំសាយរៀងៗខ្លួនអស់ហើយ ៕
ចែករំលែកព័តមាននេះ