រាជធានីភ្នំពេញ ៖ បុរសវ័យចំណាស់ម្នាក់ ជាអ្នកយកព័ត៌មានកាសែតកម្ពុជាថ្មី ចូលនិវត្តន៍ប្រកបរបររត់ម៉ូតូឌុប ស្រាប់តែគោផ្អើលរត់បុក បណ្តាលឱ្យបាក់ត្រគាកខាងឆ្វេង កាលពីវេលាម៉ោង៧ព្រឹកថ្ងៃទី០៧ មីនា ស្ថិតក្នុងភូមិត្រពាំងក្រសាំង ឃុំថ្នាំងអំពៅ ស្រុកសំរោងទង ខេត្តកំពង់ស្ពឺ ។
រាជធានីភ្នំពេញ ៖ បុរសវ័យចំណាស់ម្នាក់ ជាអ្នកយកព័ត៌មានកាសែតកម្ពុជាថ្មី ចូលនិវត្តន៍ប្រកបរបររត់ម៉ូតូឌុប ស្រាប់តែគោផ្អើលរត់បុក បណ្តាលឱ្យបាក់ត្រគាកខាងឆ្វេង កាលពីវេលាម៉ោង៧ព្រឹកថ្ងៃទី០៧ មីនា ស្ថិតក្នុងភូមិត្រពាំងក្រសាំង ឃុំថ្នាំងអំពៅ ស្រុកសំរោងទង ខេត្តកំពង់ស្ពឺ ។
ជនរងគ្រោះឈ្មោះឃឹម ជា ភេទប្រុស អាយុ៥៣ឆ្នាំ ជាអ្នករត់ម៉ូតូឌុប អតីតជាអ្នកសារព័តមានកម្ពុជាថ្មី ដែលបានចូលនិវត្តន៍ មានកូនប្រាំនាក់ ប្រុសបី ស្រីពីរនាក់ មានទីលំនៅភូមិ-កើតហេតុខាងលើ ។
បើតាមសម្តីរបស់ជនរងគ្រោះថា ដោយសារតែគាត់ មានវ័យចំណាស់ទៅហើយ គាត់បានលាឈប់ពីវិជ្ជាជីវៈ ជាអ្នកយកព័ត៌មានឱ្យកាសែតកម្ពុជាថ្មី ប្រចាំខេត្តកំពង់ស្ពឺ ងាកមកប្រកបរបររត់ម៉ូតូឌុបវិញម្តង ។ មុនពេលកើតហេតុ រូបគាត់បានឌុបក្មេងស្រីម្នាក់ទៅធ្វើការនៅរោងចក្រ ខណៈពេលកំពុងតែបើកបរមកដល់ចំណុចកើតហេតុខាងលើ មានគោមួយហ្វូងដើរអមសងខាងផ្លូវ ហើយគាត់បានជិះម៉ូតូតាមប្រលោះកណ្ដាល ។
លុះជិះបានពាក់កណ្ដាលហ្វូងគោនោះ ស្រាប់តែមានគោមួយក្បាលក្នុងចំណោមគោទាំងអស់ បានផ្អើលដោយមិនដឹងមូលហេតុ បានរត់ទៅបុកចំម៉ូតូរបស់គាត់ បណ្ដាលឱ្យដួលទាំងពីរនាក់ តែរូបគាត់រងរបួសបាក់ត្រគាកខាងឆ្វេង។ ចំណែកនារីដែលរួមដំណើរជាមួយរងរបួសស្រាល ។ ក្រោយពេលកើតហេតុ ជនរងគ្រោះត្រូវបានបញ្ជូនទៅកាន់មន្ទីរព្យបង្អែកខេត្តកំពង់ស្ពឺ ហើយខាងមន្ទីរពេទ្យបានបញ្ជូនបន្តមកកាន់មន្ទីរពេទ្យព្រះកុសមៈ ដើម្បីធ្វើការព្យាបាល ។
បើតាមប្រសាសន៍របស់លោកវេជ្ជបណ្ឌិតឯកទេសខាងផ្នែកបាក់បែកឆ្អឹងឱ្យដឹងថា នៅថ្ងែព្រហស្បត៍ខាងមុខនេះ មន្ទីរពេទ្យនឹងធ្វើការវះកាត់ព្យាបាលហើយ ។
ចែករំលែកព័តមាននេះ