ក្មេងប្រុសសតិមិនប្រក្រតីម្នាក់ត្រូវរថយន្តកិនរបួសធ្ងន់
រាជធានីភ្នំពេញ ៖ បុរសម្នាក់ស្រវឹងបើករថយន្តកិនក្មេងប្រុសសតិមិនប្រក្រតីដេកនៅតាមផ្លូវ បណ្តាលឲ្យបាក់ឆ្អឹងដងកាំបិត កាលពីវេលាម៉ោង២រំលងអធ្រាត្រឈាន
រាជធានីភ្នំពេញ ៖ បុរសម្នាក់ស្រវឹងបើករថយន្តកិនក្មេងប្រុសសតិមិនប្រក្រតីដេកនៅតាមផ្លូវ បណ្តាលឲ្យបាក់ឆ្អឹងដងកាំបិត កាលពីវេលាម៉ោង២រំលងអធ្រាត្រឈានចូលថ្ងៃទី៧ មីនា ត្រង់ចំណុចមុខកន្លែងលក់នំបុ័ង ស្ថិតតាមបណ្ដោយមហាវិថីម៉ៅសេទុងកែងផ្លូវលេខ៣៣៦ ស្ថិតនៅក្នុងសង្កាត់បឹងសាឡាង ខណ្ឌទួលគោក ។
សាក្សីនៅកន្លែងកើតហេតុបានឱ្យដឹងថា មុនពេលកើតហតុ គេឃើញរថយន្តបង្កម៉ាកឡិចស៊ីសRX330 ពណ៌ទឹកប្រាក់ មួយគ្រឿង ជិះគ្នា២នាក់ក្នុងស្ថានភាពស្រវឹង ធ្វើដំណើរតាមមហាវិថីម៉ៅសេទុងពីជើងទៅត្បូង ហើយបត់ស្តាំចូលទៅផ្លូវ៣៣៦ លុះមកដល់ចំណុចកើតហេតុ ស្រាប់តែមានក្មេងប្រុសម្នាក់ដែលមានបញ្ហាសតិមិនប្រក្រតីមិនស្គាល់ឈ្មោះដេកទទឹងលើផ្លូវ អ្នកបើកបររថយន្តមើលអត់ឃើញក៏កិនក្មេងប្រុសរូបនោះបណ្តាលឲ្យបាក់ឆ្អឹងដងកាំបិតខាងឆ្វេងនិងរលាត់មុខមាត់តែម្តង ។
ក្រោយពេលកើតហេតុ ក្មេងប្រុសរងគ្រោះត្រូវបានគេបញ្ជូនទៅគ្លីនិកឯកជនដើម្បីព្យាបាល ចំណែកឯរថយន្តត្រូវបានសមត្ថកិច្ចយកទៅរក្សាទុកនៅការិយាល័យចរាចរណ៍ជើងគោករាជធានី ដើម្បីរង់ចាំដោះស្រាយនៅពេលក្រោយ ៕
ចែករំលែកព័តមាននេះ