គ្រោះថ្នាក់ចរាចរណ៍តិចតួចឈ្លោះប្រកែកគ្នាបែកផ្សែង
រាជធានីភ្នំពេញ ៖ ម៉ូតូមួយគ្រឿងបើកស៊ីញ៉ូភ្លាមបត់ភ្លែតបណ្ដាលឱ្យម៉ូតូមួគ្រឿងទៀតបុកពីក្រោយរងរបួសស្រាល តែឈ្លោះប្រកែកគ្នាបែកផ្សែងបង្កឲ្យមានការភ្ញាក់ផ្អើល
រាជធានីភ្នំពេញ ៖ ម៉ូតូមួយគ្រឿងបើកស៊ីញ៉ូភ្លាមបត់ភ្លែតបណ្ដាលឱ្យម៉ូតូមួគ្រឿងទៀតបុកពីក្រោយរងរបួសស្រាល តែឈ្លោះប្រកែកគ្នាបែកផ្សែងបង្កឲ្យមានការភ្ញាក់ផ្អើលកាលពីវេលាម៉ោង១០យប់ថ្ងៃទី៦ ខែមីនា ឆ្នាំ២០១៦ នៅតាមបណ្ដោយផ្លូវលេខ១៩៨៦ ស្ថិតនៅក្នុងសង្កាត់ភ្នំពេញថ្មី ខណ្ឌសែនសុខ ។
ម៉ូតូរងគ្រោះម៉ាកវីវ៉ា ពណ៌ខ្មៅ ជិះគ្នា៣នាក់ ប្តីប្រពន្ធនិងកូន ទិសដៅពីលិចទៅកើត លុះមកដល់ចំណុចកើតហេតុ ស្រាប់តែមានម៉ូតូមួយគ្រឿងទៀតដែលបើកស៊ីញ៉ូភ្លាមបត់ភ្លាមនោះម៉ាក MSX ពណ៌ ក្រហមលាយខ្មៅ បើកបរដោយបុរសម្នាក់មិនស្គាល់ឈ្មោះ បណ្ដាលឱ្យម៉ូតូរងគ្រោះជាន់ហ្វ្រាំងមិនទាន់បុកពីក្រោយបណ្ដាលតែម្តង ។
ក្រោយពេលកើតហេតុ ភាគីទាំងសងខាងបានប្រកែកយកឈ្នះរៀងខ្លួនរហូតឈ្លោះគ្នាបង្កការភ្ញាក់ដល់សមត្ថកិច្ច និងអ្នកធ្វើដំណើរនៅជិតនោះឈប់មើលពេញផ្លូវ ជជែកគ្នាអស់ជិតកន្លះម៉ោងទើបខាងម៉ូតូបង្កព្រមសងថ្លៃខូចខាតចំនួន៥ដុល្លារ តែខាងរងគ្រោះមិនព្រមសុំថ្លៃជួសជុលម៉ូតូចំនួន១០ម៉ឺនរៀល ខាងបង្កឱ្យតែ៣ម៉ឺនរៀល ស្របពេលនោះមានបុរសម្នាក់ធ្វើដំណើរកាត់តាមផ្លូវហើយឃើញហេតុការណ៍ខាលើ ក៍ចុះមកមើលឃើញអ្នកទាំងសងខាងជជែកគ្នារឿងប្រាក់សំណងថ្លៃខូចខាតឃើញទើសភ្នែកពេក ក៏ជួយចេញថ្លៃខូចខាតជំនួសខាងម៉ូតូបង្កទៅខាងរងគ្រោះ២ម៉ឺនរៀលបន្ថែម ៕
ចែករំលែកព័តមាននេះ