មកដឹងពីកន្លែងដុតភ្លើងគប់ សម្រាប់ពិធីបើក-បិទ ស៊ីហ្គេម និងអាស៊ាន ប៉ារ៉ាហ្គេម ឆ្នាំ២០២៣
- ភ្នំពេញ
រាជធានីភ្នំពេញ ៖ ទីតាំងដ៏គួរអោយចាប់អារម្មណ៍មួយនៅពហុកីឡាដ្ឋានមរតកតេជោ ការពិតគឺជាកន្លែងដុតភ្លើងគប់សោះ
រាជធានីភ្នំពេញ ៖ ទីតាំងដ៏គួរអោយចាប់អារម្មណ៍មួយនៅពហុកីឡាដ្ឋានមរតកតេជោ ការពិតគឺជាកន្លែងដុតភ្លើងគប់សោះ
រាជធានីភ្នំពេញ ៖ ទីតាំងដ៏គួរអោយចាប់អារម្មណ៍មួយនៅពហុកីឡាដ្ឋានមរតកតេជោ ការពិតគឺជាកន្លែងដុតភ្លើងគប់សោះ ដោយបានកំពុងដំណើរការសាងសង់ហើយ ដោយមានការរៀបចំនូវប្រព័ន្ធសុវត្ថិភាពខ្ពស់បំផុតសម្រាប់ត្រៀមពិធីបើក-បិទការ ប្រកួតកីឡាស៊ីហ្គេម និងអាស៊ានប៉ារ៉ាហ្គេម (SEA Games-ASEAN Para Games) ឆ្នាំ២០២៣ នៅព្រះរាជាណាចក្រកម្ពុជា។ ទីតាំងនេះ ប្រសិនបើគ្មានការពន្យល់ក៏ប្រហែលជាគ្មានអ្នកដឹងនោះដែរ ដោយអ្នកខ្លះស្មានត្រឹមថា គឺជារចនាបថឱ្យទាក់ភ្នែក។
លោក វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាអាស៊ី អាគ្នេយ៍ លើកទី៣២ ឆ្នាំ២០២៣ (CAMSOC) បានឲ្យដឹងថា ប្រព័ន្ធភ្លើងគប់នេះ ត្រូវរៀបចំក្រោយគេ ព្រោះជាកន្លែងមួយដ៏សំខាន់ដែលត្រូវប្រើប្រព័ន្ធសុវត្ថិភាពខ្ពស់ ដោយសារ ត្រូវប្រើហ្គាសសម្រាប់ដុត។ ដូច្នេះប្រព័ន្ធភ្លើងគប់នេះត្រូវរៀបចំឲ្យមានសុវត្ថិភាពបំផុត។
យ៉ាងណាមិញកន្លែងដុតភ្លើងគប់នេះនឹងត្រូវធ្វើឲ្យបានរួចរាល់នៅមុនដំណាច់ខែវិច្ឆិកា ឆ្នាំ២០២១ ព្រោះគណៈកម្មាធិការជាតិ CAMSOC គ្រោងនឹងរៀបចំពិធីសម្ពោធដាក់ឲ្យប្រើប្រាស់ជាផ្លូវការវិមានកីឡដ្ឋាននៃពហុកីឡដ្ឋានជាតិមរតកតេជោ នៅចុងខែ វិច្ឆិកា។ ដូច្នេះ បន្ទាប់ពីដំឡើងកន្លែងដុតភ្លើងគប់រួចនឹងត្រូវរៀបចំពិធីសម្ពោធពេញលេញទាំងអស់តែម្ដង។ នេះជាការបញ្ជាក់បន្ថែមរបស់លោក វ៉ាត់ ចំរើន។ លោករដ្ឋលេខាធិការក្រសួងទេសចរណ៍ដដែលបានបន្ថែមថា «ការរៀបចំប្រព័ន្ធភ្លើងគប់ គឺដើម្បី បំពេញលក្ខណៈនៃដំណើរការរៀបចំពិធីបើក-បិទស៊ីហ្គេម ក៏ដូចជា អាស៊ានប៉ារ៉ាហ្គេមរបស់យើង។ យើងឃើញហើយថា នៅពហុកីឡ ដ្ឋានជាតិ (ស្ដាតអូឡាំពិក) ក៏មានកន្លែងដុតភ្លើងគប់ដែរ អ៊ីចឹងវាមានលំនាំរបស់វាឲ្យគ្រប់លក្ខខណ្ឌនៃពិធីបើក-បិទរបស់យើង»។
ពាក់ព័ន្ធនឹងដំណើរការភ្លើងគប់នេះ ថ្នាក់ដឹកនាំគណៈកម្មាធិការជាតិ (CAMSOC) បានធ្វើការយកចិត្តទុកដាក់ និងគិតគូរយ៉ាងល្អិតល្អន់ជាក់ស្ដែងភ្លើងគប់ ដែលគ្រោងយកមកដុតប្រារព្ធពិធីបើកព្រឹត្តិការណ៍ជាប្រវត្តិសាស្ដ្រនៅកម្ពុជា នឹងត្រូវរៀបចំពិធីសុំ ភ្លើងអាទិទេព (កម្ដៅព្រះអាទិត្យ) នៅប្រាសាទអង្គរវត្ត ដែលគ្រោងប្រារព្ធធ្វើឡើងក្រោម ព្រះរាជាធិបតីភាពដ៏ខ្ពង់ខ្ពស់បំផុតរបស់ ព្រះមហាក្សត្រនៃព្រះរាជាណាចក្រកម្ពុជា ។
ពិធីសុំភ្លើងអាទិទេពនេះ គ្រោងរៀបចំនាខែកុម្ភៈ ឆ្នាំ២០២៣។ បន្ទាប់មកកម្ពុជា នឹងរៀបចំពិធីដង្ហែភ្លើងគប់នេះ ឆ្លងកាត់ បណ្ដាប្រ ទេសទាំងអស់ក្នុងតំបន់អាស៊ីអាគ្នេយ៍ ចាប់ពីខែមីនា ឆ្នាំ២០២៣ មុនដង្ហែចូលមកកម្ពុជាវិញ ហើយបន្ដដង្ហែរតាមបណ្ដាខេត្តជុំវិញបឹងទន្លេសាបរហូត ដល់វិមានកីឡដ្ឋាននៃពហុកីឡដ្ឋានជាតិមរតកតេជោ ចំពេលប្រារព្ធពិធីបើកការប្រកួតកីឡា ស៊ីហ្គេមជាផ្លូវការនៅល្ងាច ថ្ងៃទី៥ ខែ ឧសភា ឆ្នាំ២០២៣ តែម្ដង៕
ចែករំលែកព័តមាននេះ