ការប្រកួតបាល់ទាត់ World Cup នៅរាត្រីថ្ងៃអង្គារនេះមាន៤ប្រកួតមកពីពូលA និងពូលB ។ នេះគឺជាការប្រកួតសំខាន់ណាស់ ពីព្រោះវាជាការប្រកួតបញ្ចប់តាមពូល។ នៅ ក្នុងពូលA ក្រុមអ៊ូរូហ្គាយ ទំនងជាដឹកដៃ ម៉ិចស៊ីកូ ទៅវគ្គ១៦ក្រុម បន្សល់ឱ្យក្រុមម្ចាស់ ផ្ទះ និងបារាំងស្រក់ទឹកភ្នែក ។ ចំណែកឯនៅ ក្នុងពូលB វិញ ក្រុមអាហ្សង់ទីនប្រកួតដោយអត់បារម្ភ ខណៈពេលដែលក្រុមកូរ៉េខាងត្បូងនិងក្រិចប្រជែងគ្នាយកតំណែងលេខ២ ទៅ វគ្គ១៦ក្រុម ។
ពូលA
អ្នកលេងមួកម៉ិចស៊ីកូ V មេឃខៀវអ៊ូរូហ្គាយ
អ្នកលេងមួកម៉ិចស៊ីកូ ត្រូវការលទ្ធផលត្រឹមស្មើដើម្បីទម្លាក់បារាំង ។ ម្យ៉ាងវិញទៀតបើក្រុមរបស់ គេចាញ់អ៊ូរូហ្គាយ ហើយបារាំងឈ្នះគូប្រកួត នោះត្រូវគិតទៅលើគ្រាប់បាល់បញ្ចូលទី ព្រោះមាន៤ពិន្ទុស្មើគ្នា ។ ចំណាត់ថ្នាក់លេខ ១៧ របស់ FIFA ធ្លាប់បានបង្ហាញវត្ដមាននៅ ក្នុងការប្រកួតបាល់ទាត់ពិភពលោកចំនួន១៣ដង ក៏ប៉ុន្ដែក្រុមរបស់គេមិនធ្លាប់ជាប់ជើងឯកនោះទេ ។ ប្រព័ន្ធលេងរបស់ក្រុមម៉ិចស៊ីកូគឺ ៤-៣-១-២ ។ កីឡាករសំខាន់ៗមានកីឡា ករខ្សែការពារ Rafael Marquez បច្ចុប្បន្ន លេងឱ្យក្លឹប Barcelona កីឡាករខ្សែប្រយុទ្ធ Franco បច្ចុប្បន្នលេងឱ្យក្លឹប West Ham និងកីឡាករ Blanco បច្ចុប្បន្នលេងឱ្យក្លឹប Chicago ។ ប្រកួតជំរុះ World Cup ម៉ិចស៊ីកូ ជាប់ចំណាត់ថ្នាក់លេខ២ បន្ទាប់ពីអាមេរិក ជាមួយនឹងប្រវត្ដិ១០ប្រកួតគឺ ៦-១-៣ ទាត់ បាល់បាន១៨គ្រាប់ និងរបូតវិញ១២គ្រាប់។ ៥ប្រកួតចុងក្រោយនេះគឺ ៣-០-២ ។ ៣ ប្រកួតចុងក្រោយគឺចាញ់ Holland ២-១ ក្រៅផ្ទះ, ស្មើ South Africa ១-១, បន្ទាប់ មកឈ្នះ France ២-០ ទឹកដីកណ្ដាល ។
មេឃខៀវអ៊ូរូហ្គាយ រីករាយត្រឹមស្មើម៉ិចស៊ីកូ ហើយ បើចាញ់ក៏ប្រហែលជាបានឡើងទៅវគ្គ១៦ ក្រុមដែរ ដោយសាគ្រាប់បាល់សំណល់៣ គ្រាប់ ។ អ៊ូរូហ្គាយ ចំណាត់ថ្នាក់លេខ១៦ របស់ FIFA ។ ក្រុមនេះធ្លាប់បានបង្ហាញវត្ដ មាននៅក្នុងការប្រកួតបាល់ទាត់ពិភពលោក ចំនួន១០ដង ហើយទទួលបានជើងឯកចំនួន២ លើក គឺក្នុងឆ្នាំ១៩៣០ ក្រោយពីផ្ដួលអាហ្សង់ ទីន ៤-១ ក្នុងទឹកដី និងឆ្នាំ១៩៥០ ក្រោយពី ផ្ដួលប្រេស៊ីល ២-១ ។ ក្រៅពីនេះក្រុមអ៊ូរូហ្គាយ ធ្លាប់ជាប់ចំណាត់លេខ៤ ពីរលើក គឺ ក្នុងឆ្នាំ១៩៥៤ និងឆ្នាំ១៩៧០ ។ ប្រព័ន្ធលេង របស់ក្រុមនេះគឺ ៥-៣-២ ។ កីឡាករ សំខាន់ៗក្នុងក្រុមអ៊ូរូហ្គាយរួមមានកីឡាករ ខ្សែប្រយុទ្ធ Diego Forlan បច្ចុប្បន្នលេងឱ្យ ក្លឹប Atletico កីឡាករខ្សែការពារ Diego Lugano បច្ចុប្បន្នលេងឱ្យក្លឹប Fenerbahce របស់ហុល្លង់ ។ ជំរុះ World Cup ក្រុមអ៊ូរូហ្គាយ ស្ថិតនៅចំណាត់ថ្នាក់លេខ៥ បន្ទាប់ពី អាហ្សង់ទីន ។ ប្រវត្ដិ១៨ប្រកួតគឺ ៦-៦-៦ ទាត់បាល់បាន២៨គ្រាប់ និងរបូតវិញ២០ គ្រាប់ ។ ៥ប្រកួតចុងក្រោយនេះគឺ ៣-១- ១ ។ ៣ប្រកួតចុងក្រោយគឺលេងស្មើ Costa Rica ១-១ ជំរុះ World Cup ក្នុងផ្ទះ, ស្មើ France ០-០ បើកឆាកដំបូង, បន្ទាប់មក ឈ្នះ South Africa ៣-០ ។
ជួបគ្នា៦ប្រកួតគឺ ៖
07-66 Uruguay 0-0 Mexico
07-95 Uruguay 1-1 Mexico
07-01 Mexico 2-1 Uruguay
07-04 Mexico 2-2 Uruguay
10-05 Mexico 3-1 Uruguay
07-07 Mexico 3-1 Uruguay
ទស្សនៈរបស់ WDW
Mexico 1-1 Uruguay
មាន់គកបារាំង V យុវជនបៃតងអាហ្វ្រិកត្បូង
មាន់គកបារាំង ត្រូវការឈ្នះម្ចាស់ផ្ទះអាហ្វ្រិកខាងត្បូងនៅថ្ងៃនេះ ដោយគ្រាប់បាល់ច្រើនគ្រាប់ ហើយត្រូវរង់ចាំមើលលទ្ធផលគូប្រកួតរវាង ក្រុមម៉ិចស៊ីកូ និងអ៊ូរូហ្គាយទៀត ។ ប្រសិនម៉ិចស៊ីកូ ស្មើជាមួយអ៊ូរូហ្គាយ នោះបារាំងនឹង ធ្លាក់ដោយស្វ័យប្រវត្ដិ ។ ចំណាត់ថ្នាក់លេខ៧ របស់ FIFA ធ្លាប់បានបង្ហាញវត្ដមាននៅក្នុង ការប្រកួតបាល់ទាត់ពិភពលោកចំនួន១២ ដង។ ក្រុមនេះធ្លាប់ជាប់ជើងឯកម្ដងក្នុងឆ្នាំ ១៩៩៨, លេខ២ម្ដងក្នុងឆ្នាំ២០០៦ និងលេខ ៣ពីរដង ។ ប្រព័ន្ធលេងរបស់ក្រុមបារាំងគឺ ៤-២-៣-១ ។ កីឡាករសំខាន់ៗមានកីឡា ករខ្សែប្រយុទ្ធ Thierry Henry បច្ចុប្បន្នលេង ឱ្យក្លឹប Barcelona និងកីឡាករខ្សែបំរើឆ្នើម Franck Ribery បច្ចុប្បន្នលេងឱ្យក្លឹប Bayern។ ជំរុះ World Cup ទទួលបាន ចំណាត់ថ្នាក់លេខ២ បន្ទាប់ពីស៊ែប៊ី ។ ប្រវត្ដិ ១០ប្រកួតគឺ ៦-៣-១ ទាត់បាល់បាន១៨ គ្រាប់ និងរបូតវិញ៩គ្រាប់ ។ ៥ប្រកួតចុង ក្រោយនេះគឺ ១-២-២ ។ ៣ប្រកួតចុង ក្រោយគឺឈ្នះ Costa Rica ២-១ ក្នុងផ្ទះ, ស្មើ Uruguay ០-០ បើកឆាកដំបូង, បន្ទាប់ មកចាញ់ Mexico ២-០ ទឹកដីកណ្ដាល ។
យុវជនបៃតងអាហ្វ្រិកត្បូង ដូចជាមិនមានសង្ឃឹមទេ ព្រោះ២ប្រកួតកន្លងមកគ្រាប់បាល់របូត ច្រើនជាងគេ ហើយការប្រកួតនៅថ្ងៃនេះ បារាំងកំពុងត្រូវការឈ្នះដោយគ្រាប់បាល់ ច្រើនគ្រាប់ផង ។ ចំណាត់ថ្នាក់លេខ៨៣ របស់ FIFA ធ្លាប់បានបង្ហាញវត្ដមាននៅក្នុង ការប្រកួតបាល់ទាត់ពិភពលោកត្រឹមតែ២ដង ប៉ុណ្ណោះ។ កីឡាករសំខាន់ៗក្នុងក្រុមអាហ្វ្រិក ខាងត្បូង គឺកីឡាករខ្សែបំរើ Steven Pienaar បច្ចុប្បន្នលេងឱ្យក្លឹប Everton និងកីឡាករ ខ្សែប្រយុទ្ធ Bernaard Parker បច្ចុប្បន្នលេង ឱ្យក្លឹប Twente (ហុល្លង់) ។ ប្រព័ន្ធលេង របស់ក្រុមអាហ្វ្រិកខាងត្បូងគឺ ៤-៤-២។ ក្រុមនេះមិនបានឆ្លងកាត់ការប្រកួតជំរុះទេ ដោយសារគេជាម្ចាស់ផ្ទះ ។ ទោះបីជាយ៉ាង ណាក្ដី លទ្ធផល៥ប្រកួតចុងក្រោយនេះគឺ ៣-២-០ ។ ៣ប្រកួតចុងក្រោយគឺឈ្នះ Gute mala ៥-០, ស្មើ Mexico ១-១ បើកឆាកដំបូង, បន្ទាប់មកចាញ់អ៊ូរូហ្គាយ ៣-០ ។
ជួបគ្នា៣ប្រកួតគឺ ៖
10-97 France 2-1 South Africa
06-98 France 3-0 South Africa
10-00 South Africa 0-0 France
ទស្សនៈរបស់ WDW
France 1-1 South Africa
ពូលB
ពពកសអាហ្សង់ទីន V វិមានអាក្រូប៉ូលីសក្រិច
ពពកសអាហ្សង់ទីន មានកៅអីមួយរួចស្រេចនៅ វគ្គ១៦ក្រុម ដូច្នេះការប្រកួតនៅថ្ងៃនេះអត់សំខាន់ទេ ហើយបើក្រុមរបស់គេចង់ទម្លាក់កូរ៉េខាងត្បូង គេត្រូវបើកឱ្យក្រិចយកឈ្នះ។ ចំណាត់ថ្នាក់លេខ៧ របស់ FIFA ក្រុមនេះធ្លាប់បានបង្ហាញវត្ដមានក្នុងការប្រកួតបាល់ ទាត់ World Cup ចំនួន១៤ដង ។ ក្រុមអាហ្សង់ទីន ធ្លាប់ជាប់ជើងឯកចំនួន២ដង គឺ ក្នុងឆ្នាំ១៩៧៨ ក្រោយពីផ្ដួល Holland ៣-១, បន្ទាប់មកឈ្នះក្រុមអាល្លឺម៉ង់ ៣-២ ក្នុង ឆ្នាំ១៩៨៦ ។ ក្រៅពីនេះទៀតក្រុមអាហ្សង់ ទីនធ្លាប់ទទួលបានចំណាត់ថ្នាក់លេខ២ពីរដង គឺក្នុងឆ្នាំ១៩៣០ និង១៩៩០ ។ កីឡាករ សំខាន់ៗមានកីឡាករខ្សែប្រយុទ្ធ Messi បច្ចុប្បន្នលេងឱ្យក្លឹប Barcelona កីឡាករខ្សែ បំរើ Mascherano បច្ចុប្បន្នលេងឱ្យក្លឹប Liverpool និងកីឡាករខ្សែបំរើ Veron បច្ចុប្បន្នលេងឱ្យក្លឹប Estudiantes ។ កាលពី ប្រកួតជំរុះក្នុងពូលស្ថិតនៅចំណាត់ថ្នាក់លេខ៤ ។ ប្រវត្ដិ១៨ប្រកួតគឺ ៨-៤-៦ ទាត់បាល់ បាន២៣គ្រាប់ និងរបូតវិញ២០គ្រាប់ ។ ៥ ប្រកួតចុងក្រោយនេះឈ្នះរហូតគឺ ៥-០-០ ។ ៣ប្រកួតចុងក្រោយគឺឈ្នះ Germany ១-០ ក្រៅផ្ទះ, ឈ្នះ Nigeria ១-០, និងឈ្នះ Koreap Rep ៤-១ ទឹកដីកណ្ដាល ។
វិមានអាក្រូប៉ូលីសក្រិច ត្រូវការឈ្នះអាហ្សង់ទីន ឬត្រឹមស្មើ ហើយត្រូវរង់ចាំមើលលទ្ធផលក្រុមកូរ៉េខាងត្បូងទៀត ។ បើកូរ៉េខាងត្បូងលេងឈ្នះនីហ្សេរីយ៉ានោះក្រុមក្រិចនឹងត្រូវធ្លាក់ ក្នុង ករណីក្រិចចាញ់ ឬស្មើគូប្រកួត ។ ចំណាត់ថ្នាក់លេខ១២ របស់ FIFA ក្រុមនេះធ្លាប់បានបង្ហាញវត្ដមានក្នុងការប្រកួតបាល់ទាត់ World Cup តែម្ដងគត់គឺក្នុងឆ្នាំ១៩៩៤។ ប្រព័ន្ធលេងរបស់ក្រុមនេះគឺ៤-៣-៣។ កីឡាករសំខាន់ៗមានកីឡាករខ្សែការពារបច្ចុប្បន្នលេងឱ្យក្លឹប Liverpool កីឡាករខ្សែបំរើ Sotiris Ninis បច្ចុប្បន្នលេងឱ្យក្លឹប Panathinaikos និងកីឡាករខ្សែបំរើ Kara gounis បច្ចុប្បន្នលេងឱ្យក្លឹប Panathinai kos ។ កាលពីប្រកួតជំរុះក្នុងពូលស្ថិតនៅ ចំណាត់ថ្នាក់លេខ២ បន្ទាប់ពីស្វ៉ីស ។ ប្រវត្ដិ ១០ប្រកួតគឺ ៦-២-២ ទាត់បាល់បាន២០ គ្រាប់ និងរបូតវិញ១០គ្រាប់ ។ ៥ប្រកួតចុង ក្រោយនេះគឺ១-២-២ ។ ៣ប្រកួតចុង ក្រោយគឺចាញ់ Senegal ២-០, ចាញ់ Korea Rep ២-០, តែឈ្នះ Nigeria ២-១ ។
ជួបគ្នា១ប្រកួតគឺ ៖
06-94 Argentina 4-0 Greece
ទស្សនៈរបស់ WDW
Argentina 3-0 Greece
ឥន្ទ្រីបៃតងនីហ្សេរីយ៉ា V បិសាចក្រហមអាស៊ីកូរ៉េខាងត្បូង
ឥន្ទ្រីបៃតងនីហ្សេរីយ៉ា មិនទាន់អស់សង្ឃឹមទេបើ សិនឈ្នះកូរ៉េខាងត្បូងនៅថ្ងៃនេះដោយគ្រាប់ បាល់ច្រើនគ្រាប់ ហើយក្រុមក្រិចចាញ់ អាហ្សង់ទីន តែករណីនេះប្រហែលជាទៅមិនរួចទេ ។ ចំណាត់ថ្នាក់លេខ២០ របស់ FIFA ក្រុមនេះធ្លាប់បានបង្ហាញវត្ដមានក្នុងការ ប្រកួតបាល់ទាត់ World Cup ចំនួន៣ដង។ កីឡាករសំខាន់ៗមានកីឡាករខ្សែប្រយុទ្ធ Peter Obemwingie បច្ចុប្បន្នលេងឱ្យក្លឹប Lokomotiv Mos កីឡាករខ្សែប្រយុទ្ធ Martins បច្ចុប្បន្នលេងឱ្យក្លឹប Wolfsburg និងកីឡាករខ្សែបំរើ Uche បច្ចុប្បន្នលេងឱ្យ ក្លឹប Zaragoza ។ កាលពីប្រកួតជំរុះក្នុងពូល ស្ថិតនៅចំណាត់ថ្នាក់លេខ១ ។ ប្រវត្ដិ៦ប្រកួត គឺ ៣-៣-០ ទាត់បាល់បាន៩គ្រាប់ និងរបូត វិញ៤គ្រាប់ ។ ៥ប្រកួតចុងក្រោយនេះគឺ ១-៣-១ ។ ៣ប្រកួតចុងក្រោយគឺលេងស្មើ Saudi Arabia ០-០, ចាញ់ Argentina ១-០, និងចាញ់ Greece ២-០ ថែមទៀតទឹកដីកណ្ដាល ។
បិសាចក្រហមអាស៊ីកូរ៉េខាងត្បូង ដើម្បីឱ្យប្រាកដថាមានកៅអីមួយនៅវគ្គ១៦ក្រុម ការប្រកួតនៅថ្ងៃ នេះគេត្រូវតែយកឈ្នះនីហ្សេរីយ៉ាឱ្យបានតែ បើចាញ់ត្រូវរង់ចាំមើលលទ្ធផលរបស់ក្រិច។ តាមលក្ខណៈវិភាគ កូរ៉េខាងត្បូងធ្លាប់ឈ្នះក្រិច ហើយក្រិចធ្លាប់ឈ្នះនីហ្សេរីយ៉ាដូច្នេះ កូរ៉េខាងត្បូងទំនងជានឹងឈ្នះនីហ្សេរីយ៉ា។ ចំណាក់ថ្នាក់លេខ៤៧ របស់ FIFA ក្រុមនេះ ធ្លាប់បានបង្ហាញវត្ដមានក្នុងការប្រកួតបាល់ ទាត់ World Cup ចំនួន៧ដង ។ ធ្លាប់ទទួល បានចំណាត់ថ្នាក់លេខ៤ម្ដងក្នុងឆ្នាំ២០០២។ ប្រព័ន្ធលេងរបស់ក្រុមនេះគឺ ៤-៤-២។ កីឡា ករសំខាន់ៗមានកីឡាករខ្សែបំរើ Park Ji-Sung បច្ចុប្បន្នលេងឱ្យក្លឹប Man Utd កីឡា ករខ្សែប្រយុទ្ធ Park Chu-Young បច្ចុប្បន្ន លេងឱ្យក្លឹប Monaco និងកីឡាករខ្សែបំរើ Lee Chung-Yong បច្ចុប្បន្នលេងឱ្យក្លឹប Bolton។ កាលពីប្រកួតជំរុះទ្វីបអាស៊ីស្ថិតនៅ ចំណាត់ថ្នាក់លេខ១ ។ ប្រវត្ដិ៨ប្រកួតគឺ ៤-៤-០ ទាត់បាល់បាន១២គ្រាប់ និងរបូតវិញ៨ គ្រាប់ ។ ៥ប្រកួតចុងក្រោយនេះគឺ ៣-០-២។ ៣ប្រកួតចុងក្រោយគឺឈ្នះ Japan ២-០, ឈ្នះ Greece ២-០, តែចាញ់ Argentina ៤-១ ទឹកដីកណ្ដាល ។
(ពុំមានប្រវត្ដិជួបគ្នា)
ទស្សនៈរបស់ WDW
Nigeria 1-1 Korea Rep
ចែករំលែកព័តមាននេះ