ខេត្តកំពង់ឆ្នាំង ៖ បុរសម្នាក់បានស្លាប់នៅនឹងកន្លែងកើតហេតុ បន្ទាប់ពីជិះម៉ូតូជ្រុលទៅបុករថយន្តក្រុងដឹកអ្នកដំណើរក្នុងទិសដៅបញ្ច្រាសគ្នា កាលពីវេលាម៉ោង៨និង៣០នាទីយប់ថ្ងៃទី៥ មីនា ២០១៦ នៅលើកំណាត់ផ្លូវជាតិលេខ៥ ក្នុងចន្លោះគីឡូម៉ែត្រលេខ៩៣និងលេខ៩៤ ស្ថិតនៅក្នុងភូមិទ្រាជើង ឃុំស្រែថ្មី ស្រុករលាប្អៀរ ។
មន្ត្រីសមត្ថកិច្ចនគរបាលបានឱ្យដឹងថា បុរសរងគ្រោះឈ្មោះ វ៉ាន់ គឹមលី ហៅញ៉ុក អាយុ៣៦ឆ្នាំ មានទីលំនៅភូមិសាលាផ្លូវវាយ ឃុំស្វាយជ្រុំ ស្រុករលាប្អៀរ ។ មុនពេលកើតហេតុ បុរសរងគ្រោះជិះម៉ូតូម៉ាកស៊ុយហ្សុយគីស្មាស់រីវ៉ូ ពណ៌ខ្មៅ គ្មានស្លាកលេខ តាមបណ្តោយផ្លូវជាតិក្នុងទិសដៅពីត្បូងទៅជើង លុះមកដល់ចំណុចកើតហេតុ ស្រាប់តែរេចង្កូតទៅខាងឆ្វេងដៃបុកជាមួយរថយន្តក្រុងដឹកអ្នកដំណើរពេញទំហឹង អូសចម្ងាយជាង៨ម៉ែត្រ បណ្តាលឱ្យស្លាប់នៅកន្លែងកើតហេតុតែម្តង ។
ក្រោយពេលកើតហេតុ ម៉ូតូនិងរថយន្ត ត្រូវបានសមត្ថកិច្ច យកទៅរក្សាទុកនៅអធិការដ្ឋាន ដើម្បីរង់ចាំដោះស្រាយតាមនីតិវី ៕
ចែករំលែកព័តមាននេះ