រាជធានីភ្នំពេញ ៖ ក្រសួងសុខាភិបាលបានប្រកាសនៅមុននេះបន្តិចអំពីការរកឃើញករណីឆ្លងកូវីដ-១៩ កាលពីថ្ងៃម្សិលមិញ មានចំនួនហក់ឡើងជិត ១ ពាន់ករណី ក្នុងថ្ងៃ ខណៈការស្លាប់ថ្មីនៅមានចំនួនខ្ពស់ជិត ២០ នាក់ដដែល ។
ក្រសួងសុខាភិបាលបានប្រកាសនៅថ្ងៃទី ៣០ ខែកញ្ញា ឆ្នាំ២០២១ ថា កាលពីម្សិលមិញ កម្ពុជារកឃើញករណីឆ្លងថ្មី ៩៧៨នាក់ (ក្នុងនោះភាគច្រើនលើសលប់ជាករណីឆ្លងក្នុងសហគមន៍ ខណៈករណីនាំចូលកម្ពុជាមានត្រឹមតែ ៨១នាក់) ករណីជាសះស្បើយចំនួន ៦០៥នាក់ និងស្លាប់ថ្មីចំនួន ១៧នាក់ បន្ថែមទៀត ។
គួរបញ្ជាក់ថា រយៈពេល ៧ថ្ងៃចុងក្រោយនេះ កម្ពុជាមានអត្រាឆ្លងកូវីដ-១៩ ប្រចាំថ្ងៃកើនឡើងខ្ពស់គួរឱ្យកត់សម្គាល់ ខណៈវត្តមានវីរុសបំប្លែងថ្មីដែលតា ក៏កំពុងរាតត្បាតយ៉ាងសកម្មផងដែរ ។ ត្រឹមរយៈពេល ៧ថ្ងៃនេះ ការឆ្លងប្រចាំថ្ងៃសុទ្ធតែជាង ៨០០ក្រាស់ ហើយថ្ងៃទី ២៩ ខែកញ្ញា ម្សិលមិញ ក៏ហក់ឡើងជិត ១ ពាននាក់ ក្នុងមួយថ្ងៃ ។
គិតមកដល់បច្ចុប្បន្ន អ្នកឆ្លងកូវីដ-១៩ សរុបនៅកម្ពុជាបានឡើងដល់ ១១២ ៦៥១នាក់ អ្នកជាសះស្បើយសរុប ១០២ ៨២៧នាក់ និង អ្នកស្លាប់សរុប ២៣១៩នាក់ ៕
ចែករំលែកព័តមាននេះ