រាជធានីភ្នំពេញ ៖ បើគិតមកទល់ពេលនេះនៅមិនទាន់បានមួយខែនោះទេ ដែលយ៉េន ឌីណា មកពីសមាគមកីឡាប្រដាល់ក្រសួងកសិកម្ម និងកីឡាករផល សោភ័ណ្ឌម កពីក្លិបតាឡីដំរីមានរិទ្ធ ធ្លាប់បានជួបគ្នា ប៉ុន្តែដោយសារកាលណោះផល សោភ័ណ្ឌមិនទាន់អស់ចិត្ត ទើបពួកគេណាត់ជួបគ្នាម្ដងទៀតនៅលើសង្វៀនស៊ីអិនស៊ី នាថ្ងៃសៅរ៍ ទី២ តុលា ក្នុងកម្មវិធីប្រកួតដណ្ដើមប្រាក់លានខារ៉ាបាវ។
គេនៅចាំបានថា កាលពីថ្ងៃទី១០ កញ្ញា ឆ្នាំ២០២១ យ៉េន ឌីណានិងផល សោភ័ណ្ឌ ធ្លាប់បានជួបគ្នាម្ដង គឺការប្រកួតដណ្ដើមប្រាប់លាននៅលើសង្វៀនប៉ុស្តិ៍បាយ័ន្ត គេទាំងពីរប្ដូកណ្ដាប់ដៃគ្នាយ៉ាងសាហាវពេញ៥ទឹកតែម្ដង។ ប៉ុន្តែគួឲ្យស្ដាយបំផុតនៅពេលចប់ការប្រកួតផល សោភ័ណ្ឌចាញ់ពិន្ទុយ៉េន ឌីណាទាំងប្រផិតប្រផើយព្រមទាំងបានធ្វើឲ្យរបូតបាត់អស់ប្រាក់ពីរលានពីក្នុងដៃ ដែលជាហេតុធ្វើឲ្យ ផល សោភ័ណ្ឌ មិនអស់ចិត្តទាល់តែសោះ ហើយមកសងសឹកដល់សង្វៀនស៊ីអិនស៊ីតែម្ដង ថែមទាំងបានសន្យាថាមិនឲ្យមានការថ្លោះធ្លោយដូចមុនទៀតនោះទេ។
តាមពិតទៅគូនេះមានផ្លែល្អដូចគ្នា វាយចេញបានរហ័ស និងមានកម្លាំងស៊ុហ្វខ្លាំងដូចគ្នាទៀត ដូច្នេះហើយនៅរាល់ពេលប៉ះគ្នាម្ដងៗធ្វើឲ្យអ្នកតាមដានការប្រកួតមិនហ៊ានប៉ព្រិចភ្នែកនោះទេ ហើយថែមទាំងមិនទាយទុកមុនថា អ្នកណាខ្លាំងជាងដែ ។
យ៉ាងណាម៉ិញ ដូចជាការប៉ះគ្នាម្ដងទៀតនៅចុងសប្ដាហ៍នេះតែម្ដង ថ្វីត្បិតយ៉េន ឌីណា ធ្លាប់បានយកឈ្នះរួចម្ដងមកហើយក្ដី ក៏គេមិនប្រាកដក្នុងចិត្តថា យកឈ្នះម្ដងទៀតនោះដែរ។ ម្យ៉ាងវិញយ៉េន ឌីណា ក៏ធ្លាប់បានសសើរផល សោភ័ណ្ឌ ថាជាគូប្រកួតម្នាក់ដែលខ្លាំងបំផុត។
កីឡាករឡុង ជិន មកពីក្លិខ្លារខិនមានរិទ្ធ និងកីឡាករសូត្រ វាសនា មកពីក្លិបបក្សីស្លាបដែកក៏ជាគូប្រកួតដណ្ដើមប្រាក់លានក្នុងសប្ដាហ៍នេះដែរ ។
បើតាមការឲ្យដឹងពីគណៈកម្មការប្រកួតគេទាំងពីរធ្លាប់ប៉ះគ្នាច្រើនលើកច្រើនសារួចមកហើយ គឺមានចាញ់មានឈ្នះទៅវិញទៅមកដូចគ្នា។ដូច្នេះអត់មានអ្នកណាម្នាក់ហ៊ានទាយទុកមុនថាខាងណាជាម្ចាស់ប្រសក់លាននោះទេ មានតែរង់ចាំតាមដានទស្សនាជាក់ស្ដែងទាំងអស់គ្នាប៉ុណ្ណោះ។
ដោយឡែកសម្រាប់គូប្រកួតក្នុងកម្មវិធីអ្នកតស៊ូគុនខ្មែរគោជល់ ថ្ងៃសៅរ៍នេះដែរ បានប្រមូលផ្ដុំទៅដោយកីឡាករជងខ្លាំងជាច្រើនគូឡើងមកអង្រួនសង្វៀនឲ្យកក្រើកតែម្ដង។កីឡាករធឿន ធារ៉ា ប៉ះជាមួយព្រំ សំណាង កីឡាកររិន សារ័ត្ន ប៉ះជាមួយផាន់ គ្រាន់ កីឡាករធន់ ស៊ីហុង ប៉ះជាមួយហ៊ីម គឹមរៀង កីឡាករនូវ វណ្ណី ប៉ះជាមួយកីឡាករឡុង សុខលីម ៕
ចែករំលែកព័តមាននេះ