ប្រទេសថៃ ៖ ថៃបានជាប់ចំណាត់ថា្នត់លេខ៥ ក្នុងចំណោម២៥ប្រទេសនៅអាស៊ី លើហានិភ័យសុវត្ថិភាពប្រព័ន្ធអីុនធើរណេត ។ នេះបើតាមក្រុមហ៊ុនសន្តិសុខសុវត្ថិភាព software អីុនធើរណេត Bitdefender ។
ប្រទេសថៃ ៖ ថៃបានជាប់ចំណាត់ថា្នត់លេខ៥ ក្នុងចំណោម២៥ប្រទេសនៅអាស៊ី លើហានិភ័យសុវត្ថិភាពប្រព័ន្ធអីុនធើរណេត ។ នេះបើតាមក្រុមហ៊ុនសន្តិសុខសុវត្ថិភាព software អីុនធើរណេត Bitdefender ។
ថៃបានជាប់ចំណាត់ថ្នាក់ទី១១ នៃការវាយប្រហារតាមប្រព័ន្ធអីុនធើរណេតនៅលើសកលលោក ។ ការចាត់ចំណាត់ថ្នាក់នេះ ដោយសារតែមានការវាយប្រហាររបស់ malware ។ នេះបើតាមប្រសាសន៍របស់អគ្គនាយកគ្រប់គ្រងទូទៅ នៃក្រុមហ៊ុន Bitdefender ប្រចាំតំបន់ឥណ្ឌូចិន លោក Michal Dominik ។
ក្នុងនោះដែរ ប្រទេសដែលបានរងការវាយប្រហារតាមប្រព័ន្ធអីុនធើរណេតច្រើនជាងគេបន្តបន្ទាប់ទៀតគឺ ឥណ្ឌា ឥណ្ឌូណេស៊ី ចិន និងវៀតណាម ។
កាលពីឆ្នាំមុន ៦០%នៃការវាយប្រហារលើសហគ្រាសធុនតូច និងមធ្យមតាមប្រព័ន្ធអីុនធើរណេត គឺដោយសារតែសហគ្រាសទាំងនោះខ្វះខាតនូវធនធានបច្ចេកទេសសម្រាប់ការពារនូវវាយប្រហារនេះ ។ ចំណែកសហគ្រាសខ្នាតធំ ក៏បានរងការគំរាមកំហែងផងដែរក្នុងអត្រា២៥% ។
លោក Michal Dominik បានដាស់តឿនដល់ការកើនឡើងនៃការវាយប្រហារនេះទៅដល់អ្នកប្រើប្រាស់ Linux, Windows, Android និង Mac នៅឆ្នាំនេះ ។ លោកមានប្រសាសន៍ថា ៖ « ក្រុមហ៊ុន Forbes.com បានព្យាករពីទីផ្សារសន្តិសុខសុវត្ថិភាពប្រព័ន្ធអីុនធើរណេតសកល ដែលរំពឹងថា នឹងកើនឡើង១៧០ប៊ីលានដុល្លារក្នុងអត្រា៩៨%នៅឆ្នាំ២០២០ បើធៀបនឹងឆ្នាំ២០១៥ មានតែ៧៥ប៊ីលានដុល្លារប៉ុណ្ណោះ » ។
ប្រព័ន្ធការពារសុវត្ថិភាពអីុនធើរណេត Cloud បានក្លាយជាទីផ្សារដែលមានកំណើនខ្លាំងជាងគេបំផុត ពោលគឺមានអត្រារហូតដល់ទៅ៥០%ឯណោះ ហើយប្រព័ន្ធការពារទូរស័ព្ទមាន១៨% ។ ជាក់ស្តែង វិស័យធនាគារ ហិរញ្ញវត្ថុ និងរដ្ឋាភិបាលបានចំណាយប្រាក់លើប្រព័ន្ធការពារអីុនធើរណេតច្រើនជាងគេ ។
លោក Michal Dominik បន្តទៀតថា ៖ « តំបន់អាស៊ីប៉ាស៊ីហ្វិក គឺជាតំបន់ដែលមានទីផ្សារប្រព័ន្ធការពារអីុនធើរណេតលឿន ដែលគេរំពឹងថា នឹងមានចំនួនទឹកប្រាក់៧,៥ប៊ីលានដុល្លារ។ ទន្ទឹមនឹងនេះ អត្រាកំណើនប្រចាំឆ្នាំ២០១៥-២០២០ ត្រូវបានគេព្យាករថា នឹងកើនឡើង៤៣% ។ ទីផ្សារសន្តិសុខព័ត៌មានថៃ នឹងមានទឹកប្រាក់២០ដុល្លារនៅឆ្នាំនេះ ហើយយើងនឹងសម្រេចឲ្យបាននូវចំណែកទីផ្សារក្នុងស្រុក ២០% ពោលគឺកើនឡើង១០% បើធៀបនឹងឆ្នាំមុន » ។
ចំណែកលោក WuttikraiMatthavabhandhu អ្នកគ្រប់គ្រងផលិតផលនៃក្រុមហ៊ុន Bitdefender បានឲ្យដឹងដែរថា ៖ « ក្រុមហ៊ុនរបស់លោកបានពិភាក្សាជាមួយក្រុមហ៊ុនផ្តល់សេវាអីុនធើរណេត ដើម្បីបញ្ចូលនូវ software ជាមួយសេវាអីុនធើរណេត ។ ក្រុមហ៊ុនក៏មានបំណងបញ្ចូលគ្នានូវ software ជាមួយទូរស័ព្ទ Oppo ដូចដែលធ្លាប់ធ្វើនៅវៀតណាមផងដែរ » ៕
ចែករំលែកព័តមាននេះ