ប្រទេសថៃ ៖ ខេត្តជាច្រើននៅប្រទេសថៃ កំពុងជួបប្រទះទឹកជំនន់ដ៏អាក្រក់ ក្រោយពីមានភ្លៀងធ្លាក់ខ្លាំងប៉ុន្មានថ្ងៃចុងក្រោយនេះ បង្កឡើងដោយសារព្យុះត្រូពីកាល់ឈ្មោះ DIANMU។
ភ្លៀងចាប់ធ្លាក់ខ្លាំងពីថ្ងៃទី២៣ ខែកញ្ញា ឆ្នាំ២០២១ មក ដោយនៅអ៊ូប៊ុនរ៉ាត់ថានី កម្រិតទឹកភ្លៀងមានដល់១៤៦,៦មីលី្លម៉ែត្រ។ នេះបើតាមនាយកដ្ឋានឧតុនិយមថៃ។ បន្ទាប់មកនៅតាក់ហ្វាខេត្តណាខនសាវណ្ណកម្រិតទឹកភ្លៀងមានដល់២០២មីល្លីម៉ែត្រ ហើយនៅក្រុងPHLIUខេត្តចាន់ថាប៊ូរីកម្រិតទឹកភ្លៀងមាន១៨២មីល្លីម៉ែត្រ។
ព្យុះត្រូពីកាល់នោះកាលពីចុងសប្ដាហ៍កន្លងទៅ បានបោកបក់លើផ្នែកមួយដ៏ធំរបស់ប្រទេស បណ្ដាលឲ្យមានទឹកជំនន់ភ្លាមៗ ប៉ះពាល់ដល់មនុស្សច្រើនម៉ឺនគ្រួសារ។ ស្ទឹងទាំងឡាយមានទឹកជន់ហៀរបណ្ដាលឲ្យមានការលិចលង់ធ្ងន់ធ្ងរ។
ព្យុះ DIANMU បណ្ដាលឲ្យខេត្តថៃចំនួន១២ត្រូវលិចលង់ ដោយខេត្តCHAIYAPHUMជាខេត្តរងការប៉ះពាល់ខ្លាំងជាងគេបំផុត។ ចំណែកមន្ទីរពេទ្យក្នុងខេត្តភាគខាងជើងរងការខូតខាតដោយទឹកជំនន់ ប៉ុន្តែមានតែមន្ទីរពេទ្យបានណេតណារ៉ុងទេ ដែលត្រូវជម្លៀសបណ្ដាអ្នកជំងឹចេញនិងបិទទ្វារក្រោយទឹកលិច។ ខេត្តមួយទៀតដែលរងការប៉ះពាល់ខ្លាំងដែរ គឹខេត្តភិតចាប៊ុនដែលនៅទីនោះផ្លូវថ្នល់លេខ២១នៅតែបិទមិនឲ្យធ្វើចរាចរណ៍ នាយប់ថ្ងៃទី២៦កញ្ញាដោយកម្រិតទឹកមិនអាចឲ្យរថយន្តបើកកាត់បាន។ ចំណែកផ្នែកនានានៃខេត្តណាខនរ៉ាតស៊ីម៉ារងគ្រោះដោយទឹកជំនន់ធ្ងន់ធ្ងរ ដោយអាងទឹកមួយមានទឹកហៀរហូរចេញ នាំឲ្យមានទឹកជន់លិចដល់ត្រឹមជង្គង់ ហើយទឹកលិចជាន់ខាងក្រោមនៃផ្ទះជាច្រើន។
នៅភាគកណ្ដាលប្រទេសទឹកជំនន់ធ្ងន់ធ្ងរវាយប្រហារខេត្តលុបបូរីដោយមនុស្សច្រើនម៉ឺនគ្រួសាររងការប៉ះពាល់។ ខេត្តជិតខាងចៃយ៉ាភូមិក៏រងការលិចលង់ដែរ៕ ដកស្រង់ចេញពីវេបសាយ ៖ toutelathailande
ចែករំលែកព័តមាននេះ