អ្នកទស្សនវិជ្ជាពុទ្ធសាសនាបានលើកជាពំនោល៨ចំណុចឱ្យមនុស្សទាំងឡាយពិចារណាប្រកបដោយបញ្ញាអំពីពាក្យថា «កុំសូវជឿពេក»ដូចតទៅ៖
១-កុំសូវជឿគ្រូមើលឫក្សមើលផ្កាយពេក គាត់មើលយូរហើយនៅតែមើលដដែល ។
២-កុំសូវជឿរឿងរំដោះគ្រោះពេក ជឿកាន់តែច្រើន ចម្រើនតែក្តីវិនាស ។
៣-កុំសូវជឿការចាក់គម្ពីរពេក វាសនាអ្នកមិននៅក្នុងគម្ពីរនឹងទេ ។
៤-កុំដេកចាំសំណាងអី សំណាងកើតមកពីពាក្យថា «សាង» សាងច្រើនសំណាងច្រើន ។
៥-កុំសូវជឿលើថ្ងៃ ខែ ឆ្នាំពេក ពេលណាក៏ល្អដែរឱ្យតែចិត្តបរិសុទ្ធ ។
៦-កុំសូវជឿគ្រូមន្តអាគមពេក គ្រូមន្តច្រើនតែខ្មោចចូល ។
៧-កុំសូវជឿលើយល់សប្តិពេក អ្នកចាក់ឆ្នោតមិនដែលឃើញមាន ។
៨-កុំឆាប់ជឿគេពេកប្រយ័ត្នគេបោក ។
បច្ចុប្បន្នមនុស្សច្រើនតែមានទំនោរទៅលើរឿងហេតុទាំង៨នេះរហូតអ្នកខ្លះនៅសល់ត្រឹមតែវិប្បដិសារីហាស្តីលែងចេញ ។ ដូច្នេះអ្នកដែលតែងតែមានទំនោរទៅក្នុងរឿងហេតុទាំងអស់នេះសូមពិចារណាដោយឧបាយប្រាជ្ញាចុះ ៕ សាន សារិន
ចែករំលែកព័តមាននេះ