ខេត្តបន្ទាយមានជ័យ ៖ ទឹកលិចផ្លូវបែរប្រជាពលរដ្ឋនាំកូននាំចៅទៅលេង រហូតដល់មួយថ្ងៃៗមិនតិចជាងរយនាក់ទេ ហាក់មិនខ្វល់ពីការឆ្លងជំងឺកូវីដ-១៩ នោះទេ ។ ដើម្បីបង្ការការឆ្លងនិងការរីករាលដាលនៃជំងឺកូវីដ-១៩ អាជ្ញាធរបានប្រើធម៌ក្តៅ ដោយសម្រេចថា «បើមានអ្នកចូលទៅលេងជួបជុំគ្នាទៀតនឹងឱ្យក្រុមការងារយកសំណាកទីនោះតែម្តង ដោយអនុវត្តគិតចាប់ពីថ្ងៃទី២៧ ខែកញ្ញា ស្ថិតនៅឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ ។
ការដឹកនាំកម្លាំងដើម្បីទប់ស្កាត់ពលរដ្ឋដែលពពាក់ពពួននាំគ្នាមកលេងទឹក ជួបជុំជាក្រុមមនុស្សច្រើនរបស់ប្រជាពលរដ្ឋ គឺឃើញមានវត្តមានលោក ពិន សេងហាប់ អភិបាលរងស្រុកមង្គលបូរី បានកាន់ម៉ៃក្រូហ្វូនស្រែកខ្លាំងៗថា «ចាប់ពពេលនេះ ម៉ោងនេះ ត្រូវបិទមិនអោយប្រជាពលរដ្ឋទៅលេងទឹកជួបជុំនៅកន្លែងលេងទឹកលិចផ្លូវឡើយ ដូចល្មើសវិធានសុខាភិបាលដែលបង្ការទប់ស្កាត់កូវីដ.១៩កំពុងឆ្លងរីករាលដាលក្នុងសហគមន៍ដូចសជានៅស្រុកមង្គលបូរី ដែលកំពុងឆ្លងរាល់ថ្ងៃនេះ ជាការព្រួយបារម្ភរបស់អាជ្ញាធរខ្លាំងណាស់»។
លោកអភិបាលរងស្រុកមង្គលបូរី បានបន្តថា ទាំងយុវចាស់និងយុវ័យក៏ដោយ ចាប់ពីពេលនេះម៉ោងនេះ ត្រូវបញ្ឈប់សកម្មភាពជាបន្ទាន់ ខណៈប្រជាពលរដ្ឋបាននាំកូនចៅ សាច់ញាតិ មកលេងទឹកដែលទឹកជំនន់លិចផ្លូវតភ្ជាប់ពីស្រុកមង្គលបូរី ព្រំប្រទល់ក្រុងសិរីសោភ័ណ ដែលឃើញនាំគ្នាំមកលេងរយៈពេល២ទៅ៣ថ្ងៃមកហើយ និងមកគ្នាច្រើន ដែលបង្កនូវហានិភ័យខ្ពស់នៃការឆ្លងនិងការរាលដាលនៃជំងឺឆ្លងកូវីដ-១៩ ។
លោក ពិន សេងហាប់ បានបញ្ជាក់ថា ការណែនាំនិងប្រាប់មិនស្តាប់ទៀត អាជ្ញាធរស្រុកមង្គលបូរីប្រើធម៌ក្តៅចំពោះបងប្អូនប្រជាពលរដ្ឋណាមិនស្តាប់ហើយផ្គើនការបំរាមរាជរដ្ឋាភិបាល បើនៅបន្តនាំគ្នាមកលេងទឹកជួបជុំគ្នាទៀត គឹដាក់ក្រុមការងារយកសំណាករកវិជ្ជមានកូវីដ.១៩ និងអនុវត្តតាមការណែនាំរបស់ក្រសួងសុខាភិបាលតែម្តង ។
ចែករំលែកព័តមាននេះ