ខណៈការប្រកួតរកមើលម្ចាស់ផ្ទះមិនទាន់ឃើញ គ្រូបង្វឹក Keisuke Honda បង្ហាញក្តីបារម្ភ
- ភ្នំពេញ
រាជធានីភ្នំពេញ ៖ បន្ទាប់ពីចាប់ឆ្នោតប៉ះចំសុទ្ធតែប្រទេសខ្លាំងៗនៅក្នុងតំបន់អាស៊ាន មិនត្រឹមតែមហាជនតែប៉ុណ្ណោះទេ សូម្បី
រាជធានីភ្នំពេញ ៖ បន្ទាប់ពីចាប់ឆ្នោតប៉ះចំសុទ្ធតែប្រទេសខ្លាំងៗនៅក្នុងតំបន់អាស៊ាន មិនត្រឹមតែមហាជនតែប៉ុណ្ណោះទេ សូម្បី
រាជធានីភ្នំពេញ ៖ បន្ទាប់ពីចាប់ឆ្នោតប៉ះចំសុទ្ធតែប្រទេសខ្លាំងៗនៅក្នុងតំបន់អាស៊ាន មិនត្រឹមតែមហាជនតែប៉ុណ្ណោះទេ សូម្បីតែអតីតកីឡាករជប៉ុនដ៏ល្បីល្បាញ ដែលបច្ចុប្បន្នគឺជាគ្រូបង្វឹកជម្រើសជាតិក្រុមបាល់ទាត់កម្ពុជាក៏បង្ហាញពីការបារម្ភផងដែរ ដែលបញ្ហានេះ កាន់តែធ្វើអោយភាពជឿជាក់របស់អ្នកគាំទ្រស្ថិតក្នុងភាពស្រពិចស្រពិល។ ការបារម្ភនេះ គឺកើតមានឡើងស្របគ្នានឹងទីតាំងក្នុងការប្រកួតបាល់ទាត់ដ៏ធំរបស់ប្រទេសអាស៊ាននេះ នៅមិនទាន់រកឃើញ និងស្ថិតក្នុងដំណាក់កាលដេញថ្លៃនៅឡើយ។
លោក Keisuke Honda បានបង្ហាញសារពាក់ព័ន្ធនឹងក្ដីបារម្ភនេះថា «វាជាការប្រកួតប្រជែង ដែលតានតឹង តែយើងនឹងប្រឹង ប្រែង ដើម្បីអាចឈានទៅវគ្គបន្ទាប់» ។ ចំណាប់អារម្មណ៍របស់លោក ត្រូវបានធ្វើឡើងក្រោយពេលលទ្ធផលចាប់ឆ្នោត ដើម្បីប្រកួតដណ្ដើមពានរង្វាន់ AFF Suzuki Cup ឆ្នាំ២០២០ ត្រូវបានបញ្ចប់ ហើយក្រុមរបស់កម្ពុជាដែលស្ថិត ក្នុងពូលB គឺប៉ះប្រកួតជាមួយសុទ្ធតែក្រុមខ្លាំងតែម្ដង គឺក្រុមវៀតណាម ម៉ាឡេស៊ី ឥណ្ឌូនេស៊ី និងឡាវ ដែលក្រុមទាំងនេះ គឺសុទ្ធតែមានប្រវត្តិឈ្នះក្រុមកម្ពុជា និងក្រុមខ្លះកាន់ពានព្រឹត្តិការណ៍នេះ ឡើងរាប់ភ្លេចក៏មាន។
ព្រឹត្តិការណ៍នេះ នៅមិនទាន់ដឹងថា នឹងរៀបចំនៅក្នុងប្រទេសណានៅឡើយទេ ដោយសារតែគណកម្មការកំពុងពិភាក្សាក្រោយពីប្រទេសមួយចំនួនប្រជែងដេញថ្លៃរៀបចំ ប៉ុន្តែសម្រាប់កាលបរិច្ឆេទ គឺនឹងធ្វើឡើងចាប់ពីថ្ងៃទី៥ ខែ ធ្នូ ដល់ថ្ងៃទី១ ខែមករា ឆ្នាំ ២០២២ ខាងមុខ។ លទ្ធផលឈរក្នុងពូល B ជាមួយវៀតណាម ម៉ាឡេស៊ី ឥណ្ឌូនេស៊ី និង ឡាវ នៃពាន Suzuki cup បានធ្វើអោយក្រុមកម្ពុជាពិបាកសង្ឃឹមក្នុងការឡើងវគ្គបន្ត ជាពិសេសគឺបន្ទាប់ពីលោក ហុងដា ក៏ទទួលស្គាល់ថានេះ គឺជាលទ្ធផលដែលតានតឹងខ្លាំងរបស់ក្រុមកម្ពុជា ព្រោះតែក្រុមទាំងនោះខ្លាំងៗ។ ពិធីចាប់ឆ្នោតបែងចែកពូលប្រកួតពានរង្វាន់ប្រចាំតំបន់នេះ បានធ្វើឡើងនៅប្រទេសសិង្ហបុរី ដោយមានតំណាងប្រទេសនីមួយៗចូលរួម។
ដោយឡែកក្រុម A គឺមាន ៥ក្រុមដូចគ្នា រួមមានថៃ មីយ៉ាន់ម៉ា ហ្វីលីពីន សិង្ហបុរី និងប្រ៊ុយណេ ឬទីម័រខាងកើត ដែលប្រទេស២ចុងក្រោត្រូវលេងវគ្គជម្រុះ ដើម្បីយកតែម្នាក់ដណ្ដើមកៅអីទៅវគ្គចែកពូល។ មកដល់ពេលនេះ ទីតាំងក្នុងការរៀបចំមិនទាន់ត្រូវបានសម្រេចទេ តែប្រទេសដែលបានដាក់ពាក្យសុំសិទ្ធិធ្វើជាម្ចាស់ផ្ទះរួមមាន កម្ពុជា សិង្ហបុរី ថៃ ឥណ្ឌូនេស៊ី និងវៀតណាម ដែលទើបដាក់ពាក្យក្រោយគេកាលពីថ្មីៗ។
តាមការគ្រោងទុក សហព័ន្ធកីឡាបាល់ទាត់អាស៊ីអាគ្នេយ៍ នឹងរៀបចំកិច្ចប្រជុំសម្រេចផ្ដល់សិទ្ធិឲ្យប្រទេសមួយក្នុងចំណោមប្រទេសដែលបានដាក់ពាក្យអោយធ្វើម្ចាស់ផ្ទះព្រឹត្តិការណ៍នេះ នៅអំឡុងខែតុលា។ មានការលើកឡើងថា បើកម្ពុជាទទួលបានសិទ្ធិក្នុងការរៀបចំ ក៏កម្ពុជាពិបាកនឹងឡើងវគ្គផ្ដាច់ព្រ័ត្រក្នុងនាមជាម្ចាស់ផ្ទះផងដែរ ដោយសារតែក្នុងកហរុមដែលកម្ពុជាស្ថិតនៅ គឺសុទ្ធតែក្រុមខ្លាំង។
យ៉ាងណាមិញគេមើលឃើញថា បើក្រុមកម្ពុជា មានឱកាសបានបើកការប្រកួតនៅលើទឹកដីខ្លួនឯង គឺហោចណាស់ក៏មានសង្ឃឹមខ្ពស់ផងដែរ ដោយសារតែកីឡាករបាល់ទាត់កម្ពុជា មិនប្រឈមរឿងចាញ់ច្រាបទឹកដី មិនចាញ់អាកាសធាតុ របបអាហារ និង ងាយស្រួលក្នុងចងប្រព័ន្ធលេងបានល្អ ដោយសារតែថ្នឹកនឹងទីលានដែលហ្វឹកហាត់ស្រាប់។ អ្នកឃ្លាំមើលច្រើនណាស់ រំពឹងថា កម្ពុជានឹងបានក្លាយជាម្ចាស់ផ្ទះ ហើយបើទោះជាការរៀបចំនៅក្នុងកាលៈទេសៈនេះ នឹងពិបាកទាញការគាំទ្រអោយកក្រើក ដោយសារតែកូវីត១៩ តែក៏ចាត់ទុកថាជាមុខមាត់ប្រទេសមួយដែរ បើកម្ពុជាទទួលបានសិទ្ធិក្នុងការរៀបចំព្រឹត្តិការណ៍នេះ។ អ្នកខ្លះនិយាយថា បាល់មូលមិនអាចកំណត់រឿងចាញ់ឈ្នះដោយសារតែប្រវត្តិក្រុម ហើយបើកក្រុមកម្ពុជាអាចឡើងដល់វគ្គឆ្លងពូល ឬ វគ្គចុងក្រោយ គឺឱកាសបានស្ថិតក្នុងពូលដែលមានក្រុមខ្លាំងៗបែបនេះ គឺពិតជាមិនធម្មតា៕
ចែករំលែកព័តមាននេះ