កីឡាករប្រណាំងម៉ូតូធំដ៏សង្ហារ១រូប ជួបគ្រោះអកុសលក្នុងពេលប្រកួត
អេស្ប៉ាញ ៖ កីឡាករប្រណាំងម៉ូតូធំរបស់អេស្ប៉ាញ Dean Berta Vinales បានបាត់បង់ជីវិតកាលពីថ្ងៃទី២៥ ខែកញ្ញា ក្នុងវ័យ១៥ឆ្នាំ
អេស្ប៉ាញ ៖ កីឡាករប្រណាំងម៉ូតូធំរបស់អេស្ប៉ាញ Dean Berta Vinales បានបាត់បង់ជីវិតកាលពីថ្ងៃទី២៥ ខែកញ្ញា ក្នុងវ័យ១៥ឆ្នាំ
អេស្ប៉ាញ ៖ កីឡាករប្រណាំងម៉ូតូធំរបស់អេស្ប៉ាញ Dean Berta Vinales បានបាត់បង់ជីវិតកាលពីថ្ងៃទី២៥ ខែកញ្ញា ក្នុងវ័យ១៥ឆ្នាំ បន្ទាប់ពីជួបគ្រោះថ្នាក់ដ៏រន្ធ.ត់ អំឡុងការប្រកួតពានរង្វាន់ Supersport 300 World Championship 2021 ដែលធ្វើឡើងលើទីលាន Circuito de Jerez មូលដ្ឋានក្នុងទីក្រុង Seville ប្រទេសអេស្ប៉ាញ។
បើតាមការបញ្ជាក់ពីអ្នករៀបចំកម្មវិធីបានឱ្យដឹងថា ការប្រកួតដំណើរការបាន១១ជុំទៅហើយ កីឡាករ Berta Vinales ដែលបើកឱ្យក្រុមហ៊ុន Yamaha ក៏បានជួបឧប្បត្តិហេតុដ៏រន្ធត់ បន្ទាប់ពីមានការប៉ះទង្គិចគ្នា ជាមួយកីឡាករ៣នាក់ផ្សេងទៀត។
Berta Vinales ត្រូវបានដឹកបញ្ជូនទៅកាន់មជ្ឈមណ្ឌលវេជ្ជសាស្ត្រភ្លាមៗ ដើម្បីសង្គ្រោះបន្ទាន់។ ប៉ុន្តែដោយសារកីឡាកររូបនេះ រងការប៉ះទង្គិចក្បាល និងដើមទ្រូងធ្ងន់ធ្ងរពេក ទើបគ្រូពេទ្យមិនអាចជួយសង្គ្រោះជីវិតគេបានឡើយ។
បន្ទាប់ពីកើតមានឧប្បត្តិហេតុនេះ សកម្មភាពដែលសេសសល់នៃការប្រកួតលើទីលាន Circuito de Jerez ត្រូវបានលុបចោល។ ខណៈក្រោយទទួលដំណឹងក្រៀមក្រំនេះ គ្រប់គ្នាបានសម្តែងការចូលរួមរំលែកទុក្ខដល់គ្រួសាររបស់ Berta Vinales ចំពោះការបាត់បង់មនុស្សជាទីស្រឡាញ់ ហើយវាក៏ជាបាត់បង់ធនធានមនុស្សដ៏សំខាន់នៅក្នុងវិស័យកីឡាប្រណាំងម៉ូតូធំផងដែរ។
ពានរង្វាន់ Supersport 300 World Championship 2021 នៅសល់ការប្រកួតចំនួនមួយទីលានទៀត នៅក្នុងប្រទេសព័រទុយហ្គាល់ ទើបបញ្ចប់។ បន្ទាប់ពីឆ្លងកាត់ការប្រកួត៧ទីលានរួចមកហើយ នៅប្រទេសអេស្ប៉ាញ, អ៊ីតាលី, ហូឡង់, សាធារណរដ្ឋឆែក និងបារាំង។ ហើយគិតរហូតមកដល់ពេលនេះ កីឡាករអេស្ប៉ាញ Adrian Huertas ដែលបើកឱ្យក្រុមហ៊ុន Kawasaki កំពុងឈរកំពូលតារាងមាន២១០ពិន្ទុ នៅពីលើកីឡាករចំនួន៣៩នាក់ផ្សេងទៀត៕ (ដកស្រង់ចេញពី Sky Sports និង BBC)
ចែករំលែកព័តមាននេះ