មិនទាន់មានផ្នែកជំនាញណាដឹងច្បាស់ថា រោគហឺតនេះបណ្តាលមកពីអ្វីឲ្យប្រាកដនៅឡើយទេ ប៉ុន្តែជំងឺនេះត្រូវបានគេសន្និដ្ឋានថាអាចបណ្តាលមកពីកត្តារួមផ្សំមួយចំនួនពិសេសបរិស្ថាននៃជីវិតរស់នៅ ។ ហឺតមិនមែនជាជំងឺឆ្លងនោះទេ
មិនទាន់មានផ្នែកជំនាញណាដឹងច្បាស់ថា រោគហឺតនេះបណ្តាលមកពីអ្វីឲ្យប្រាកដនៅឡើយទេ ប៉ុន្តែជំងឺនេះត្រូវបានគេសន្និដ្ឋានថាអាចបណ្តាលមកពីកត្តារួមផ្សំមួយចំនួនពិសេសបរិស្ថាននៃជីវិតរស់នៅ ។ ហឺតមិនមែនជាជំងឺឆ្លងនោះទេ ហើយរោគសញ្ញានៃជំងឺនេះមានដូចជា៖
-ពិបាកដកដង្ហើម
-តឹងទ្រូងឬឈឺទ្រូង
-ពិបាកដេក ដោយសារដកដង្ហើមមិនស្រួល
-ក្អកឬដកដង្ហើមឮសូរសំឡេងដូចគេហួច
-ការក្អក ឬដកដង្ហើមឮដូចហួចមានលក្ខណៈកាន់តែធ្ងន់ទៅៗ នៅពេលដែលមានមេរោគ ចូលតាមផ្លូវដង្ហើម ដូចជាមេរោគធ្វើឱ្យផ្តាសាយ ឬផ្តាសាយធំជាដើម ។
ផលវិបាកនៃជំងឺនេះមានដូចជា៖
-ឈឺច្រើនថ្ងៃ ដែលមិនអាចទៅធ្វើការងារបាន ឬទៅសាលាបានក្នុងពេលជំងឺធ្វើទុកខ្លាំង ។
-រោគសញ្ញារំខានខ្លាំងនៅពេលសម្រាន្ត ពេលធ្វើការ ។
-បំពង់ទងសួត រួមតូចជាប់រហូត ដែលប៉ះពាល់ដល់ផ្លូវដង្ហើម ។
-មានផលរំខានដោយសារតែប្រើថ្នាំ ព្យាបាលជំងឺហឺតច្រើន និងមានរយៈពេលយូរ ។
-ត្រូវសង្គ្រោះបន្ទាន់ និងសម្រាកក្នុងមន្ទីរពេទ្យ នៅពេលជំងឺហឺតធ្វើទុក្ខខ្លាំង ។
សូមបញ្ជាក់ថា សម្រាប់មនុស្សមួយចំនួន រោគសញ្ញារបស់ជំងឺហឺតកើតឡើងទៅតាមស្ថានភាព និងសកម្មភាពរបស់អ្នកជំងឺដូចជា៖
-អាចកើតឡើងនៅពេលធ្វើលំហាត់ប្រាណ៖ មានមនុស្សជាច្រើនដែលធ្វើឱ្យជំងឺហឺតរបស់ខ្លួនកាន់តែធ្ងន់គឺនៅពេលពួកគេហាត់ប្រាណ ព្រោះខ្យល់ដែលពួកគេស្រូបយកមានធាតុត្រជាក់ផង និងស្ងួតផង ។
-អាចកើតមាននៅពេលកំពុងធ្វើការងារ៖ ជំងឺហឺតក៏អាចកើតឡើងតាមរយៈការងាររបស់ពួកគេដែរ ហើយធ្វើឱ្យហត់កាន់តែខ្លាំង ជាពិសេសកន្លែងដែលសម្បូរជាតិគីមី ធូលី ឬជាតិហ្គាស ៕
ចែករំលែកព័តមាននេះ