រាជធានីភ្នំពេញ ៖ សម្តេចតេជោ ហ៊ុនសែន នាយករដ្ឋមន្ត្រីបានបញ្ជាក់ថា មន្ត្រីរាជការ និងបុគ្គលិកក្រុមឯកជនទាំងអស់ នៅតែអនុញ្ញាតឲ្យឈប់សម្រាក និងដើរកម្សាន្តនៅទីកន្លែងទេសចរណ៍ជាធម្មតាបាន ។…
រាជធានីភ្នំពេញ ៖ សម្តេចតេជោ ហ៊ុនសែន នាយករដ្ឋមន្ត្រីបានបញ្ជាក់ថា មន្ត្រីរាជការ និងបុគ្គលិកក្រុមឯកជនទាំងអស់ នៅតែអនុញ្ញាតឲ្យឈប់សម្រាក និងដើរកម្សាន្តនៅទីកន្លែងទេសចរណ៍ជាធម្មតាបាន ។
យោងតាមសារសម្លេងរបស់សម្តេចតេជោ នៅថ្ងៃទី២៥ កញ្ញា ឆ្នាំ២០២១ថា «មានពលរដ្ឋមួយចំនួនបានខមិនមកហ្វេសប៊ុកខ្ញុំថា បើបិទវត្តអីញ្ចឹង តើការឈប់សម្រាកដែរឬទេ ? សម្តេចបានបញ្ជាក់ថា ការឈប់សម្រាកនៅតែឈប់សម្រាក តាមប្រតិទិនដដែល ហើយមន្ត្រីរាជការបុគ្គលិកក្រុមហ៊ុនក៏ឈប់សម្រាក និងអាចដើរកម្សាន្តនៅតំបន់ទេសចរណ៍នានាបានតាមធម្មតាបាន តែត្រូវអនុវត្តវិធានការក្រសួងសុខាភិបាល ។»
ជាពិសេសត្រូវអនុវត្ត ៣កុំ និង៣ការពារជានិច្ច ត្រូវពាក់ម៉ាស់ ត្រូវលាងដៃជាមួយអាល់កុល និងកុំទៅកន្លែងបិទជិត ហើយកុំពឹងផ្អែកតែទៅលើវ៉ាក់សាំងនោះ ។
សូមបញ្ជាក់ ៖ សម្តេចតេជោ បានគូសបញ្ជាក់ទៀតថា បើមិនផ្អាកកម្មវិធីបុណ្យកាន់បិណ្ឌ និងបុណ្យភ្ជុំបិណ្ឌទេ នឹងធ្វើឱ្យមហន្តរាយដល់សុខភាពសាធារណៈ និងអាយុជីវិតរបស់ប្រជាពលរដ្ឋជាក់ជាមិនខាន ខណៈដែលការកាន់បិណ្ឌរយៈពេលពីរថ្ងៃកន្លងទៅនៅតាមទីអារាមជាច្រើនបានរកឃើញការផ្ទុះឡើងនូវជំងឺកូវីដ១៩ គួរឱ្យកត់សម្គាល់នោះ ។
ទន្ទឹមនឹងនោះដែរ សម្តេចតេជោ បានលើកឡើងថា ក្នុងនាមជាមេដឹកនាំមួយរូប សម្តេចមិនអាចឈរឱបដៃមើលភាពមហន្តរាយដល់អាយុជីវិតប្រជាពលរដ្ឋនោះឡើយ ៕
ចែករំលែកព័តមាននេះ