រាជធានីភ្នំពេញ ៖ «ខ្ញុំលើកដៃសំពះ សូមអំពាវនាវ អង្វរករ ដល់ព្រះតេជគុណសព្រះសង្ឃគ្រប់ព្រះអង្គ ដល់ជនរួមជាតិ សូមមេត្តាយោគយល់នូវការលំបាករបស់ជាតិ ។ ការលំបាករបស់ជាតិ…
រាជធានីភ្នំពេញ ៖ «ខ្ញុំលើកដៃសំពះ សូមអំពាវនាវ អង្វរករ ដល់ព្រះតេជគុណសព្រះសង្ឃគ្រប់ព្រះអង្គ ដល់ជនរួមជាតិ សូមមេត្តាយោគយល់នូវការលំបាករបស់ជាតិ ។ ការលំបាករបស់ជាតិ ដែលខ្ញុំលើកដៃសំពះអង្វរករនេះ មិនមែនដើម្បីសេចក្តីសុខខ្លួនខ្ញុំទេ គឺដើម្បីសេចក្តីសុខបងប្អូនជនរួមជាតិផ្ទាល់តែម្តង…» នេះជាប្រសាសន៍របស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា នាពេលកន្លងមក ។
ក្នុងឱកាសថ្លែងសារពិសេសកាលពីថ្ងៃទី១០ ខែមេសា ឆ្នាំ២០២១ សម្តេចតេជោ ហ៊ុន សែន បានលើកដៃសំពះសូមអង្វរករដល់ជនរួមជាតិទាំងអស់ មេត្តាយោគយល់ចំពោះការលំបាករបស់ជាតិ ក្នុងអំឡុងពេល នៃការរាតត្បាត នៃជំងឺកូវីដ-១៩នេះ ។
សម្តេចតេជោ ហ៊ុន សែន អង្វរជនរួមជាតិរួមគ្នាប្រយុទ្ធប្រឆាំងនឹងជំងឺកូវីដ-១៩ ដោយអនុវត្តតាមសេចក្តីណែនាំរបស់រាជរដ្ឋាភិបាល និងអាជ្ញាធរ ។ ជាពិសេសអនុវត្តវិធានសុខាភិបាល «៣ការពារ និង៣កុំ» ។ មិនមែនដើម្បីសម្តេចទេ ដើម្បីបងប្អូន ព្រោះគ្មាននរណាឈឺ ជួសបងប្អូនទេ ។
សម្តេចតេជោ បានថ្លែងថា បើបងប្អូនជនរួមជាតិ មិនគិតដល់ការនឿយហត់របស់ក្រុមគ្រូពេទ្យ មិនគិតដល់ការនឿយហត់របស់អាជ្ញាធរ មិនគិតដល់ការនឿយហត់របស់ក្រុមគ្រួសារទេ គួរតែគិតដល់ខ្លួនឯង ព្រោះពេលឈឺគ្មានរណាឈឺជំនួសនោះឡើយ ៕
ចែករំលែកព័តមាននេះ