ការហូរកំអែរភ្នំភ្លើងដែលផ្ទុះតាំងពីថ្ងៃទី១៩ ខែកញ្ញា ឆ្នាំ២០២១មក នៅលើកោះឡាបាល់ម៉ា នៃប្រជុំកោះកាណារីអេស្ប៉ានៅបន្ត តែក្នុងល្បឿនយឺត រហូតដល់កាលពីរសៀលថ្ងៃទី២២ ខែកញ្ញានេះ។ បែបនេះទើបគេមិនច្បាស់ដែរ ដែលកំអែរភ្នំភ្លើងនោះ អាចហូរដល់
ប្រទេសអេស្ប៉ាញ ៖ ការហូរកំអែរភ្នំភ្លើងដែលផ្ទុះតាំងពីថ្ងៃទី១៩ ខែកញ្ញា ឆ្នាំ២០២១មក នៅលើកោះឡាបាល់ម៉ា នៃប្រជុំកោះកាណារីអេស្ប៉ានៅបន្ត តែក្នុងល្បឿនយឺត រហូតដល់កាលពីរសៀលថ្ងៃទី២២ ខែកញ្ញានេះ។ បែបនេះទើបគេមិនច្បាស់ដែរ ដែលកំអែរភ្នំភ្លើងនោះ អាចហូរដល់មហាសមុទ្រអត្លង់ទិក។
ពពកផ្សែងខ្មៅនៅបន្តហុយឡើងលើ ចេញពីភ្នំភ្លើង CUMBRE VIEJA នេះ ក្នុងកម្ពស់ច្រើនរយម៉ែត្រ។ អាជ្ញាធរគូសបញ្ជាក់ថា ផេះដែលជះចេញបណ្ដាលឲ្យមើលមិនសូវច្បាស់ ហើយស្នើដល់ប្រជាជនកោះនេះកម្រិតការធ្វើដំណើរតាមរថយន្ត។
យោងតាមតុល្យការចុងក្រោយថា ផ្ទៃដី១៥៤ហិកតា និងផ្ទះ៣២០ខ្នងរងការបំផ្លាញដោយសារតែកំអែរភ្នំភ្លើងនេះ ហើយក្នុងនោះក៏មានផ្ទះជាច្រើនខ្នងដែលម្ចាស់រត់ចេញ ដោយប្រញាប់ប្រញាល់។ សរុបមនុស្ស៦.១០០នាក់ ត្រូវបានជម្លៀសចេញតាំងពីភ្នំភ្លើងនេះផ្ទុះមក។ ទោះបីយ៉ាងណា ពុំមានសេចក្ដីរាយការណ៍ពីជនរងគ្រោះស្លា.ប់ ឬរបួសនៅឡើយ។ ចំណែកអ្នកទេសចរប្រមាណជា៤០០នាក់ ក៏ត្រូវបានបញ្ជូនមកកាន់កោះ TENERITE ដែលជាកោះមួយទៀតនៃប្រជុំកោះកាណារីផងដែរ ។
ការខូចខាតដោយសារការផ្ទុះភ្នំភ្លើងខាងលើនេះ ជាលើកដំបូងចាប់តាំងពីឆ្នាំ១៩៧១មក នៅលើកោះ ដែលមានប្រជាជនរស់នៅច្រើន ដល់ជិត៨៥.០០០នាក់នោះ មានលើសពី៤០០លានអឹរ៉ូរួចទៅហើយ។ ប្រឈមមុខនឹងសភាពការណ៍នោះ បណ្ដាអ្នកពន្លត់ភ្លើងកាលពីយប់ថ្ងៃទី២១ មកថ្ងៃទី២២ ខែកញ្ញា ប៉ុនប៉ងទាំងគ្មានសង្ឃឹម ដើម្បីពង្វាងកំអែរដែលមានកម្ពស់ដល់ប្រមាណជា១០ម៉ែត្រ កុំឲ្យហូរចាក់ចូលក្នុងភូមិ TODOQUE ដែលជាភូមិមួយក្នុងចំណោមភូមិដែលអាជ្ញាធរជម្លៀសមនុស្សចេញ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ