ពួកតាលីបង់ប្រកាសថាបណ្ដាសិស្សស្រីអនុវិទ្យាលយ័និងវិទ្យាល័យនឹងអាចវិលចូលសាលារៀនវិញ ឲ្យបានឆាប់តាមដែលអាចធ្វើទៅបាន។ នោះជាកិច្ចសន្យាមួយក្នុងចំណោមកិច្ចសន្យារបស់ពួកតាលីបង់
ប្រទេសអាហ្វហ្គានីស្ថាន ៖ ពួកតាលីបង់ប្រកាសថាបណ្ដាសិស្សស្រីអនុវិទ្យាលយ័និងវិទ្យាល័យនឹងអាចវិលចូលសាលារៀនវិញ ឲ្យបានឆាប់តាមដែលអាចធ្វើទៅបាន។ នោះជាកិច្ចសន្យាមួយក្នុងចំណោមកិច្ចសន្យារបស់ពួកតាលីបង់។
ចាប់តាំងពីប៉ុន្មានសប្ដាហ៍មកហើយបាតុកម្មនានា មានការកើនឡើងនៅអាហ្វហ្គានីស្ថាន។ បណ្ដានារីអាហ្វហ្គានីស្ថានគាំទ្រដោយពួកនិស្សិត ទាមទារការវិលត្រឡប់របស់សិស្សនិងនិស្សិតស្រីមកសាលារៀនវិញ ដែលសាលាបានបិទទ្វារ ចាប់តាំងពីពួកតាលីបង់វិលមកកាន់អំណាចវិញ។ កាលពីថ្ងៃទី២១កញ្ញាពួកតាលីបង់ប្រកាសថា កាលវិលត្រឡប់របស់សិស្សស្រីមកកាន់អនុវិទ្យាល័យនិងវិទ្យាល័យវិញ ត្រូវធ្វើដោយឆាប់តាមដែលអាចធ្វើទៅបាន។
ចាប់តាំងពីការវិលមកកាន់អំណាចវិញពីខែសីហាមក ពួកតាលីបង់បានបិទសាលារៀន។ បច្ចុប្បន្នក្មេងប្រុសនិងក្មេងស្រីអាចវិលមកចូលរៀនវិញត្រឹមសាលាបឋមសិក្សា។ កាលពីថ្ងៃទី១៨កញ្ញាការបើកឡើងវិញនៃអនុវិទ្យាល័យនិងវិទ្យាល័យ ត្រូវបានប្រកាសតែចំពោះក្មេងប្រុសជាការប្រកាស ដែលមិនទាន់បញ្ចូលនារីនៅឡើយ នាំឲ្យមានការបារម្ភ របស់ប្រជាជនអាហ្វហ្គានីស្ថាននិងសហគមន៍អន្តរជាតិ។
ក្រៅពីអនុវិទ្យាល័យនិងវិទ្យាល័យពួកតាលីបង់អះអាងថា នារិនឹងអាចសិក្សាតែត្រូវដាច់ពីបុរស ក្នុងបណ្ដាសាកលវិទ្យាល័យឯកជន។ នោះជាអ្វីដែលគេកំពុងធ្វើ និងកំពុងរៀបចំសាស្ត្រាចារ្យជានារី ដោយនារីតម្រូវឲ្យរៀនតែជាមួយសាស្ត្រាចារ្យនារី៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ