EFL៖ West Ham ទម្លាក់ Man Utd ខណៈ Ole បន្តនិយាយពីបញ្ហាបាល់ប៉េណាល់ទី
អង់គ្លេស ៖ ក្រុមញញួរយក្ស West Ham United បានទម្លាក់ក្រុមបិសាចក្រហម Manchester United ចេញពីពានរង្វាន់ EFL Cup
អង់គ្លេស ៖ ក្រុមញញួរយក្ស West Ham United បានទម្លាក់ក្រុមបិសាចក្រហម Manchester United ចេញពីពានរង្វាន់ EFL Cup
អង់គ្លេស ៖ ក្រុមញញួរយក្ស West Ham United បានទម្លាក់ក្រុមបិសាចក្រហម Manchester United ចេញពីពានរង្វាន់ EFL Cup ត្រឹមវគ្គ៣២ក្រុមចុងក្រោយ ក្នុងលទ្ធផល ១-០ កាលពីយប់មិញ។ ខណៈលោក Ole បន្តលើកឡើងអំពីកំហុសអាជ្ញាកណ្តាលចំពោះការផ្តល់បាល់ប៉េណាល់ទី។
ជំនួបធ្វើឡើងកីឡដ្ឋាន Old Trafford គ្រាប់បាល់ជ័យជម្នះរបស់ក្រុមភ្ញៀវ West Ham សម្រេចបានដោយខ្សែប្រយុទ្ធ Manuel Lanzini តាំងពីនាទី៩។ ជ័យជម្នះនេះ គឺជាការសងសឹកបានសម្រេចរបស់ West Ham បន្ទាប់ពីចាញ់ Man Utd ក្នុងផ្ទះខ្លួនឯងលទ្ធផល ២-១ នៅជំនួបក្របខណ្ឌ Premier League កាលពីចុងសប្តាហ៍មុន។
លោក Ole Gunnar Solskjaer អ្នកចាត់ការទូទៅក្រុម Man Utd ក្រោយចប់ការប្រកួតបាននិយាយថា ក្រុមលោកចាប់ផ្តើមមិនសូវបានល្អនោះទេ ប៉ុន្តែអ្វីដែលកាន់តែមិនពេញចិត្តនោះគឺ ក្រុមលោកគួរទទួលបានបាល់ប៉េណាល់ទី១គ្រាប់ នៅពេលខ្សែការពារ Mark Noble ទាញ Jesse Lingard ដួលក្នុងប្រអប់គ្រោះថ្នាក់។ ត្រង់ចំណុចអាជ្ញាកណ្តាលគួរតែពិន័យបាល់ប៉េណាល់ទី។
អ្នកចាត់សញ្ជាតិន័រវែស៤៨ឆ្នាំរូបនេះ ទើបតែបានលើកឡើងពីបញ្ហាដូចគ្នានេះ ម្តងរួចមកហើយ កាលពីជំនួបយកឈ្នះ West Ham នៅក្របខណ្ឌ Premier League កាលពីចុងសប្តាហ៍មុន។
ដោយឡែកការប្រកួតគូផ្សេងទៀត នៅក្នុងថ្ងៃតែមួយ Arsenal, Chelsea, Leicester City និង Tottenham Hotspur សុទ្ធតែបន្តឡើងទៅវគ្គ១៦ក្រុមចុងក្រោយដូចគ្នា។
ខាងក្រោមនេះ ជាកាលវិភាគប្រកួតវគ្គ១៦ក្រុមចុងក្រោយពានរង្វាន់ EFL Cup ដែលនឹងចាប់ផ្តើមពីថ្ងៃទី២៥ ខែកញ្ញាតទៅ រួមមាន៖
Chelsea Vs Southampton
Arsenal Vs Leeds United
Stoke City Vs Brentford
West Ham Vs Manchester City
Leicester City Vs Brighton
Burnley Vs Tottenham Hotspur
QPR Vs Sunderland
Preston North End Vs Liverpool ៕ (ដកស្រង់ចេញពី Dailymail)
ចែករំលែកព័តមាននេះ