អាជ្ញាធរស៊ុយអែតហាមប្តីប្រពន្ធ១គូមិនឱ្យដាក់ឈ្មោះកូនថា «Vladimir Putin»
ស៊ុយអែត ៖ អាជ្ញាធរពន្ធប្រទេសស៊ុយអែតកាលពីពេលថ្មីៗនេះ បានបដិសេធសំណើប្តីប្រពន្ធមួយគូ ដើម្បីដាក់ឈ្មោះកូនប្រុសទើប
ស៊ុយអែត ៖ អាជ្ញាធរពន្ធប្រទេសស៊ុយអែតកាលពីពេលថ្មីៗនេះ បានបដិសេធសំណើប្តីប្រពន្ធមួយគូ ដើម្បីដាក់ឈ្មោះកូនប្រុសទើបនឹងកើតរបស់ពួកគេថា «Vladimir Putin» ដូចឈ្មោះប្រធានាធិបតីរុស្ស៊ី។ ដោយអាជ្ញាធរបានលើកហេតុផលថា ឈ្មោះនេះមិនសមរម្យ។ នេះបើតាមការចេញផ្សាយពីសារព័ត៌មាន The Mirror។
សេចក្តីសម្រេចរបស់ទីភ្នាក់ងារពន្ធស៊ុយអ៊ែត Skatteverket បាននិយាយថា នៅក្រោមច្បាប់ប្រទេសស៊ុយអ៊ែត ការដាក់ឈ្មោះមិនអាចបង្កជាបទល្មើស ឬត្រូវបានសន្មត់ថា បង្កឱ្យមានបញ្ហាដល់បុគ្គល (កូន) ដែលមានឈ្មោះនោះ។ ទន្ទឹមជាមួយគ្នានេះ គោត្តនាម និងនាមក៏មិនត្រូវបានអនុញ្ញាតឱ្យដាក់ដូចគ្នាផងដែរ ។
នៅក្នុងច្បាប់ដដែលបានចែងថា ឈ្មោះរបស់បុគ្គលម្នាក់ មិនត្រូវដាក់ក្នុងន័យប្រមាថទៅដល់អ្នកដទៃ ឬម្ចាស់ដើម។ ហើយច្បាប់នេះ ត្រូវអនុវត្តចំពោះមនុស្សគ្រប់វ័យ និងសម្រាប់អ្នកដែលមានបំណងផ្លាស់ប្តូរឈ្មោះរបស់ពួកគេ។
ទោះជាមានការបដិសេធឈ្មោះយ៉ាងក៏ដោយ ប៉ុន្តែតួលេខពីស្ថិតិរបស់ស៊ុយអែតបានបង្ហាញថា មានបុរសចំនួន១,៤១៣នាក់ ដែលមានឈ្មោះថា «Vladimir» នៅក្នុងប្រទេសនេះ ហើយមានតែ២នាក់ផ្សេងទៀត ដែលមានឈ្មោះថា «Putin»។
កន្លងមកទីភ្នាក់ងារ Skatteverket ធ្លាប់បានច្រានចោលឈ្មោះដូចជា Ford, Allah, Pilzner, Michael Jackson, Token និង Q. ។ ប៉ុន្តែឈ្មោះចម្លែកដូចជា Google និង Metallica បែរជាត្រូវបានអនុញ្ញាតទៅវិញ ៕
ចែករំលែកព័តមាននេះ