ប្រទេសអូស្ត្រាលី ៖ ការរញ្ជួយដីមួយមានកម្លាំង៥,៩រីស្ទ័រកើតមានកាលពីថ្ងៃទី២២ ខែកញ្ញា ឆ្នាំ២០២១ នៅភាគអាគ្នេយ៍អូស្ត្រាលី នាំឲ្យមានការញ័ររង្គើរអគារនានានៃទីក្រុងមែលប៊ន ដោយប្រជាជននាំគ្នារត់ចេញទាំងភ័យជ្រួលច្របល់។ នោះជាបាតុភូតកម្រមាននៅតំបន់នោះ។
ការរញ្ជួយដីនេះ ដែលកើតមានក្នុងជម្រៅប្រមាណជា១០គីឡូម៉ែត្រប៉ុណ្ណោះ បណ្ដាលឲ្យប្រជាជនភ្ញាក់ផ្អើល ក្នុងទីក្រុងធំទី២របស់អូស្ត្រាលីនាវេលាម៉ោង៩ព្រឹកម៉ោងក្នុងស្រុក ហើយនាំឲ្យមានការរង្គើរក្នុងរង្វង់ច្រើនរយគីឡូម៉ែត្រ។ បណ្ដាភ្នាក់ងារសង្គ្រោះបានទទួលការហៅឲ្យជួយរហូតដល់ទីក្រុង DOBBO ចម្ងាយប្រមាណជា៧០០គីឡូម៉ែត្រពីចំណុចកណ្ដាលនៃការរញ្ជួយដីនោះ។
វិទ្យាស្ថានភូកុម្ភសាស្ត្រអាមេរិក USGS ដំបូងវាយតម្លៃថា ការរញ្ជួយដីនោះមានកម្លាំង៥,៨រីស្ទ័រ មុនពេលកែវិញថាមានកម្លាំង៥,៩រីស្ទ័រ។ ឆាកនៃការជ្រួលច្របល់របស់ប្រជាជន ត្រូវបានគេថតជាវីដេអូបង្ហោះតាមបណ្ដាញសង្គម ដែលគេឃើញប្រជាជននាំគ្នារត់ប្រសាចចេញពីផ្ទះមកកាន់ដងវិថី ហើយអគារនានាញ័ររង្គើរ។ នាយករដ្ឋមន្ត្រីអូស្រា្តលីលោក SCOTT MORRISON ពីក្រុងញូវយ៉កកន្លែងដែលលោកទៅចូលរួមមហាសន្និបាតអ.ស.បថ្លែងថា ការរញ្ជួយដីនោះសំណាងល្អដោយពុំមានជនរងគ្រោះឬការខូចខាតធ្ងន់ធ្ងរឡើយ។ រូបភាពនានាពីតំបន់ពាណិជ្ចកម្មមួយ បង្ហាញឥដ្ឋរុះធ្លាក់មកដី។
ការរញ្ជួយដីមិនសូវខ្លាំងនានា កើតមានខុសពីទម្លាប់នៅភាគអាគ្នេយ៍អូស្ត្រាលី មិនសូវមានប្រជាជនរស់នៅច្រើន។ លើកនេះជាការរញ្ជួយដីធំបំផុតមួយ នៅទីនោះពុំធ្លាប់មានចាប់តាំងពីច្រើនឆ្នាំមកហើយ។ ការរញ្ជួយដីមួយកម្រិតបុ៉ណ្ណេះកើតមានម្ដងៗចន្លោះពី១០ទៅ២០ឆ្នាំឯណោះ នៅភាគអាគ្នេយ៍អូស្ត្រាលី ដោយការរញ្ជួយដីលើកចុងក្រោយមួយកើតមាននៅ THORPDALE កាលពីឆ្នាំ២០១២៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ