និស្សិតម្នាក់បា.ញ់ប្រហារក្នុងសាកលវិទ្យាល័យមួយ ស្លា.ប់៨នាក់(វីដេអូ)
គណៈកម្មាធិការស៊ើបអង្កេតរុស្ស៊ីគូសបញ្ជាក់ថា និស្សិតម្នាក់បានបា.ញ់សម្លា.ប់មនុស្សចំនួន៨នាក់ ក្នុងការបា.ញ់ប្រហារមួយនៅសាកលវិទ្យាល័យ
ប្រទេសរុស្ស៊ី ៖ គណៈកម្មាធិការស៊ើបអង្កេតរុស្ស៊ីគូសបញ្ជាក់ថា និស្សិតម្នាក់បានបាញ់សម្លា.ប់មនុស្សចំនួន៨នាក់ ក្នុងការបាញ់ប្រហារមួយកាលពីថ្ងៃទី២០ ខែកញ្ញា ឆ្នាំ២០២១ នៅសាកលវិទ្យាល័យក្រុង PERM ជាទីក្រុងមួយនៅតំបន់អ៊ូរាល់ភាគខាងកើតរុស្ស៊ី មុនពេលបាញ់ឲ្យរបួស និងចាប់ខ្លួន។
ឧប្បត្តិហេតុដោយអាវុធប្រភេទនោះ កើតមានកាន់តែច្រើនឡើងនៅរុស្ស៊ី រយៈពេលប៉ុន្មានឆ្នាំចុងក្រោយនេះ ដែលនាំឲ្យមានការពង្រឹងច្បាប់ប្រើ់អាវុធ។ គណៈកម្មាធិការស៊ើបអង្កេតបន្តថា ខ្មាន់កាំភ្លើងរងរបួសពេលត្រូវចាប់ខ្លួន ខណៈគេប៉ុនប៉ងតដៃ។ ក្នុងពេលភ្លាមៗគេមិនទាន់រាយការណ៍ពីមូលហេតុនៃការបាញ់ប្រហារនោះនៅឡើយ។ ដោយមានការភ័យខ្លាចចំពោះការបាញ់ប្រហារនោះ និស្សិតទាំងឡាយនាំគ្នាលោតចុះតាមបង្អួចជាន់ទី១ នៃអគារសាកលវិទ្យាល័យ។ រូបភាពវីដេអូពីទិដ្ឋភាពនោះ ត្រូវបានផ្សាយតាមបណ្ដាញសង្គមផងដែរ។
វីដេអូមួយថតតាមបង្អួចមួយ បង្ហាញជនម្នាក់ស្លៀកពាក់ខ្មៅ បាញ់ប្រហារ ហើយរត់ឆ្ពោះមកច្រកចូលអគារមួយរបស់សាកលវិទ្យាល័យ។ ខ្មាន់កាំភ្លើងដែលគេដឹងអត្តសញ្ញាណ តែមិនលាតត្រដាង បានចូលមកក្នុងបរិវេណសាកលវិទ្យាល័យ នាវេលាម៉ោង១១មោ៉ងក្នុងស្រុក។
ការបាញ់ប្រហារនៅតាមសាលា ឬសាកលវិទ្យាកម្រមាននៅរុស្ស៊ី ដោយសារមានការត្រួតពិនិត្យអាវុធតឹងតែង តែរយៈពេលប៉ុន្មានឆ្នាំចុងក្រោយនេះ បែរជាមានការកើនឡើងជាច្រើន ខណៈប្រធានាធិបតីលោកវ្ល៉ាឌីមៀរ ពូទីន បរិហារថា នោះជាបាតុភូតនាំចូលមកពីសហរដ្ឋអាមេរិក ដោយសារឥទិ្ធពលនៃសាកលភាវូបនីយកម្ម។ ព្រឹត្តិការណ៍បាញ់ប្រហារដ៏បង្ហូរឈា.មមួយនៅរុស្សុី កើតមានកាលពីថ្ងៃទី១១ ឧសភា ឆ្នាំ២០២១ ដោយបុរសម្នាក់អាយុ១៩ឆ្នាំំ បានបាញ់ប្រហារក្នុងអតីតសាលារបស់គេ នៅក្រុងកាហ្សាន់នៃសាធារណរដ្ឋរុស្សុីតាតាស្ថាន បណ្ដាលឲ្យមនុស្សស្លា.ប់៩នាក់៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ