ខេត្តកំពង់ស្ពឺ ៖ សេចក្តីរាយការណ៍បន្តថា មកដល់វេលាម៉ោង១០ និង៣២នាទីព្រឹកថ្ងៃទី២០ កុម្ភៈ នេះ ប្រតិភូសាខាកាកបាទក្រហមកម្ពុជា ដឹកនាំដោយលោក អ៊ុយ សំអាត ប្រធាននាយកដ្ឋានគ្រប់គ្រងគ្រោះមហន្តរាយកាកបាទក្រហមកម្ពុជា និងជា
ខេត្តកំពង់ស្ពឺ ៖ សេចក្តីរាយការណ៍បន្តថា មកដល់វេលាម៉ោង១០ និង៣២នាទីព្រឹកថ្ងៃទី២០ កុម្ភៈ នេះ ប្រតិភូសាខាកាកបាទក្រហមកម្ពុជា ដឹកនាំដោយលោក អ៊ុយ សំអាត ប្រធាននាយកដ្ឋានគ្រប់គ្រងគ្រោះមហន្តរាយកាកបាទក្រហមកម្ពុជា និងជាតំណាងដ៏ខ្ពស់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានចុះទៅដល់ផ្ទះស្ត្រីក្រីក្រឈ្មោះអៀង គីម អាយុ៤១ឆ្នាំ និងប្តីឈ្មោះចក់ សៅ អាយុ៣៤ឆ្នាំ រស់នៅក្នុងភូមិអង់សខ្នាយ ឃុំមហាប្ញស្សី ស្រុកគងពិសី ដែលត្រូវខាងធនាគារភូមិចាក់សោផ្ទះដាក់ស្លាកលក់ ខណៈយកលុយទៅបង់ឱ្យមិនទាន់ពេលកំណត់ ។ កាកបាទក្រហមកម្ពុជារួមទាំងអាជ្ញាធរឃុំ-ស្រុក នឹងចុះទៅផ្ទះស្ត្រីក្រីក្រដែលត្រូវធនាគារភូមិចាក់សោដាក់លក់
ក្នុងឱកាសនោះ គេឃើញមានការអមដំណើរដោយលោកស្រីឱម ចាន់ណា នាយិកាសាខាកាកបាទក្រហមខេត្តកំពង់ស្ពឺ, លោកឡុង ហ៊ន ប្រធានអនុសាខាកាកបាទក្រហមស្រុកគងពិសី រួមទាំងលោកមេឃុំ និងក្រុមប្រឹក្សាភូមិ បាននាំយកអំណោយជាច្រើនជូនដល់គ្រួសារស្ត្រីខាងលើ ។
ជាបឋម អំណោយដែលត្រូវផ្តល់ជូនរួមមាន អង្ករ៣បាវ, មី៣កេស, ត្រីខ៣យួរ, មុង៣, សារុង៣, ភួយ៣, ក្រមា៣ ក្នុងនោះបានជួយដោះស្រាយបំណុលជាមួយធនាគារ និងធ្វើការជួសជុលផ្ទះជូនបន្ថែមទៀត ។ល។
ចែករំលែកព័តមាននេះ