ខេត្តកណ្តាល ៖ ស្ត្រីវិកលចរិកម្នាក់ដើរឆ្លងផ្លូវ ត្រូវរថយន្តបុករងរបួសធ្ងន់ ប៉ូលិសចរាចរណ៍ដឹកយកទៅឱ្យមន្ទីរពេទ្យបង្អែកជ័យជំនះជួយសង្គ្រោះ ត្រូវបាននគរបាលប្រាប់ថា បែរជាត្រូវគ្រូពេទ្យមិនយកចិត្តទុកដាក់ ក្នុងការសង្គ្រោះជីវិតស្ត្រីវិកលចរិតនោះ ព្រោះប្រហែលក្រុមគ្រូពេទ្យទាំងនោះគិតថា ស្ត្រីវិកលចរិកនេះគ្មានលុយបង់ថ្លៃព្យាបាល ។
ខេត្តកណ្តាល ៖ ស្ត្រីវិកលចរិកម្នាក់ដើរឆ្លងផ្លូវ ត្រូវរថយន្តបុករងរបួសធ្ងន់ ប៉ូលិសចរាចរណ៍ដឹកយកទៅឱ្យមន្ទីរពេទ្យបង្អែកជ័យជំនះជួយសង្គ្រោះ ត្រូវបាននគរបាលប្រាប់ថា បែរជាត្រូវគ្រូពេទ្យមិនយកចិត្តទុកដាក់ ក្នុងការសង្គ្រោះជីវិតស្ត្រីវិកលចរិតនោះ ព្រោះប្រហែលក្រុមគ្រូពេទ្យទាំងនោះគិតថា ស្ត្រីវិកលចរិកនេះគ្មានលុយបង់ថ្លៃព្យាបាល ។
ដោយក្តីអាណិតអាសូរស្ត្រីរងគ្រាះវិកលចរិក ដែលត្រូវរថយន្តបុករងរបួសធ្ងន់ស្ទើរស្លាប់ស្ទើររស់ទៅហើយ បែរជាគ្រូពេទ្យមិនយកចិត្តទុក្ខដាក់សង្គ្រោះជីវិត ធ្វើឱ្យលោកអ៊ាវ ចំរើន ស្នងការខេត្តកណ្តាលបញ្ជាឱ្យមន្ត្រីប៉ូលិសក្រោមឱវាទរបស់គាត់ប្រាប់ទៅក្រុមគ្រូពេទ្យទាំងនោះ ឆាប់ព្យាបាលស្ត្រីរងគ្រាះវិកលចរិកនោះភ្លាម មិនថាអស់លុយប៉ុន្មានក្នុងថ្លៃព្យាបាលទេ លោកជាអ្នកចេញទាំងអស់ ទើបធ្វើឱ្យក្រុមគ្រូពេទ្យទាំងនោះឮ ក៏យកចិត្តទុកដាក់ជួយសង្គ្រោះជីវិតស្ត្រីវិកលចរិកនោះភ្លាមដោយយកចិត្តទុកដាក់ថែមទៀតផង ។
មិនត្រឹមតែប៉ុណ្ណោះទេ លោកអ៊ាវ ចំរើន ស្នងការនគរបាលខេត្តកណ្តាល បានដាក់បញ្ជាឱ្យកម្លាំងរបស់លោកជួយមើលថែព្យាបាលស្ត្រីអាយុ២៧ឆ្នាំម្នាក់ ដែលរងគ្រោះថ្នាក់ចរាចរណ៍ កាលពីវេលាម៉ោងជិត១២យប់ថ្ងៃទី១៧ កុម្ភៈ ២០១៦ ស្ថិតនៅចំណុចមុខរោងចក្រដើមត្នោត លើកំណាត់ផ្លូវលេខ១១៥ ស្ថិតក្នុងភូមិសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ដោយសាររថយន្តមួយគ្រឿង បើកបុកទាំងកំរោល នៅពេលស្ត្រីរងគ្រោះកំពុងធ្វើដំណើរនៅលើដងផ្លូវ ។
លោកស្នងការបានប្រាប់កម្លាំងរបស់លោកឱ្យជម្រាបទៅដល់លោកគ្រូពេទ្យនៅក្នុងមន្ទីរពេទ្យជ័យជំនះឯក្រុងតាខ្មៅថា ព្យាបាលអស់លុយប៉ុន្មាន ក៏ដោយលោកជាអ្នកចេញប្រាក់ទាំងអស់ ។ ការដាក់បទបញ្ជានេះ បន្ទាប់ពីលោកទទួលបានព័ត៌មានថា លោក ឡាង លន់ អធិការរងក្រុងតាខ្មៅទទួលបន្ទុកផ្នែកចរាចរណ៍ផ្លូវគោក បានដឹកនាំកម្លាំងយកស្ត្រីរងគ្រោះទៅដល់មន្ទីរពេទ្យជ័យជំនះហើយក្រុមគ្រូពេទ្យមិនរវល់សង្គ្រោះអ្នកជំងឺ ។
ចែករំលែកព័តមាននេះ