គ្រូ PSG ប្រាប់ហេតុផលប្តូរ Messi ចេញ ដែលធ្វើឱ្យរូបគេមិនពេញចិត្តយ៉ាងខ្លាំង
បារាំង ៖ កីឡាករ Lionel Messi បានបង្ហាញទឹកមុខ និងកាយវិការមិនពេញយ៉ាងខ្លាំង នៅពេលត្រូវលោក Mauricio
បារាំង ៖ កីឡាករ Lionel Messi បានបង្ហាញទឹកមុខ និងកាយវិការមិនពេញយ៉ាងខ្លាំង នៅពេលត្រូវលោក Mauricio
បារាំង ៖ កីឡាករ Lionel Messi បានបង្ហាញទឹកមុខ និងកាយវិការមិនពេញយ៉ាងខ្លាំង នៅពេលត្រូវលោក Mauricio Pochettinode សម្រេចចិត្តប្តូររូបគេចេញនៅនាទី៧៥ ក្នុងការប្រកួតដែលក្រុម PSG យកឈ្នះលើក្រុម Lyon ដោយលទ្ធផល ២-១។
ជំនួបសប្តាហ៍ទី៦នៃក្របខណ្ឌលីគកំពូលបារាំង Ligue 1 ដែលធ្វើឡើងនៅឯកីឡដ្ឋាន Parc des Princes កាលពីយប់មិញ ក្រុមភ្ញៀវ Lyon បានបើកការនាំមុខមុននៅនាទី៥៤ រកបានដោយខ្សែបម្រើ Lucas Paqueta។ មុនពេលម្ចាស់ផ្ទះ PSG វាយបក២គ្រាប់យកឈ្នះវិញ ដែលសម្រេចបានដោយខ្សែប្រយុទ្ធ Neymar នៅនាទី៦៦ ដោយបាល់ប៉េណាល់ទី និងខ្សែប្រយុទ្ធ Mauro Icardi នៅនាទី៩០+៣។
នៅក្នុងជំនួបនេះ Messi ត្រូវបានដាក់ជាជម្រើស១១នាក់ដំបូង ប៉ុន្តែការប្រកួតឈានដល់នាទី៧៥ គ្រូបង្វឹក Mauricio Pochettino បានសម្រេចចិត្តប្តូររូបគេចេញ និងជំនួសដោយខ្សែការពារ Achraf Hakimi ត្រឡប់វិញ។ ដែលធ្វើឱ្យខ្សែប្រយុទ្ធអាហ្សង់ទីនវ័យ៣៤ឆ្នាំរូបនេះ មិនសប្បាយចិត្តយ៉ាងខ្លាំង។
បន្ទាប់ពីចប់ការប្រកួត លោក Pochettino បានពន្យល់យ៉ាងច្បាស់ពីមូលហេតុសម្រេចចិត្តបែបនេះ ដោយលោកបាននិយាយថា «យើងបានសំរេចចិត្តដក Messi ចេញ ដោយសារតែខ្លាចគេជួបបញ្ហារបួស។ យើងមានការប្រកួតដ៏សំខាន់នៅពេលខាងមុខ ហើយយើងត្រូវតែការពារគាត់។ ទាំងនេះគឺជាការសម្រេចចិត្តសម្រាប់ក្រុមទាំងមូល ហើយអ្នករាល់គ្នាដឹងថា យើងមានកីឡាករឆ្នើមៗជាច្រើន ដូច្នេះយើងត្រូវតែធ្វើការសម្រេចចិត្តទាំងនេះ»។
ក្រោយឆ្លងកាត់ការប្រកួត៦សប្តាហ៍កន្លងមក PSG បន្តឈរនៅកំពូលតារាង ដោយប្រកួតឈ្នះទាំងអស់មាន១៨ពិន្ទុពេញ តាមពីក្រោយដោយក្រុម Marseille ដែលមាន១៣ពិន្ទុ និងក្រុម Lens ដែលមាន១២ពិន្ទុ៕ (ដកស្រង់ចេញពី Marca)
ចែករំលែកព័តមាននេះ