សហរដ្ឋអាមេរិក ៖ យានអវកាសDRAGONរបស់ក្រុមហ៊ុនSPACEXអាមេរិក បានវិលត្រឡប់មកដល់ផែនដីវិញហើយ កាលពីយប់ថ្ងៃទី១៨កញ្ញា ក្រោយពីស្ថិតក្នុងលំហអវកាស អស់ពេល៣ថ្ងៃ ដែលនោះជាជោគជ័យដំបូងសម្រាប់បេសកកម្មអវកាសជាប្រវត្តិសាស្ត្រដែលគ្មានអវកាសយានិកអាជីពណាម្នាក់ទៅជាមួយ។
យានអវកាសDRAGONអាចចុះដោយសារខែលទែរមិករបស់ខ្លួន បន្ទាប់មកទប់ដោយឆ័ត្រយោងធំ៤។ ការចុះរបស់យាននោះគឹក្នុងមហាសមុទ្រអត្លង់ទិក ក្នុងដែនទឹកនៃរដ្ឋផ្លរីដា ត្រង់កន្លែងគ្រោងទុកនិងតាមពេលម៉ោងដែលបានកំណត់ គឹម៉ោង២៣និង០៦នាទីម៉ោងសកល ត្រូវនឹងម៉ោង១៩និង០៦នាទីម៉ោងក្នុងស្រុក។
ក្រោយការចុះបន្តិតរបស់យាននោះ មេបញ្ជាការយាន មហាសេដ្ឋីJARED ISAACMAN៉ដែលគោលបំណងរបស់លោកគឹចង់បើកទ្វារទីអវកាសបន្តិចថែមទៀតថ្លែងថា នេះគឺជាដំណើរដ៏វិសេសវិសាលបំផុតសម្រាប់យើងហើយនោះជាការចាប់ផ្ដើម។
នាវារបស់ក្រុមហ៊ុនSPACEXបានមកស្រង់យានអវកាសនេះ មុនពេលបើកទ្វារ។ អ្នកដំណើរទាំង៤នាក់មានទឹកមុខញញឹមពព្រាយនិងលើកដៃគ្រវីឡើងលើ ជាសញ្ញានៃក្ដីសប្បាយដោយនាំគ្នាចេញបន្តបន្ទាប់ពីយាន។
លោកJARED ISAACMANអាយុ៣៨ឆ្នាំជាថៅកែ របស់សហគ្រាសមួយខាងសេវាកម្មហិរញ្ញវត្ថុ និងជាអ្នកបើកយន្តហោះ។ លោកបានចំណាយប្រាក់ច្រើនសិបលានដុល្លារដល់ក្រុមហ៊ុនSPACEXសម្រាប់ការធ្វើដំណើរក្នុងទីអវសនោះ។ លោកបានចែករំលែកកៅអី៣ទៀតនៃយាន ដល់មនុស្ស៣នាក់គឺលោកស្រីHAYLEY ARCENEAUX ជំនួយការពេទ្យអាយុ២៩ឆ្នាំ ក្លាយជានារីអាមេរិកវ័យក្មេងជាងគេដែលទៅកាន់ទីអវកាស។
មនុស្សម្នាក់ទៀតគឺលោកស្រីសាស្ត្រាចារ្យSIAN PROCTOR អាយុ៥១ឆ្នាំ រួចម្នាក់់ទៀតគឹអតីតទាហានកងទ័ពអាកាសអាមេរិកលោកCHRIS SEMBROSKIអាយុ៤២ឆ្នាំ។ អ្នកទាំង៤បានស្ថិតក្នុងទីអវកាស៣ដ្ងៃហោះហើរជុំវិញផែនដីដោយឡើងទៅខ្ពស់ជាងស្ថានីយអវកាសអន្តរជាតិISS រហូតដល់កម្ពស់៥៩០គីឡូម៉ែត្រ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ