រដ្ឋាភិបាលអាមេរិករបស់លោកចូបៃដិន ប្រកាសនាថ្ងៃទី១៨ ខែកញ្ញា ឆ្នាំ២០២១ នេះថា សង្វាក់នៃការចាប់បណ្ដេញចេញតាមយន្តហោះ ជនអន្តោប្រវេសន៍ជាង១០.០០០នាក់ដែលប្រមូលផ្ដុំគ្នាចាប់តាំងពីច្រើនថ្ងៃមកហើយ នៅក្រោមស្ពាន
សហរដ្ឋអាមេរិក ៖ រដ្ឋាភិបាលអាមេរិករបស់លោកចូបៃដិន ប្រកាសនាថ្ងៃទី១៨ ខែកញ្ញា ឆ្នាំ២០២១ នេះថា សង្វាក់នៃការចាប់បណ្ដេញចេញតាមយន្តហោះ ជនអន្តោប្រវេសន៍ជាង១០.០០០នាក់ដែលប្រមូលផ្ដុំគ្នាចាប់តាំងពីច្រើនថ្ងៃមកហើយ នៅក្រោមស្ពានមួយនៃរដ្ឋតិចសាស់ នឹងត្រូវជម្រុញ ។
ជនអន្តោប្រវេសន៍ទាំងនោះពិសេសជនជាតិហៃទី បានមកដល់ទីក្រុង DEL RIO រដ្ឋតិចសាស់ដោយឆ្លងកាត់ទន្លេ RIO GRANDE មកពីម៉ិកស៊ិក។ មានត្រឹមមិនដល់២.០០០នាក់ផងកាលពីដើមសប្ដាហ៍ ចំនួនពួកអន្តោប្រវេសន៍បានឡើងដល់ជាង១០.៥០០នាក់នាថ្ងៃទី១៧ ខែកញ្ញា។ នេះជាតួលេខប្រកាសដោយអភិបាលក្រុង BRUNO LOZANO ជាប់ព្រំដែនម៉ិកស៊ិក ដែលនឹងមានអ្នកមកដល់ថ្មីៗទៀត។
ក្នុងសេចក្ដីប្រកាសមួយក្រសួងសន្តិសុខផ្ទៃក្នុងអាមេរិកអះអាងថា នឹងទទួលបានមធ្យោបាយដឹកជញ្ជូនថែមទៀត ដើម្បីជម្រុញសង្វាក់និងបង្កើនសមត្ថភាពនៃការដឹកពួកអន្តោប្រវេសន៍ចេញតាមយន្តហោះ ទៅកាន់ហៃទីនិងគោលដៅដទៃៗទៀត នា៧២ម៉ោងខាងមុខនេះ។
បណ្ដារូបភាពគួរឲ្យភ្ញាក់ផ្អើលនៃជនអន្តោប្រវេសន៍ទាំងនេះ ប្រមូលផ្ដុំគ្នាក្រោមស្ពានមួយ ក្រោមកម្ដៅថ្ងៃក្ដៅហែងរយៈពេលប៉ុន្មានថ្ងៃចុងក្រោយនេះ ញ៉ាំងឲ្យពួកប្រឆាំងនៃគណបក្សសាធារណរដ្ឋ ព្រមទាំងពួកអ្នកប្រជាធិបតេយ្យផងដែរ ស្នើដល់លោកបៃដិន ឲ្យដោះស្រាយដោយឆាប់រហ័ស នូវសភាពការណ៍។ អភិបាលក្រុង DEL RIO បានចេញការប្រកាសអាសន្ន ហើយនាថ្ងៃទី១៧ ខែកញ្ញា បានបិទស្ពានមិនឲ្យធ្វើចរាចរណ៍។
ចលាចលនយោបាយ និងអសន្តិសុខនៅហៃទីបន្ថែមការរញ្ជួយដី កាលពីខែសីហា ដែលបំផ្លាញភាគនិរតីប្រទេសនេះ សម្លាប់មនុស្សដល់ជាង២.២០០នាក់ មនុស្សប្រមាណជា៦៥០.០០០នាក់បន្តលើកគ្នាសំដៅមកកាន់ដែនដីអាមេរិក៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ