រាជធានីភ្នំពេញ ៖ ថ្នាក់ដឹកនាំកំពូលរបស់ព្រះរាជាណាចក្រកម្ពុជា តែងតែយកចិត្តទុកដាក់យ៉ាងជ្រាលជ្រៅ ចំពោះវីរកងទ័ពកម្ពុជា ។ នេះបើយោងតាមផេកគ្រូពេទ្យស្ម័គ្រចិត្តយុវជនសម្តេចតេជោ បានប្រកាសនារសៀលទី០៤ ខែមករានេះ ។…
រាជធានីភ្នំពេញ ៖ ថ្នាក់ដឹកនាំកំពូលរបស់ព្រះរាជាណាចក្រកម្ពុជា តែងតែយកចិត្តទុកដាក់យ៉ាងជ្រាលជ្រៅ ចំពោះវីរកងទ័ពកម្ពុជា ។ នេះបើយោងតាមផេកគ្រូពេទ្យស្ម័គ្រចិត្តយុវជនសម្តេចតេជោ បានប្រកាសនារសៀលទី០៤ ខែមករានេះ ។
ដោយក្តីមេត្តាករុណាដ៏ខ្ពង់ខ្ពស់បំផុត «លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត» បានអនុញ្ញាតឱ្យក្រុមគ្រូពេទ្យស្ម័គ្រចិត្តយុវជនសម្តេចតេជោ (TYDA) នាំវីរកងទ័ពឈ្មោះ «ហ៊ុន ហឿន» អាយុ ៥០ឆ្នាំ ជាកងទ័ពជួរមុខប្រចាំទិសភ្នំទ្រព្យ មកទទួលការព្យាបាលដោយការវះកាត់ នៅមន្ទីរពេទ្យក្តីសង្ឃឹមនៃយេរេមា (JH) ។
វីរកងទ័ពមានបញ្ហាឈឺចង្កេះខ្លាំង ចាក់មកជើងខាងស្តាំ ដើរមិនរួច បន្ទាប់ពីលោកពូ បានលីគ្រាប់ធុនធំដើម្បីប្រយុទ្ធជាមួយការពារទឹកដី ។ លោកពូ បានទទួលការវះកាត់បញ្ហាលៀនទ្រនាប់ឆ្អឹងចង្កេះ ដោយលោកសាស្ត្រាចារ្យវេជ្ជបណ្ឌិត «ស៊ឹម សុខចាន់» នៅមន្ទីរពេទ្យក្តីសង្ឃឹមនៃយេរេមា (JH) កាលពីថ្ងៃទី២ ខែមករា ឆ្នាំ២០២៦ ។
ជាលទ្ធផលល្អ ក្រោយការវះកាត់ បញ្ហាឈឺចង្កេះ ចាក់មកជើងខាងស្តាំបានបាត់ទាំងស្រុង ព្រមទាំងលោកពូអាចងើបដើរដោយប្រក្រតីវិញ ។
ជាងនេះបន្ថែមទៀត វីរកងទ័ព និងក្រុមគ្រួសារ សូមគោរពអរគុណ និងគោរពដឹងគុណយ៉ាងជ្រាលជ្រៅបំផុតជូន «សម្តេចមហាបវរធិបតី ហ៊ុន ម៉ាណែត» និង «លោកជំទាវបណ្ឌិត ពេជ ចន្ទមុន្នី» ដែលលោកទាំងពីរតែងតែគិតគូដល់សុខទុក្ខលោកពូ ក៏ដូចជាប្រជាជនកម្ពុជាទាំងអស់ ។ លោកពូ និងក្រុមគ្រួសារថែមទាំងអរគុណសម្រាប់ការយកចិត្តទុកដាក់ព្យាបាលយ៉ាងល្អរបស់ក្រុមគ្រូពេទ្យឯកទេសផងដែរ ។
សូមបញ្ជាក់ថា រាល់ការចំណាយទាំងអស់ក្នុងការព្យាបាល ថ្លៃអាហារប្រចាំថ្ងៃ និងថ្លៃធ្វើដំណើរ ត្រូវបានទំនុកបម្រុងដ៏ខ្ពង់ខ្ពស់បំផុតដោយ «សម្តេចធិបតី» និង «លោកជំទាវបណ្ឌិត» ៕
ចែករំលែកព័តមាននេះ