ខេត្តកណ្តាល ៖ ជនសង្ស័យ ២នាក់ត្រូវបានឃាត់ខ្លួន ក្នុងនោះម្នាក់ធ្វើសកម្មភាពលួចយកដែកទ្រទុយោទឹកស្អាត ចំណែកជនសង្ស័យ១នាក់ទៀត ទទួលផលចោរកម្ម ។ នេះបើយោងតាមអធិការដ្ឋាននគរបាលក្រុងតាខ្មៅ បានប្រកាសនាយប់ថ្ងៃទី០៤…
ខេត្តកណ្តាល ៖ ជនសង្ស័យ ២នាក់ត្រូវបានឃាត់ខ្លួន ក្នុងនោះម្នាក់ធ្វើសកម្មភាពលួចយកដែកទ្រទុយោទឹកស្អាត ចំណែកជនសង្ស័យ១នាក់ទៀត ទទួលផលចោរកម្ម ។ នេះបើយោងតាមអធិការដ្ឋាននគរបាលក្រុងតាខ្មៅ បានប្រកាសនាយប់ថ្ងៃទី០៤ ខែមករា ឆ្នាំ២០២៦ ។
អធិការដ្ឋាននគរបាលក្រុងតាខ្មៅ បានបញ្ជាក់ថា អនុវត្តតាមការបញ្ជាដឹកនាំ ដោយផ្ទាល់ពីលោកឧត្តមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្តាល នាព្រឹកថ្ងៃទី០៤ ខែមករា ឆ្នាំ២០២៦ ផ្នែកនគរបាលព្រហ្មទណ្ឌ និងប៉ុស្តិ៍នគរបាលរដ្ឋបាលព្រែកហូរ ដឹកនាំដោយ លោកវរសេនីយ៍ឯក យី វណ្ណដា អធិការនៃអធិការដ្ឋាននគរបាលក្រុងតាខ្មៅ ស្រាវជ្រាវឈានដល់ការបង្ក្រាបករណីអំពើលួច (ដែកទ្រទុយោទឹកស្អាត) និងទទួលផលចោរកម្មចំណុចស្ពាន ៦០ម៉ែត្រ ភូមិបត្តាជី១ សង្កាត់ព្រែកហូរ ក្រុងតាខ្មៅ ខេត្តកណ្តាល ។
ឃាត់ខ្លួនជនសង្ស័យបានចំនួន២នាក់ ទី១-ឈ្មោះឈឹន សុខខុន ភេទប្រុស អាយុ៤៤ឆ្នាំ ជនជាតិខ្មែរ ភូមិដំណាក់សង្កែ សង្កាត់ព្រែកកំពឹសខណ្ឌដង្កោ រាជធានីភ្នំពេញ មុខរបរមិនពិតប្រាកដ ជនសង្ស័យមានសារធាតុញៀ.នក្នុងទឹកនោម ទី២-ឈ្មោះ លាប សេងវ៉ាង ភេទប្រុស អាយុ៤៣ឆ្នាំ ជនជាតិខ្មែរ រស់នៅភូមិដំណាក់សង្កែ សង្កាត់ព្រែកកំពឹស ខណ្ឌដង្កោ រាជធានីភ្នំពេញ មុខរបរទិញអេតចាយ(ទទួលផលចោរកម្ម) ។
សម្ភារៈចាប់យករួមមាន ដែក៤ជ្រុងចំនួន១៩កំណាត់ ,ដែកក្រចាប់ចំនួន១២ក្រចាប់ ,បន្ទះដែកមួយចំនួន(របស់ជនរងគ្រោះ) ។ បច្ចុប្បន្នជនសង្ស័យត្រូវឃាត់ខ្លួនដើម្បីកសាងសំណុំរឿងបន្តនីតិវិធី ៕
ចែករំលែកព័តមាននេះ