ខេត្តបាត់ដំបង ៖ សេចក្តីរាយការណ៍ឱ្យដឹងថា មានការភ្ញាក់ផ្អើលកាលពីវេលាម៉ោង១២ថ្ងៃត្រង់ ទី១៧ កុម្ភៈ ២០១៦ នេះ បន្ទាប់ពីមានករណីចោរគាស់ផ្ទះអាជីវករលក់មាសក្នុងផ្សារថ្មគោល ស្ថិតក្នុងភូមិប៉ោយយង់ ឃុំតាពូង ស្រុកថ្មគោល ខេត្តបាត់ដំបង ខណៈម្ចាស់ផ្ទះចាក់សោ ដោយជាប់រវល់លក់នៅផ្សារ ។
ខេត្តបាត់ដំបង ៖ សេចក្តីរាយការណ៍ឱ្យដឹងថា មានការភ្ញាក់ផ្អើលកាលពីវេលាម៉ោង១២ថ្ងៃត្រង់ ទី១៧ កុម្ភៈ ២០១៦ នេះ បន្ទាប់ពីមានករណីចោរគាស់ផ្ទះអាជីវករលក់មាសក្នុងផ្សារថ្មគោល ស្ថិតក្នុងភូមិប៉ោយយង់ ឃុំតាពូង ស្រុកថ្មគោល ខេត្តបាត់ដំបង ខណៈម្ចាស់ផ្ទះចាក់សោ ដោយជាប់រវល់លក់នៅផ្សារ ។
ប្រភពឱ្យដឹងថា ម្ចាស់ផ្ទះខាងលើឈ្មោះឯក រ៉ាវី ភេទស្រី អាយុ៥១ឆ្នាំ ជាអាជីវករលក់មាសក្នុងផ្សារថ្មគោល មានទីលំនៅក្នុងភូមិកើតហេតុខាងលើ (ផ្សារនិងផ្ទះនៅជិតគ្នា) ។ ករណីនេះត្រូវគេសង្ស័យថា ចោរអាចមានគ្នាលើស២នាក់ឡើងទៅ ព្រោះពួកវាបានកាត់ចម្រឹងដែកបង្អួច និងវាយទម្លុះទ្វារចូលកកាយអីវ៉ាន់ពេញផ្ទះ និងវាយបំបែកទូដែកយកទ្រព្យសម្បត្តិដែលគិតត្រួសៗអស់ ប្រាក់ដុល្លារ១០១ដុល្លារ, ប្រាក់បាត៣២បាត, ប្រាក់ខ្មែរ៣០លានរៀល, គ្រឿងអលង្ការប្លាទីន២៣ដំឡឹង និងគ្រឿងអលង្ការមាស១ដំឡឹង៧ជី ។
ប្រភពបន្តទៀតថា មុនពេលភ្ញាក់ផ្អើលនេះ គឺបន្ទាប់ម្ចាស់ផ្ទះត្រឡប់មកពីផ្សារ ដើម្បីធ្វើចម្អិនម្ហូប លុះពេលទៅដល់ ទើបភ្ញាក់ផ្អើលតែម្តង ។ បើតាមអ្នកជិតខាងឱ្យដឹងដែរថា នៅវេលាកើតហេតុ គេបានឮសំឡេងវាយដំខ្លាំងៗដែរ តែស្មានតែគេធ្វើផ្ទះ ដោយមិនបានចាប់អារម្មណ៍នោះទេ ។ បច្ចុប្បន្ន សមត្ថកិច្ចកំពុងបើកការស៊ើបអង្កេតលើករណីនេះ ។
ចែករំលែកព័តមាននេះ