ឃាត់ខ្លួនជនសង្ស័យ០២នាក់ ពីបទជួញដូរ និងប្រើប្រាស់គ្រឿងញៀ.ន
ខេត្តកោះកុង ៖ លោកវរសេនីយ៍ឯក ហួន នុន អធិការនគរបាលស្រុក នៅវេលាម៉ោង១៥និង១០នាទី ថ្ងែទី១៤ ខែកញ្ញា ឆ្នាំ២០២១…
ខេត្តកោះកុង ៖ លោកវរសេនីយ៍ឯក ហួន នុន អធិការនគរបាលស្រុក នៅវេលាម៉ោង១៥និង១០នាទី ថ្ងែទី១៤ ខែកញ្ញា ឆ្នាំ២០២១ បានដឹកនាំកម្លាំងជំនាញគ្រឿងញៀន កម្លាំងជំនាញព្រហ្មទណ្ឌ និងកម្លាំងប៉ុស្តិ៍រដ្ឋបាលស្រែអំបិល និងដោយមានការសម្របសម្រួលពីព្រះរាជអាជ្ញាអមសាលាដំបូងខេត្តកោះកុង បានចុះបង្ក្រាបមុខសញ្ញាជួញដូរប្រើប្រាស់ និងរក្សាទុក នូវសារធាតុញៀនខុសច្បាប់ នៅចំណុចផ្លូវចូលវត្តស្រែអំបិល ស្ថិតក្នុងភូមិត្រពាំង ឃុំស្រែអំបិល ស្រុកស្រែអំបិល ខេត្តកោះកុង ។
កិច្ចប្រតិបត្តិការនេះ សមត្ថកិច្ចបានឃាត់ខ្លួនមុខសញ្ញាជួញដូរប្រើប្រាស់ និងរក្សាទុកនូវសារធាតុញៀនខុសច្បាប់ បានចំនួន ០២នាក់ រួមមាន ៖
ទី១-ជនសង្ស័យឈ្មោះ ឃឿន ផានី ភេទប្រុស អាយុ២១ឆ្នាំ ជនជាតិខ្មែរ មុខរបរកសិករ មានទីលំនៅភូមិត្រពាំង ឃុំស្រែអំបិល ស្រុកស្រែអំបិល ខេត្តកោះកុង ។
និងទី២-ជនសង្ស័យឈ្មោះ វួច ទិ ភេទប្រុស អាយុ២៣ឆ្នាំ ជនជាតិខ្មែរ មានទីលំនៅភូមិស្រែអំបិល ឃុំស្រែអំបិល ស្រុកស្រែអំបិល ខេត្តកោះកុង ។
វត្ថុតាងដែលដកហូតបាន រួមមាន ៖
-ម្សៅក្រាមពណ៌សថ្លាសង្ស័យថាជាសារធាតុញៀនចំនួន១២កញ្ចប់តូច
-ទូរសព្ទ័ដៃ០១គ្រឿង
-ឧបករសំរាប់ជក់ថ្នាំញៀនមួយចំនួន
បច្ចុប្បន្ន ជនសង្ស័យទាំង២នាក់ រួមទាំងវត្ថុតាងកម្លាំងជំនាញកសាងសំណុំរឿងបញ្ជូនទៅសាលាដំបូងខេត្ត ចាត់ការតាមនីតិវិធី និងបញ្ជូនទៅពន្ធនាគារ ៕
ចែករំលែកព័តមាននេះ