ឆេះអស់គ្រឿងក្នុងបន្ទប់គេងថៅកែហាងគុយទាវចិន នៅទឹកថ្លា
- ភ្នំពេញ
រាជធានីភ្នំពេញ៖ ហាងគុយទាវ យីហោ «ឡូសឺ» របស់ជនជាតិចិន ត្រូវបានអគ្គិភ័យឆាបឆេះ នៅជាន់ទី២ បណ្តាលអោយបន្ទប់គេងរបស់ថៅកែចិន រងការខូចខាតទាំងស្រុង។ ហេតុការណ៍នេះ…
រាជធានីភ្នំពេញ៖ ហាងគុយទាវ យីហោ «ឡូសឺ» របស់ជនជាតិចិន ត្រូវបានអគ្គិភ័យឆាបឆេះ នៅជាន់ទី២ បណ្តាលអោយបន្ទប់គេងរបស់ថៅកែចិន រងការខូចខាតទាំងស្រុង។ ហេតុការណ៍នេះ…
រាជធានីភ្នំពេញ៖ ហាងគុយទាវ យីហោ «ឡូសឺ» របស់ជនជាតិចិន ត្រូវបានអគ្គិភ័យឆាបឆេះ នៅជាន់ទី២ បណ្តាលអោយបន្ទប់គេងរបស់ថៅកែចិន រងការខូចខាតទាំងស្រុង។ ហេតុការណ៍នេះ បានកើតឡើង កាលពីវេលាម៉ោងប្រមាណ ៥ និង ២០នាទី ល្ងាចថ្ងៃទី១៦ ខែកញ្ញា ឆ្នាំ២០២១ នៅហាងគុយទាវ ឡូសឺ ដែលស្ថិតនៅផ្ទះលេខP63 ក្នុងក្រុម៥ ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ រាជធានីភ្នំពេញ។
ហាងគុយទាវ ដែលត្រូវភ្លើងឆេះនោះ មានម្ចាស់ឈ្មោះ ZHANG PENG ជនជាតិចិន ភេទប្រុស អាយុ ៣២ឆាំ្ន ដែលបានជួលពីម្ចាស់ផ្ទះ ឈ្មោះ ទី និមល ភេទប្រុស អាយុ ៤២ឆាំ្ន។
សាក្សី បានអោយដឹងថា នៅមុនពេលកើតហេតុ គេឃើញភ្លើងបានឆាបឆេះ ផ្សែងហុយខ្មួលខ្មាញ់ចេញពីបន្ទប់ជាន់ទី២ បង្កអោយមានការភ្ញាក់ផ្អើលដល់ប្រជាពលរដ្ឋក្បែរខាង និងបានហៅរថយន្តពន្លត់អគ្គិភ័យជាច្រើនគ្រឿង ទៅអន្តរាគមន៍។
នគរបាលការិយាល័យ បង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានអោយដឹងថា នៅក្នុងហេតុការណ៍នោះ រថយន្តពន្លត់អគ្គិភ័យចំនួន ៥គ្រឿង បានទៅអន្តរាគមន៍ ដោយបាញ់ពន្លត់អស់ ៣គ្រឿង ហើយភ្លើង បានរលត់ទៅវិញ នៅវេលាម៉ោងប្រមាណ ៦ល្ងាច ដោយពុំបណ្តាលអោយឆេះរាលដាលទៅផ្ទះអ្នកជិតខាងឡើយ។
នគរបាល អោយដឹងថា មូលហេតុ ដែលកើតមានអគ្គិភ័យនេះ បណ្តាលមកពីទុស្សេខ្សែភ្លើង នៅបន្ទប់ដេក ធ្វើពីបេតុង នៅជាន់ទី២។ អគ្គិភ័យនេះ បានឆាបឆេះសម្ភារៈ និងរបស់ប្រើប្រាស់ នៅក្នុងបន្ទប់ដេកជាន់ទី២ទាំងស្រុង តែមិនបណ្តាលអោយភ្លើងឆេះរាលដាលដល់លំនៅឋានរបស់អ្នកជិតខាងឡើយ៕ ម៉េងធា
ចែករំលែកព័តមាននេះ