ខោអាវលក់តាមផ្លូវ ក៏ត្រូវចោរឆក់ដែរ នៅភ្នំពេញ
- ភ្នំពេញ
ភ្នំពេញ៖ ជនសង្ស័យចំនួន ៤នាក់ ជិះម៉ូតូ ២គ្រឿង បានឆក់ខោអាវថ្មីៗ នៅកន្លែងលក់ខោអាវមួយកន្លែង ស្ថិតនៅតាមចិញ្ចើមផ្លូវ។ កម្លាំងប្រជាការពារ បានដេញតាម…
ភ្នំពេញ៖ ជនសង្ស័យចំនួន ៤នាក់ ជិះម៉ូតូ ២គ្រឿង បានឆក់ខោអាវថ្មីៗ នៅកន្លែងលក់ខោអាវមួយកន្លែង ស្ថិតនៅតាមចិញ្ចើមផ្លូវ។ កម្លាំងប្រជាការពារ បានដេញតាម…
ភ្នំពេញ៖ ជនសង្ស័យចំនួន ៤នាក់ ជិះម៉ូតូ ២គ្រឿង បានឆក់ខោអាវថ្មីៗ នៅកន្លែងលក់ខោអាវមួយកន្លែង ស្ថិតនៅតាមចិញ្ចើមផ្លូវ។ កម្លាំងប្រជាការពារ បានដេញតាម និងស្រែកប្រកាសតាមវិទ្យុទាក់ទង បង្កឲ្យមានការភ្ញាក់ផ្អើល ដល់កម្លាំងនគរបាល ជួយដេញតាម រហូតឃាត់ខ្លួនបាន។
ហេតុការណ៍នេះ បានកើតឡើង កាលពីវេលាម៉ោង ៣ និង ២០នាទី រសៀលថ្ងៃទី១៦ ខែកញ្ញា ឆ្នាំ២០២១ នៅតាមមហាវិថីឈ្នះឈ្នះ ស្ថិតនៅក្នុងភូមិសំរោង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យទាំង ៤នាក់នោះ ១,ឈ្មោះ អាវ ខារ៉ា អាយុ ១៧ឆ្នាំ ២,ឈ្មោះ កុយ ចាន់ស៊ិន អាយុ ១៧ឆ្នាំ ៣,ឈ្មោះ វណ្ណ វណ្ណៈ អាយុ ១៧ឆ្នាំ និង៤,ឈ្មោះ រី សាមុត អាយុ ១៧ឆ្នាំ។
ប្រភពព័ត៌មានបានឲ្យដឹងថា នៅមុនពេលកើតហេតុ ជនសង្ស័យទាំង ៤នាក់ខាងលើ បានជិះម៉ូតូម៉ាកហុងដាឌ្រីមសេ ១២៥ មួយគ្រឿង និងម៉ាកស៊ុយហ្ស៊ុយគីនិច ១គ្រឿង តាមមហាវិថីឈ្នះឈ្នះ ក្នុងទិសដៅពីជើងទៅត្បូង។ លុះពេលទៅដល់ត្រង់ចំណុចកើតហេតុ ក៏បានធ្វើសកម្មភាពឆក់ខោអាវនៅកន្លែងលក់តាមចិញ្ចើមផ្លូវ រួចបាននាំគ្នា ជិះម៉ូតូគេចខ្លួន សំដៅទៅទិសខាងត្បូងឡើងផ្លូវជាតិលេខ៤។
ប្រភពដដែល បានបន្តទៀតថា ខណៈនោះ កម្លាំងប្រជាការពារឃើញ ក៏ដេញតាម និងស្រែកប្រកាសតាមវិទ្យុទាក់ទង បង្កឲ្យមានការភ្ញាក់ផ្អើល ដល់កម្លាំងនគរបាលជួយដេញតាម ហើយក៏មានការជួយសហការណ៍ពីកម្លាំងនគរបាលខណ្ឌកំបូលផងដែរ។ ជនសង្ស័យ បានគេចខ្លួន រហូតដល់ម្ដុំផ្លូវទៅរោងចក្រកាត់ដេរ យ៉ាកជីង ស្ថិតនៅក្នុងសង្កាត់កំបូល ខណ្ឌកំបូល ក៏ត្រូវបាននគរបាលឃាត់ខ្លួន បានទាំង ៤នាក់។
ប្រភពខាងលើ បានប្រាប់ឲ្យដឹងទៀតថា កន្លងមក ក្រុមជនសង្ស័យ តែងធ្វើសកម្មភាពឆក់យកខោអាវនៅកន្លែងលក់ខាងលើ បានសម្រេចជាបន្តបន្ទាប់រួចមកហើយ និងបានគេចខ្លួនរួចរហូត។ ទើបតែពេលនេះ ត្រូវអស់លក្ខណ៍ ហើយក្រោយពេលឃាត់ខ្លួន នគរបាល បាននាំជនទាំង ៤នាក់នេះ ទៅកាន់ប៉ុស្តិ៍សំរោងក្រោម ដើម្បីសាកសួរ និងកសាងសំណុំរឿង ចាត់ការតាមច្បាប់៕ យន់ ស៊ីថា
ចែករំលែកព័តមាននេះ