ចាក់វ៉ាក់សាំង ដូសទី៣ ឬដូសជំរុញ ដល់ប្រជាជនទូទៅ នឹងចាប់ផ្តើមនៅខែតុលា ហើយចាក់មុនគេ នៅភ្នំពេញ
- ភ្នំពេញ
ភ្នំពេញ៖ សម្តេចតេជោ នាយករដ្ឋមន្ត្រី ហ៊ុន សែន បានប្រកាសថា ដំណើរការចាក់វ៉ាក់សាំង ដូសទី៣ ឬដូសជំរុញ ដល់ប្រជាជនទូទៅ…
ភ្នំពេញ៖ សម្តេចតេជោ នាយករដ្ឋមន្ត្រី ហ៊ុន សែន បានប្រកាសថា ដំណើរការចាក់វ៉ាក់សាំង ដូសទី៣ ឬដូសជំរុញ ដល់ប្រជាជនទូទៅ…
ភ្នំពេញ៖ សម្តេចតេជោ នាយករដ្ឋមន្ត្រី ហ៊ុន សែន បានប្រកាសថា ដំណើរការចាក់វ៉ាក់សាំង ដូសទី៣ ឬដូសជំរុញ ដល់ប្រជាជនទូទៅ នឹងចាប់ផ្តើមនៅខែតុលា ហើយចាក់មុនគេ នៅក្នុងរាជធានីភ្នំពេញ។
ឆ្លើយតបនឹង Comment តាមហ្វេសប៊ុក នាថ្ងៃទី១៤ ខែកញ្ញា ឆ្នាំ២០២១ នេះ សម្តេចតេជោ ហ៊ុន សែន បានលើកឡើងថា «ដូសទី៣ នឹងចាក់ជូនគ្រប់ៗគ្នា ដោយចាប់ផ្តើមពីរាជធានីភ្នំពេញ ចាប់ពីខែតុលា ឆ្នាំ២០២១ នេះទៅ»។
សូមរម្លឹកថា ដំណើរការចាក់វ៉ាក់សាំង ដូសទី៣ ឬដូសជំរុញ បានធ្វើឡើង កាលពីថ្ងៃទី៨ ខែសីហា ឆ្នាំ២០២១ លើកងកម្លាំងជួរមុខ នៅខេត្តជាប់ព្រំដែនថៃ និងបណ្តារាជធានីខេត្ត។ រហូតដល់ថ្ងៃទី១៤ ខែកញ្ញា ឆ្នាំ២០២១ អ្នកចាក់វ៉ាក់សាំងដូសទី៣ ឬដូសជំរុញ បានចំនួន ៧៩០ ១១១នាក់។ ក្នុងនោះ រួមមាន៖ អ្នកចាក់វ៉ាក់សាំង AstraZeneca ( ផលិតនៅប្រទេសជប៉ុន ) មានចំនួន ៣៧៧ ៥៩៦នាក់ និងវ៉ាក់សាំង AstraZeneca ( ផលិតនៅប្រទេសអង់គ្លេស ) មានចំនួន ៤១២ ៥១៥នាក់។
ដោយឡែក ចំនួនអ្នកចាក់វ៉ាក់សាំងបង្ការជំងឺកូវីដ១៩ នៅទូទាំងប្រទេស គិតត្រឹមថ្ងៃទី១៤ ខែកញ្ញា ឆ្នាំ២០២១ គឺចាក់វ៉ាក់សាំង ដូសទី១ បានចំនួនសរុប ១១ ៤៨៩ ៦៦១នាក់។ រីឯដូសទី២ ចាក់បានចំនួន ៩ ៧៦៣ ១៥៧នាក់។ ក្នុងនោះ កុមារអាយុចាប់ពី ១២ឆ្នាំ ដល់ក្រោម ១៨ឆ្នាំ ចាក់វ៉ាក់សាំង បានចំនួន ១ ៧១៥ ៧០១នាក់៕
ចែករំលែកព័តមាននេះ